|
|
 |
| (GMT+08:00)
2006-03-07 10:20:16
|
 |
|
ອະດີດເຈົ້າແຂວງທີ່ກັບຄືນເມືອເຮັດນາຢູ່ບ້ານເກີດ
cri
|
ແຂວງໄຫຫຼໍາທີ່ຕັ້ງຢູ່ສົ້ນໃຕ້ສຸດຂອງຈີນ,ມີຜູ້ເຖົ້າຜູ້ໜຶ່ງ,ເມື່ອສາມປີກ່ອນ,ເພິ່ນໄດ້ຈາກຕົວເມືອງທີ່ເພິ່ນລື້ງແກວ່ນ,ກັບຄືນເມືອຢູ່ບ້ານພູດອຍທີ່ສອກຫຼີກຊຶ່ງແມ່ນບ້ານເກີດຂອງເພິ່ນ.ຍ້ອນເພິ່ນກັບມາ,ບ້ານນ້ອຍໆທີ່ທຸກຍາກຫຼ້າຫຼັງໃນເມື່ອກ່ອນ,ໄດ້ເກີດມີການປ່ຽນແປງແບບປີ້ນຟ້າຂວ້ຳແຜ່ນດິນ,ໄທບ້ານໄດ້ເລີ່ມດຳລົງຊີວິດຄືໄທເມືອງ.ຜູ່ເຖົ້າຜູ້ນີ້ກໍ່ແມ່ນທ່ານເຊີນຊູ່ໂຮ້ວ ອະດີດຮອງເຈົ້າແຂວງແຂວງໄຫຫຼໍາ.
ບ້ານຊົ່ງເມີຍແມ່ນບ້ານພູດອຍທີ່ສອກຫຼີກຂອງເມືອງນ້ອຍນານປາວເມືອງລິນກ່າວແຂວງໄຫຫຼໍາ,ຢ່ແຫ່ງນີ້ຄົນທັງຫຼາຍຈະໄດ້ເຫັນພໍ່ເຖົ້າຜູ່ໜຶ່ງທີ່ຜິວດຳອ່ຳທ່ຳແລະມັກຍິ້ມເລື້ອຍໆ,ເພິ່ນມັກຫິ້ວຖົງຜ້າທີ່ໃສ່ຂວດນ້ຳ,ຍ່າງຫຼິ້ນຢູ່ຕາມບ້ານ.ເພິ່ນກໍ່ແມ່ນທ່ານເຊີນຊູ່ໂຮ້ວ.ນອກຈາກການນຸ່ງຖືຮຽບຮ້ອຍກວ່າຜູ່ອື່ນແລ້ວ,ເພິ່ນກໍ່ບໍ່ມີຫຍັງຕ່າງກັບຊາວກະສິກອນຜູ່ອື່ນເຊັ່ນດຽວກັນກັບຊາວກະສິກອນ170ກວ່າຄອບຄົວໃນບ້ານ,ຢູ່ໜ້າບ້ານເພິ່ນກໍ່ໄດ້ປູກຜັກ,ສິບກວ່າຊະນິດ,ເຊັ່ນຜັກກາດຂາວ,ຜັກກາດຫົວແລະໝາກຖົ່ວເປັນຕົ້ນ.
ຜູ່ເຖົ້າຜູ່ນັ້ນເບິ່ງແລ້ວຄືຄົນທຳມະດາ,ແຕ່ເພິ່ນພັດແມ່ນຊາວກະສິກອນຂັ້ນສູງກວ່າໝູ່ຢູ່ແຂວງໄຫຫຼໍາ,ເພາະວ່າເພິ່ນເຄີຍເປັນຮອງເຈົ້າແຂວງແຂວງໄຫຫລຳທີ່ຊີ້ນຳວຽກງານກະສິກຳເປັນເວລາ7ປີ.ພາຍຫຼັງອອກກິນເບ້ຍບຳນານໃນປີ2003ແລ້ວ,ທ່ານເຊີນຊູ່ໂຮ້ວກັບພັນລະຍາໄດ້ກັບຄືນບ້ານເກີດທີ່ຈາກໄປຫຼາຍປີ,ແລ້ວກາຍເປັນຊາວກະສິກອນຜູ້ໜຶ່ງ.ເມື່ອເວົ້າເຖິງການຕົກລົງໃນຄາວ ນັ້ນ,ທ່ານສະຫຼຸບວ່າແມ່ນຍ້ອນຄວາມຮັກແພງອັນເລິກເຊິ່ງຕໍ່ຊາວກະສິກອນ.
1 2
|
|
|
