|
|
 |
| (GMT+08:00)
2006-03-08 14:38:49
|
 |
|
ຫໍພິພິທະພັນທໍລະນີຈີນ(ສຽງ)
cri
ເຖິງວ່າລຸງຖາວກ່າງ ໄທເມືອງປັກກິ່ງບໍ່ໄດ້ເຮັດວຽກດ້ານທໍລະນີສາດກໍ່ຕາມ, ແຕ່ລຸງສົນໃຈນຳຫີນທີ່ສຸດໃນເມື່ອກ່ອນ. ໃນເວລານັກຂ່າວໄປທ່ຽວຊົມຫໍພິພິທະພັນທໍລະນີຈີນນັ້ນ, ພໍດີເຫັນລຸງພາພົນລະຍາມາທ່ຽວຊົມຫໍພິພິທະພັນເປັນຄັ້ງທຳອິດ. ລຸງເວົ້າວ່າ:
ພວກເຮົາຢາກມາທ່ຽວຊົມຫໍພິພິທະພັນແຫ່ງນີ້ໄດ້ດົນແລ້ວ, ສິ່ງທີ່ດູດດຶງໃຈຂ້າພະເຈົ້າທີ່ສຸດໃນຫໍພິພິທະພັນທໍລະນີແຫ່ງນີ້ແມ່ນ, ຂ້າພະເຈົ້າຢາກຮູ້ແຮ່ທາດປະເພດຕ່າງໆຂອງປະເທດເຮົາຢູ່ແຫ່ງໃດແດ່. ພວກເຮົາສອງຄົນມີອາຍຸ73ປີແລ້ວ, ນີ້ເປັນຄັ້ງທຳອິດ, ມື້ນີ້ຂ້າພະເຈົ້າໄດ້ຮັບຄວາມຮູ້ຫຼາຍ. ເວົ້າສຳລັບແຮ່ທາດເຫຼົ່ານີ້ແລ້ວ, ຂ້າພະເຈົ້າສົນໃຈກວ່າໝູ່ນັ້ນກໍແມ່ນຈຸດຮ່ວມຂອງແກ້ວມໍລະກົດແລະຫີນແຮ່. ອະນາຄົດ, ຂ້າພະເຈົ້າກໍຢາກມາທ່ຽວູແຫ່ງນີ້ປະຈຳ, ເພີ່ມຄວາມຮູ້ຫຼາຍຂຶ້ນແລະສ້າງຄວາມມ່ວນຊື່ນໃຫ້ແກ່ຊີວິດຂອງຕົນ.
ນອກຈາກການວາງສະແດງແລະການຄົ້ວຄວ້າວິທະຍາສາດແລ້ວ, ຫໍພິພິທະພັນທໍລະນີຈີນຍັງໄດ້ດຳເນີນການເຄື່ອນໄຫວສຶກສາທາງສັງຄົມແລະການເຜີຍແຜ່ວິທະຍາສາດທີ່ມີຫຼາຍສີຫຼາຍສັນ. ວາລະສານໜ່ວຍໂລກທີ່ຫໍພິພິທະພັນເລີ່ມພິມຈຳໜ່າຍໃນປີ1981ນັ້ນແມ່ນວາລະສານເຜີຍແຜ່ວິທທະຍາສາດທໍລະນີພຽງສະບັບດຽວຂອງຈີນ; ຄ້າຍພັກແຮມລະດູຮ້ອນທໍລະນີສາດຊາວໜຸ່ມເຍົາວະຊົນທົ່ວປະເທດທີ່ຫໍພິພິທະພັນຈັດຂຶ້ນປີລະເທື່ອນັ້ນໄດ້ກາຍເປັນຍີ່ຫໍ້ສຳຄັນທີ່ສຸດຂອງການເຄື່ອນໄຫວສຶກສາທີ່ກ່ຽວຂ້ອງ; ນອກນີ້, ແຫ່ງນີ້ຍັງຈັດງານບັນລະຍາຍເຜີຍແຜ່ວິທະຍາສາດ, ການລາດຕະເວນວາງສະແດງແລະການເຄື່ອນໄຫວສອບຖາມກ່ຽວກັບການແຜີຍແຜ່ວິທະຍາສາດເປັນປະຈຳຫຼືບໍ່ປະຈຳ.
ໃນ90ປີກ່ອນ, ເມື່ອສ້າງຕັ້ງຫໍພິພິທະພັນແຫ່ງນີ້, ຫໍພິພິທະພັນທໍລະນີຈີນໄດ້ຕັ້ງເປົ້າໝາຍໄວ້ວ່າ: ຈະສ້າງເປັນຫໍພິພິທະພັນລະດັບໜຶ່ງພາຍໃນປະເທດຈີນແລະມີຊື່ສຽງໃນໂລກ, ເປົ້າໝາຍດັ່ງກ່າວໄດ້ບັນລຸຜົນເປັນຈິງມາແຕ່ດົນແລ້ວ. ປະຈຸບັນ, ມັນໄດ້ກາຍເປັນຫໍພິພິທະພັນທໍລະນີທີ່ໃຫຍ່ກວ່າໝູ່ຂອງອາຊີ, ການເຄື່ອນໄຫວແລກປ່ຽນວິທະຍາສາດເຕັກນິກລະຫວ່າງຊາດຂອງມັນກໍນັບມື້ນັບຂະຫຍາຍກວ້າງອອກ, ຫໍພິພິທະພັນດັ່ງກ່າວໄດ້ສ້າງສາຍພົວພັນກັບຫໍພິພິທະພັນຂອງປະເທດຕ່າງໆເຊັ່ນ: ອາເມລິກາ, ຍີ່ປຸ່ນ, ລັດເຊຍ, ອັງກິດ, ເຢຍລະມັນແລະແບນຊິກເປັນຕົ້ນ, ໄດ້ຈັດງານສະແດງຂອງຄະນະຜູ້ແທນຈີນໃນກອງປະຊຸມທໍລະນີສາກົນຄັ້ງທີ26, 27, 28ແລະ29ຢ່າງເປັນລຳດັບ. ແຕ່ລະປີ, ມີແຂກຕ່າງປະເທດຫຼາຍຮ້ອຍຄົນມາທັດສະນະຈອນຢ້ຽມຊົມແລະຈັດການເຄື່ອນໄຫວແລກປ່ຽນດ້ານວິຊາການຢູ່ຫໍພິພິທະພັນດັ່ງກ່າວ.
ເນື່ອງໃນໂອກາດວັນສ້າງຕັ້ງຫໍພິພິທະພັນທໍລະນີຈີນຄົບຮອບ90ປີ, ຫໍພິພິທະພັນດັ່ງກ່າວໄດ້ເປີດກວ້າງອິດທິພົນຂອງຕົນຕື່ມອີກ. ທ່ານຈ້າວເຄີຢານແນະນຳວ່າ:
ພວກຂ້າພະເຈົ້າຈະໝູນອ້ອມປະຫວັດສາດຂອງຫໍພິພິທະພັນແຫ່ງນີ້, ພິມສິ່ງພິມຕ່າງໆ, ຄື: ຮຽບຮຽງຮູບພາບຂອງເຄື່ອງສະສົມຍອດຢ້ຽມ, ບົດນິພົນຂອງພະນັກງານຄົ້ນຄວ້າຂອງຫໍພິພິທະພັນເປັນຕົ້ນ, ພວກຂ້າພະເຈົ້າຍັງຈະຮ່ວມມືກັບຊີຊີທີວີ, ເຣັດຖ່າຍທຳຟິມໂຄສະນາແລະຟິມສຶກສາວິທະຍາຫຼາຍຟິມໂດຍຈຳເພາະ. ປີນີ້, ພວກຂ້າພະເຈົ້າຍັງຈະຈັດຕັ້ງຜູ້ຊ່ຽວຊານແລະຜູ້ຊົມພ້ອມກັນປະກວດຂອງລ້ຳເລີດຂອງຫໍພິພິທະພັນທໍລະນີຈີນ.ທ່ານຈ້າວເຄີຢານຫວັງວ່າ, ການເຄື່ອນໄຫວລະລຶກຕ່າງໆເຫຼົ່ານີ້ຈະສາມາດເຜີຍແຜ່ຄວາມຮູ້ທໍລະນີໃຫ້ມວນຊົນຕື່ມອີກ, ຍົກຄວາມເອົາໃຈໃສ່ຕໍ່ພາລະກິດທໍລະນີຂອງຊາວຈີນໃຫ້ສູງຂຶ້ນ.
1 2
|
|
|
