|
|
 |
| (GMT+08:00)
2006-03-08 18:35:08
|
 |
|
ເພງຂອງງານກິລາໂອລິມປິກ(ພາບ) (ສຽງ)
cri
ໃນເພງງານໂອລິມປິກທີ່ມີຜົນສະທ້ອນກວ້າງຂວາງແລະນິຍົມກັນຫຼາຍນັ້ນແມ່ນເພງHand in hand, ເພງຂອງງານກິລາໂອລິມປິກເຊອຸ່ນປີ 1988. ເພງນີ້ແຕ່ງໂດຍທ່ານຈອນ ວິນລຽມສ໌, ຍ້ອນແຕ່ງເພງນີ້, ທ່ານໄດ້ຮັບລາງວັນໂອລິມປິກທີ່ຄະນະກຳມະການໂອລິມປິກສາກົນເບີກໃຫ້.
ຂໍໃຫ້ພວກເຮົາຈູງແຂນກັນ, ເຜີຍແຜ່ມິດຕະພາບໄປທຸກທິດສະ
ບຸກແຫກສິ່ງກີດຂວາງທຸກຢ່າງ
ໃຫ້ຄວາມຮັກປີວເປື້ອງຢູ່ເທິງຜືນທຸງຊົ່ວນິລັນດອນ.
ເນື້ອເພງທີ່ຄຸ້ນຫູແລະທຳນອງທີ່ຟັງບໍ່ເບື່ອຈັກເທື່ອ, ໄດ້ໃຫ້ເພງນີ້ກາຍເປັນເພງດີເດ່ັນກວ່າໝູ່ໃນເພງງານໂອລິມປິກ. ມັນໄດ້ເຜີຍແຜ່ຄວາມສະໝັກສະໝານ ຊຶ່ງເປັນທັດສະນະຄະຕິພື້ນຖານຂອງມວນມະນຸດ, ເຮັດໃຫ້ຈິດໃຈໂອລິມປິກໄດ້ຍົກສູງຂຶ້ນ. "ພວກເຮົາຈົ່ງເກາະແຂນກັນ, ໃຫ້ຄວາມຮັກປີວເປື້ອງຢູ່ເທິງຜືນທຸງຊົ່ວນິລັນດອນ"----ນີ້ກໍແມ່ນການສ່ອງແສງຈິດໃຈໂອລິມປິກ.
ໃນພິທີອັດງານກິລາໂອລິມປິກອັດລັງຕາປີ 1996, ນາງຊີລິນ ດີອົງ ລາຊີນີເພງຂອງການາດາໄດ້ຮ້ອງເພງThe power of the dream ດ້ວຍອາລົມສຸດເຊິ່ງ, ນີ້ແມ່ນລາຊີນີເພງລະດັບໂລກຮ້ອງເພງງານໂອລິມປິກເປັນຄັ້ງທຳອິດ, ໄດ້ມີບົດບາດອັນແນ່ນອນໃນການຂະຫຍາຍຜົນສະທ້ອນຂອງງານກິລາໂອລິມປິກ.
ໃນງານກິລາໂອລິມປິກຊິດນີປີ 2000, ນາງຕີນາ ອາເລນາ ນັກຮ້ອງອົສຕຼາລີໄດ້ຮ້ອງເພງງານໂອລິມປິກຄັ້ງນັ້ນ,ຄືເພງThe flame, ມີຜູ່ຊົມເກືອບ 1/3 ໃນໂລກໄດ້ຍິນສຽງຄໍທີ່ມ່ວນບໍ່ມີບ່ອນຕິຂອງນາງ. ເພງນີ້ມີທຳນອງມ່ວນຫລາຍ, ບວກກັບການຂັບຮ້ອງອັນສົມບູນຂອງນາງເອເລນາ, ໄດ້ເຮັດໃຫ້ເພງນີ້ກາຍເປັນເພງງານໂອລິມປິກທີ່ສຳເລັດຜົນກວ່າໝູ່ເພງໜຶ່ງ.
ການສົ່ງຕໍ່ທວນໄຟໂອລິມປິກອາແຕນມີວັດຖຸປະສົງ"ເຕົ້າໂຮມທົ່ວໂລກ"ນັ້ນກໍໄດ້ມີເພງຂອງຕົນຄືເພງPass the flame ແປວ່າ, ສົ່ງຕໍ່ທວນໄຟ. ເພງນີ້ໄດ້ອັດສາມຢ່າງ,ຄືເປັນພາສາອັງກິດ ພາສາເກຼັກແລະເປັນເພງເສບ. ໄດ້ເຊີນນັກຮ້ອງທີ່ມີຊື່ສຽງຫຼາຍຄົນຂອງຫຼາຍປະເທດມາອັດສຽງ, ສຽງຂອງພວກເຂົາເຈົ້າໄດ້ສະແດງໃຫ້ເຫັນຄວາມໝາຍທົ່ວໂລກຂອງການແລ່ນຕໍ່ແຮງສ່ົງທວນໄຟໂອລິມປິກ, ສ່ອງແສງວັດຖຸປະສົງທີ່ວ່າ:" ສົ່ງຕໍ່ໄຟສັກສິດ, ເຕົ້າໂຮມທົ່ວໂລກ". ຄຽງຄູ່ກັບການສົ່ງຕໍ່ທວນໄຟໂອລິມປິກໄປທ່ົວໂລກ, ເພງ"ສ່ົງຕໍ່ທວນໄຟ"ກໍໄດ້ແຜ່ຜາຍຢູ່ໃນຂອບເຂດທົ່ວໂລກ.
ຕາມຮູ້ວ່າ, ງານກິລາໂອລິມປິກປັກກິ່ງກໍເລີ່ມປະກາດຂໍໃຫ້ແຕ່ງເພງງານໂອລິມປິກແລ້ວ, ພວກເຮົາຫວັງຢ່າງຈິງໃຈຢາກໃຫ້ມີນັກແຕ່ງເພງທີ່ດີເດ່ັນແຕ່ງເພງມ່ວນໆໃຫ້ງານກິລາໂອລິມປິກປັກກິ່ງ, ໃຫ້ຄົນທັງຫຼາຍໄດ້ຮັບຄວາມນິຍົມກັນຮ້ອງທຸກເຊ່ັນຄົນ,ຄືກັບເພງHand in hand. ຕໍ່ໄປພາຍໜ້າ, ເພງງານໂອລິມປິກກໍຍ່ອມຈະເສີມຂະຫຍາຍບົດບາດພິເສດຂອງມັນຕໍ່ໄປ, ເພີ່ມສີສັນໃຫ້ແກ່ງານກິລາໂອລິມປິກທີ່ໃຫຍ່ໂຕມະໂຫລານທີ່ສຸດຂອງມວນມະນຸດ.
1 2
|
|
|
