|
|
 |
| (GMT+08:00)
2006-03-09 21:00:09
|
 |
|
ຜູ້ແທນສະພາປະຊາຊົນແຫ່ງຊາດຈີນເອົາໃຈໃສ່ນຳການພັດທະນາອາຊີວະສຶກສາຂອງຈີນ(ສຽງ)
cri
Author: shuo
|
ກອງປະຊຸມສະພາປະຊາຊົນແຫ່ງຊາດຈີນຄັ້ງທີ4ສະໄໝທີ10ພວມໄຂຂຶ້ນຢູ່ທີ່ປັກກິ່ງ.ໃນ ເວລາກ່າວບົດລາຍງານວຽກງານລັດຖະບານໃນວັນທີ5ມີນາ,ທ່ານເວີ່ນເຈ່ຍປາວ ນາຍົກລັດຖະມົນຕີຈີນກ່າວວ່າ,ການພັດທະນາອາຊີວະສຶກສາແມ່ນໜ້າທີ່ອັນສຳຄັນແລະຮີບດ່ວນ,ໃນ5ປີຂ້າງໜ້າ,ການເງິນສູນກາງຈະເບີກເງິນ10ຕື້ຢວນເພື່ອສະໜັບສະໜູນການພັດທະນາອາຊີວະສຶກສາ.ໃນເວລາພິຈາລະນາບົດລາຍງານ,ຜູ້ແທນທັງຫຼາຍຂອງສະພາປະຊາຊົນແຫ່ງຊາດຈີນກ່າວວ່າ,ອາຊີວະສຶກສາທັງແມ່ນຊ່ອງທາງສຳຄັນຂອງການຍົກຄຸນທາດຂອງທົ່ວປວງຊົນໃຫ້ສູງຂຶ້ນ,ທັງແມ່ນປັດໄຈສຳຄັນທີ່ມີຜົນສະທ້ອນໂດຍກົງຕໍ່ກຳລັງແກ່ງແຍ່ງຂອງວິສາຫະກິດແລະກຳລັງສັງລວມແຫ່ງຊາດ,ການພັດທະນາອາຊີວະສຶກສາ ຢ່າງແຂງແຮງຕ້ອງການຄວາມພະຍາຍາມຮ່ວມຂອງທົ່ວສັງຄົມ.ການພັດທະນາອາຊີວະສຶກສາຂອງຈີນມີປະຫວັດພຽງແຕ່20ກວ່າປີທໍ່ນັ້ນ.ໂຮງຮຽນທີ່ດຳເນີນອາຊີວະສຶກສາຂອງຈີນຕົ້ນຕໍມີສອງປະເພດ,ຄືໜຶ່ງແມ່ນໂຮງຮຽນວິຊາສະເພາະຊັ້ນ ກາງແລະໂຮງຮຽນເຕັກນິກທີ່ມີລະດັບທໍ່ກັບໂຮງຮຽນມັດທະຍົມຕອນປາຍ,ອີກປະເພດໜຶ່ງແມ່ນໂຮງຮຽນວິຊາສະເພາະຊັ້ນສູງແລະໂຮງຮຽນວິຊາຊີບຊັ້ນສູງທີ່ມີລະດັບຢູ່ໃນລະຫວ່າງໂຮງຮຽນມັດທະຍົມຕອນປາຍກັບມະຫາວິທະຍາໄລປະລິນຍາຕີ.ເດືອນກັນຍາປີ1996,ກົດໝາຍວ່າດ້ວຍອາຊີວະສຶກສາໄດ້ປະກາດໃຊ້,ອັນໄດ້ເຮັດໃຫ້ອາຊີວະສຶກສາຂອງຈີນເຂົ້າສູ່ໂຄຈອນກົດໝາຍ,ແລະໄດ້ຊຸກຍູ້ໃຫ້ພາລະກິດອາຊີວະສຶກສາຂອງຈີນໄດ້ຮັບຄວາມກ້າວໜ້າຢ່າງໃຫຍ່.ເມື່ອໄດ້ພັດທະນາມາເປັນເວລາ20ກວ່າປີແລ້ວ,ປະຈຸບັນນີ້,ໃນທົ່ວປະເທດຈີນມີໂຮງຮຽນອາຊີວະສຶກສາປະເພດຕ່າງໆ1ໝື່ນ5ພັນກວ່າຫຼັງ,ເຊິ່ງມີນັກຮຽນ20ກວ່າລ້ານຄົນ.
ປີ2005,ກະຊວງສຶກສາທິການຂອງຈີນໄດ້ປັບປຸງອົງປະກອບການສຶກສາ,ຖືອາຊີວະສຶກ ສາຊັ້ນກາງເປັນໜຶ່ງໃນຈຸດໜັກຍຸດທະສາດຂອງວຽກງານການສຶກສາ;ເມື່ອເດືອນພະຈິກປີດຽວກັນຢູ່ທີ່ປັກກິ່ງ,ຄະນະລັດຖະບານຈີນໄດ້ໄຂກອງປະຊຸມວຽກງານອາຊີວະສຶກສາລະ ດັບຊາດ,ໄດ້ກຳນົດຄືນໃໝ່ກ່ຽວກັບແນວຄິດຊີ້ນຳການພັດທະນາອາຊີວະສຶກສາທີ່ຖືການບໍລິການເປັນວັດຖຸປະສົງແລະຖືການປະກອບອາຊີບເປັນທິດຂະຫຍາຍ.ສ່ວນການບັນລະຍາຍກ່ຽວກັບການພັດທະນາອາຊີວະສຶກສາໃນບົດລາຍງານວຽກງານລັດຖະບານຂອງທ່ານເວີ່ນເຈ່ຍປາວ ນາຍົກລັດຖະມົນຕີຈີນໃນປີນີ້ກໍໄດ້ເພີ່ມແມ່ແຮງໃໝ່ເຂົ້າໃນການພັດ ທະນາອາຊີວະສຶກສາຂອງຈີນ.
ໃນເວລາໃຫ້ສຳພາດຕໍ່ນັກຂ່າວວິທະຍຸພວກເຮົາ,ທ່ານຮວງເທີງ ຜູ້ແທນສະພາປະຊາຊົນແຫ່ງຊາດຈີນຂອງແຂວງສານຊີ່ ອະທິການບໍດີຂອງສະຖາບັນວຽກງານການຕ່າງປະເທດຊີ່ອ່ານກ່າວວ່າ,ການພັດທະນາອາຊີວະສຶກສາແມ່ນຂອດຂໍກະແຈຂອງການແກ້ໄຂບັນຫາ ຂາດເຂີນຜູ້ມີຄວາມຮູ້ຄວາມສາມາດດ້ານສີໄມ້ລາຍມື,ແມ່ນຄວາມຕ້ອງການອັນຮີບດ່ວນ ຂອງຈີນໃນການເດີນຕາມເສັ້ນທາງຫັນເປັນອຸດສາຫະກຳແບບໃໝ່,ແລະແມ່ນຊ່ອງທາງສຳຄັນຂອງການແກ້ໄຂບັນຫາກະສິກຳ ຊົນນະບົດແລະຊາວກະສິກອນ.ສ່ວນປະເທດແລະລັດຖະບານເພີ່ມການລົງທຶນສະໜັບສະໜູນການພັດທະນາອາຊີວະສຶກສາຊັ້ນຕ່າງໆປະເພດຕ່າງໆນັ້ນແມ່ນມາດຕະການສຳຄັນຂອງກນສ້າງສາປະເທດຈີນທັນສະໄໝ.ທ່ານຮວງເທີງເວົ້າວ່າ:"ຖືອາຊີວະສຶກສາເປັນກຳລັງຊຸກຍູ້ການພັດທະນາເສດຖະກິດແລະສັງຄົມຢ່າງແທ້ຈິງແມ່ນທ່ວງທ່າທີ່ຕ້ອງເປັນໄປໃນການສັບຊ້ອນອົງປະກອບການສຶກສາ.ລັດຖະ ບານພວກເຮົາໄດ້ສົ່ງເສີມແລະເຮັດໃຫ້ທ່ວງທ່າດັ່ງກ່າວເປັນແບບສະບັບຢ່າງທັນການ,ແລະຊຸກຍູ້ດ້ວຍແຜນກຳນົດ,ຂ້າພະເຈົ້າຄິດວ່າທັງນີ້ໄດ້ສ່ອງແສງໃຫ້ເຫັນທ່າທີວິທະຍາສາດແລະຕິດແທດຕົວຈິງຂອງລັດຖະບານ."
ທ່ານຮວງເທີງເຫັນວ່າ,ໃນ5ປີຂ້າງໜ້າ,ການເງິນສູນກາງຈະເບີກເງິນ10ຕື້ຢວນເພື່ອສະ ໜັບສະໜູນການພັດທະນາອາຊີວະສຶກສາ,ທັງນີ້ກໍເປັນການປ່າວປະກາດໃຫ້ຮູ້ວ່າ,ອາຊີ ວະສຶກສາຂອງຈີນມີຫວັງຈະຫຼຸດພົ້ນອອກຈາກສະພາບບໍ່ໄດ້ຮບຄວາມເອົາໃຈໃສ່ແລ້ວ, ເຂົ້າສູ່ຖານະຫຼັກແຫຼ່ງຂອງລະບົບການສຶກສາ.
ເປັນເວລາດົນນານມານີ້,ໃນວົງການສຶກສາຂອງຈີນ,ອາຊີວະສຶກສາໄດ້ຢູ່ຖານະບໍ່ສຳຄັນ ໂດຍຕະຫຼອດ.ພໍ່ແມ່ແລະນັກຮຽນຈຳນວນໜຶ່ງຖືອາຊີວະສຶກສາເປັນການຄັດເລືອກທີ່ໝົດວິທີຍ້ອນເສັງເຂົ້າມະຫາວິທະຍາໄລບໍ່ໄດ້.ທັງນີ້ໄດ້ພາໃຫ້ອາຊີວະສຶກສາຂອງຈີນຂ້ອນຂ້າງອ່ອນແອໂດຍທາງອ້ອມ.ແຕ່ໃນບໍ່ທໍ່ໃດປີມານີ້,ຢູ່ເຂດທີ່ເສດຖະກິດພັດທະນາຂ້ອນຂ້າງໄວທີ່ແຄມທະເລພາກຕາເວັນອອກສຽງໃຕ້ຂອງຈີນໄດ້ປະກົດມີສະພາບຂາດເຂີນ ຊ່າງເຕັກນິກຊັ້ນສູງແລະຊ່າງເຕັກນິກຊັ້ນຕົ້ນ,ຄວາມຕ້ອງການຂອງສັງຄົມຈຶ່ງເຮັດໃຫ້ຄົນທັງຫຼາຍນັບມື້ນັບເອົາໃຈໃສ່ນຳອາຊີວະສຶກສາ.
1 2
|
|
|
