|
|
 |
| (GMT+08:00)
2006-03-09 21:00:09
|
 |
|
ຜູ້ແທນສະພາປະຊາຊົນແຫ່ງຊາດຈີນເອົາໃຈໃສ່ນຳການພັດທະນາອາຊີວະສຶກສາຂອງຈີນ(ສຽງ)
cri
Author: shuo
ທ່ານນາງຮູຕ້າໄປ ຜູ້ແທນສະພາປະຊາຊົນແຫ່ງຊາດຈີນຂອງແຂວງເຫີນານ ສາດສະດາ ຈານສະຖາບັນວິທະຍາສາດເຕັກນິກຮວງເຮີເຫັນວ່າ:"ພາຍຫຼັງດຳເນີນການປະຕິຮູບແລະໄຂປະຕູສູ່ພາຍນອກແລ້ວ,ຈີນກໍໄດ້ສະເໜີໃຫ້ດຳເນີນການປະຕິຮູບການສຶກສາ,ໄດ້ນຳເຂົ້າ ອາຊີວະສຶກສາທີ່ຕ່າງປະເທດເອົາໃຈໃສ່ນຳການພັດທະນາໂດຍທົ່ວໄປ.ເມື່ອໄດ້ປະຕິບັດຕົວຈິງແລະພິຈາລະນາເປັນເວລາ20ກວ່າປີແລ້ວ,ໃນປີທຳອິດຂອງແຜນກຳນົດ5ປີຄັ້ງທີ 11,ທ່ານນາຍົກລັດຖະມົນຕີສະເໜີວ່າ,ຕ້ອງພັດທະນາອາຊີວະສຶກສາຢ່າງແຂງແຮງ,ລັດ ສະເໜີອອກແນວຄິດຊີ້ນຳທີ່ຖືການບໍລິການເປັນວັດຖຸປະສົງແລະຖືການປະກອບອາຊີບເປັນທິດຂະຫຍາຍ,ທັງໝົດເຫຼົ່ານີ້ລ້ວນແຕ່ສະແດງໃຫ້ເຫັນວ່າ,ລັດຖະບານໄດ້ຕອບສະໜອງກັບຄວາມຕ້ອງການຂອງການພັດທະນາເສດຖະກິດຕະຫຼາດ."
ທ່ານຢູກົວ ຜູ້ແທນສະພາປະຊາຊົນແຫ່ງຊາດຈີນຂອງແຂວງຈ່ຽງຊີ່ ອະທິການບໍດີສະຖາ ບັນລານທ່ຽນຈ່ຽງຊີ່ກ່າວວ່າ,ການພັດທະນາອາຊີວະສຶກສາຢ່າງແຂງແຮງບໍ່ພຽງແຕ່ແມ່ນໜ້າທີ່ຂອງລັດຖະບານແລະອົງການປົກຄອງທ້ອງຖິ່ນທໍ່ນັ້ນ,ຍັງຕ້ອງການໃຫ້ຜູ້ປະຕິບັດ ງານອາຊີວະສຶກສາໂຄລົບກົດເກນພັດທະນາອາຊີວະສຶກສາ,ແລະຊອກຄົ້ນເສັ້ນທາງໃໝ່ຂອງການພັດທະນາອາຊີວະສຶກສາ.ທ່ານເວົ້າວ່າ:"ການພັດທະນາອາຊີວະສຶກສາຕ້ອງ ການຄວາມພະຍາຍາມຮ່ວມກັນຂອງວິສາຫະກິດແລະສັງຄົມ,ມັນຍິ່ງໃກ້ກັບຄວາມຕ້ອງ ການຂອງຕະຫຼາດ,ກໍຍິ່ງມີພະລັງຊີວິດ."
ຕົ້ນກຳເນີດຂອງສະຖາບັນລານທ່ຽນຈ່ຽງຊີ່ທີ່ທ່ານຢູກົວເຮັດວຽກຢູ່ນັ້ນແມ່ນໂຮງຮຽນເຕັກ ນິກອາຊີບລານທ່ຽນຈ່ຽງຊີ່,ສ້າງຕັ້ງຂຶ້ນໃນປີ1994,ປະຈຸບັນມີນັກຮຽນ4ໝື່ນ6ພັນຄົນ,ແມ່ນໂຮງຮຽນແບບປະຍຸກຂອງເອກະຊົນທີ່ມີຂະໜາດໃຫຍ່ກວ່າໝູ່ຂອງຈີນ,ໂຮງຮຽນຫຼັງນີ້ໄດ້ຕັ້ງ100ກວ່າວິຊາເຕັກນິກອາຊີບ,ຫັນໜ້າໄປສູ່ຕະຫຼາດທັງໝົດ,ແຕ່ລະປີ,ອັດຕາປະກອບອາຊີບຂອງຜູ້ຮຽນຈົບລ້ວນແຕ່ສູງກວ່າ98%.
ຜູ້ແທນສະພາປະຊາຊົນຈຳນວນຫຼວງຫຼາຍທີ່ພວມເຂົ້າຮ່ວມກອງປະຊຸມປະຈຳປີຂອງສະ ພາປະຊາຊົນແຫ່ງຊາດຈີນຢູ່ປັກກິ່ງຍັງສະເໜີວ່າ,ລັດຖະບານຄວນສ້າງລະບົບອາຊີວະສຶກສາທີ່ຄົບຖ້ວນບໍລິບູນ,ອາຊີວະສຶກສາຕ້ອງການບຳລຸງສ້າງນັກສຶກສາປະລິນຍາຕີ ປະລິນຍາໂທແລະປະລິນຍາເອກ,ຕ້ອງການບຳລຸງສ້າງຜູ້ມີຄວາມຮູ້ຄວາມສາມາດດ້ານເຕັກ ນິກອາຊີບຊັ້ນສູງຫຼາຍກວ່າເກົ່າ,ຕ້ອງການບຳລຸງສ້າງບັນຍາກາດທີ່ເອົາໃຈໃສ່ນຳການພັດທະນາອາຊີວະສຶກສາໃນທົ່ວສັງຄົມ,ເຮັດໃຫ້ອາຊີວະສຶກສາເສີມຂະຫຍາຍບົດບາດໃຫຍ່ກວ່າເກົ່າຢູ່ຈີນ.ຕາມໄດ້ຊາບ,ກະຊວງສຶກສາທິການຂອງຈີນໄດ້ລົງມືກະກຽມດັດແກ້"ກົດ ໝາຍວ່າດ້ວຍອາຊີວະສຶກສາ"ທີ່ຈີນປະກາດໃຊ້ມາໄດ້10ປິແລ້ວ.
ທ່ານຫຼິວປິ່ນ ຜູ້ແທນສະພາປະຊາຊົນແຫ່ງຊາດຈີນຂອງແຂວງຈ່ຽງຊີ່ ສະມາຊິກຄະນະປະຈຳສະພາປະຊາຊົນແຫ່ງຊາດຈີນກ່າວວ່າ,ຈີນມີໜ້າທີ່ອັນໜັກໜາໃນດ້ານພັດທະນາອາຊີວະສຶກສາ:"ການພັດທະນາອາຊີວະສຶກສາຢ່າງແຂງແຮງແມ່ນບັນຫາຍຸດທະສາດແຫ່ງການພັດທະນາການສຶກສາຂອງຈີນ,ຕ້ອງການການເຂົ້າຮ່ວມຂອງວິສາຫະກິດແລະສັງຄົມ,ຜູ້ຮັບການສຶກສາກໍຕ້ອງຫາບແບກຕົ້ນທຶນຈຳນວນໜຶ່ງ,ຍັງຕ້ອງການຄວາມພະຍາ ຍາມຮ່ວມກັນຂອງທົ່ວສັງຄົມນຳອີກ."
1 2
|
|
|
