|
ສະບາຍດີ ທ່ານຜູ້ທີ່ໂຄລົບ ຊົມເຊີຍທ່ານເຂົ້າສູ່ລາຍການ ຄາ ລົມຄົມຄາຍ.
ມື້ນີ້, ກໍຈະເລົ່ານິທານອຸປະມາເລື່ອງໜຶ່ງສູ່ຟັງກ່ອນ, ນິທານເລື່ອງນີ້ຊຶ່ວ່າ ຄຸນ້ຳທີ່ມີຮອຍແຕກ.
ມີຄົນຮັບຈ້າງຫາບນ້ຳຜູ້ໜຶ່ງມີຄຸນ້ຳສອງໜ່ວຍ, ໜ່ວຍໜຶ່ງດີໆ, ອີກໜ່ວຍໜຶ່ງມີຮອຍແຕກ.
ຕື່ນເຊົ້າທຸກມື້, ຄົນຫາບນ້ຳຜູ້ນີ້ກໍ່ເອົາຄຸສອງໜ່ວຍນີ້ໄປຫາບນ້ຳ, ແຕ່ເມື່ອກັບມາຮອດເຮືອນເທື່ອໃດ, ໃນຄຸທີ່ມີຮອຍແຕກກໍມີນ້ຳເຫຼືອແຕ່ເຄິ່ງຄຸທໍ່ນັ້ນ, ສະນັ້ນ, ຄຸໜ່ວຍດີຈຶ່ງຫົວຂວັນຄຸແຕກເລື້ອງໆ, ແລະຄຸທີ່ມີຮອຍແຕກກໍ່ຮູ້ສຶກຕ່ຳຄ້ອຍນ້ອຍໃຈທີ່ສຸດ, ແລະເສຍໃຈຫຼາຍຍ້ອນຕົນມີຮອຍແຕກ.
ໃນທີ່ສຸດ, ມີມື້ໜຶ່ງໃນເວລາຄົນເຈົ້າຂອງຄຸໄປຫາບນ້ຳນັ້ນ, ຄຸທີ່ມີຮອຍແຕກກໍເສຍໃຈຫຼາຍຈົນໄຫ້ຂຶ້ນແລະເວົ້າຕໍ່ເຈົ້າຂອງວ່າ, ເຈົ້າຂອງເອີ້ຍ, ຂໍໂທດຫຼາຍໆ, ຍ້ອນຮອຍແຕກຂອງຂ້ອຍ, ແຕ່ລະມື້ຈິ່ງເຮັດໃຫ້ເຈົ້າເສຍແຮງລ້າໆບໍ່ໜ້ອຍ.
ເມື່ອເຈົ້າຂອງຄຸຟັງແລ້ວ, ກໍ່ເວົ້າວ່າ, "ບໍ່ເຄີຍເສຍຫຍັງຈັກເທື່ອ, ຖ້າບໍ່ເຊື່ອ, ເຈົ້າໄປເບິ່ງດອກໄມ້ຢູ່ແຄມທາງເມືອເຮືອນເບິ່ງແມ." ເວົ້າແລ້ວ, ເຈົ້າຂອງກໍ່ຫາບຄຸສອງໜ່ວຍນີ້ຍ່າງກັບທາງເກົ່າ.
ກໍ່ແມ່ນຄວາມຂອງລາວອີຫຼີ, ຄຸນ້ຳທີ່ມີຮອຍແຕກໄດ້ປະກົດເຫັນວ່າ, ບໍ່ວ່າຕາມແຄມທາງທີ່ຕົນຍ່າງຜ່ານນັ້ນໄດ້ມີດອກໄມ້ບານເຕັມແຕ່ຍາມໃດ, ແຕ່ຢູ່ຕາມແຄມທາງເບື້ອງຄຸທີ່ບໍ່ມີຮອຍແຕກພັດບໍ່ເຫັນມີດອກໄມ້, ຄົນຫາບນ້ຳທັງຍ່າງທັງເວົ້າວ່າ, "ຂ້ອຍໄດ້ຫວ່ານແນວດອກໄມ້ໃສ່ແຄມທາງເບື້ອງເຈົ້າ, ຮອຍແຕກຂອງເຈົ້າເຮັດໃຫ້ມີນ້ຳຮົ່ວໃສ່ແນວດອກໄມ້, ມັນຈຶ່ງບານຢ່າງສວຍງາມ. ຖ້າບໍ່ມີເຈົ້າ, ກໍຈະບໍ່ມີດອກໄມ້ງາມປານນີ້."
ໃນຂະນະນີ້, ຄຸທີ່ມີຮອຍແຕກຈຶ່ງຫົວຂຶ້ນດ້ວຍຄວາມດີໃຈ.
1 2
|
