|
|
 |
| (GMT+08:00)
2006-03-13 21:35:06
|
 |
|
ຊົມເພງໃໝ່ແລະເພງເກົ່າ
cri
Author: da
ທ່ານມາວນິງແມ່ນນັກຮ້ອງຜູ້ອາວຸໂສບົນເວທີເພງສະໄໝນິຍົມຂອງຈີນ,ເກີດໃນຄອບຄົວນັກດົນຕີ.ໂດຍໄດ້ຮັບຜົນກະທ້ອນແລະການອົມຮົມບົ່ມສ້າງຂອງຄອບຄົວ,ທ່ານມາວນິງໄດ້ສະແດງໃຫ້ເຫັນພອນສະຫວັນດົນຕີມາແຕ່ຍາມຍັງນ້ອຍ.ປີ 1990,ທ່ານມາວນິງໄດ້ເຊັນສັນຍາກັບບໍລິສັດພາບແລະສຽງຊິ່ນສືຕ້າຍກວາງໂຈ່ວ, 3 ປີຕໍ່ມາ,ທ່ານໄດ້ອັດຈຳໜ່າຍCDແຜ່ນທຳອິດທີ່ຊື່ວ່າ qing rang wo de qing gan liu zai shen bian ແປວ່າ"ຂໍໃຫ້ຈົ່ງຄວາມຮັກຂອງຂ້ອຍໄວ້ຢູ່ຄຽງຂ້າງ". ໃນCDແຜ່ນນີ້,ເພງ tao sheng yi jiu "ສຽງຟອງຍັງຄືເກົ່າ"ເປັນເພງທີ່ມ່ວນອອນຊອນທີ່ສຸດ,ເນື້ອຮ້ອງກໍຈັບໃຈຄົນ,ການຂັບຮ້ອງຂອງທ່ານມາວນິງແຮ່ງເຕັມໄປອາລົມອັນເລິກເຊິ່ງ.ຄຽງຄູ່ກັບຄວາມນິຍົມຂອງຄົນທັງຫຼາຍ,ທ່ານມາວນິງໄດ້ກາຍເປັນດາລາເພງຜູ້ໜຶ່ງທີ່ໄດ້ຮັບຄວາມເອົາໃຈໃສ່ທີ່ສຸດເທິງເວທີເພງສະໄໝນິຍົມຂອງຈີນໃນຄາວນັ້ນ.ຕໍ່ໄປ ເຊີນຟັງເພງ tao sheng yi jiu "ສຽງຟອງຍັງຄືເກົ່າ" ເພງທີ່ພາໃຫ້ທ່ານມາວນິງມີຊື່ສຽງ.
"ເອົາໂຄມໄຟຫາປາໄປນຳດວງໜຶ່ງ,ເພື່ອເບືອງຕາຂ້ອຍໃຫ້ອົບອຸ່ນ,ຈົ່ງຄວາມຮັກແທ້ໃນຄາວນັ້ນໄວ້,ໃຫ້ມັນທຽບທ່າຢູ່ຂ້າງຂົວ,ຂ້ອຍຜູ້ໂດດດ່ຽວໄດ້ຫ່າງໄກຈາກຄວາມຮັກແລ້ວ,ແຕ່ເມື່ອຫຼາຍປີຜ່ານໄປ,ພັດປະກົດວ່າ ຂ້ອຍໄດ້ກັບຄືນໄປຫາເຈົ້າອີກ.ດວງຈັນລັບໄປ,ສຽງກາຮ່ຳຮ້ອງ,ເປັນມາແນວນີ້ຕະຫຼອດ,ສຽງຟອງຍັງຄືເກົ່າ,ແຕ່ບໍ່ແມ່ນລາຕີຄາວກ່ອນແລ້ວ,ດຽວນີ້ ເຈົ້າກັບຂ້ອຍຈະຊ້ຳເລື່ອງອະດີດຄືນໄດ້ແນວໃດ,ຖືປີ້ໃບເກົ່າຈະຂຶ້ນກ່ຳປັ່ນໂດຍສານຂອງເຈົ້າໄດ້ບໍ່."
1 2 3 4 5
|
|
|
