|
|
 |
| (GMT+08:00)
2006-03-21 16:34:24
|
 |
|
ຈີນວາງແຜນພັດທະນາຊົນນະບົດແບບໃໝ່
cri
ເພື່ອແກ້ໄຂບັນຫາຊົນນະບົດຈາກກົກຮາກ, ໂດຍຜ່ານການກະກຽມແລະທົດລອງມາເປັນຫຼາຍປີ, ຫວ່າງມໍ່ໆນີ້, ຈີນໄດ້ປະກາດນະໂຍບາຍສ້າງສາຊົນນະບົດແບບໃໝ່. ອີງຕາມນະໂຍບາຍນີ້, ໃນຫຼາຍສິບປີຂ້າງໜ້າ, ຈີນຈະລົງທຶນກ້ອນໃຫຍ່ຢູ່ເຂດຊົນນະບົດ, ເພື່ອດັດແປງພື້ນຖານໂຄງລ່າງຂອງຊົນນະບົດໃຫ້ດີຂຶ້ນ, ໃຫ້ຊາວກະສິກອນສາມາດຊົມໃຊ້ໝາກຜົນການພັດທະນາເສດຖະກິດສັງຄົມທີ່ຄືກັບໄທເມືອງ.
ໃນຫຼາຍປີກ່ອນ, ນະໂຍບາຍນີ້ໄດ້ທົດລອງຢູ່ບ້ານສຽວຕີຂອງແຂວງກຸ້ຍໂຈວ່ກ່ອນແລ້ວ, ອົງການປົກຄອງທ້ອງຖິ່ນໄດ້ລົງທຶນຫຼາຍແສນຢວນ, ຊັກນຳຊາວກະສິກອນແປງທາງ, ແປງເຮືອນ, ແປງສິ່ງກໍ່ສ້າງສາທາລະນະສຸກແລະສະຖານທີ່ວັດທະນະທຳເປັນຕົ້ນ, ແລະໃຫ້ຄ່າເກື້ອກູນສົ່ງເສີມຊາວກະສິກອນປູກພືດອຸດສາຫະກຳ. ໂດຍຜ່ານການສ້າງສາພື້ນຖານໂຄງລ່າງມາຫຼາຍປີ, ບ້ານສຽວຕີໄດ້ປ່ຽນຈາກບ້ານສອກຫຼີກທີ່ທຸກຍາກມາເປັນຊົນນະບົດແບບໃໝ່ທີ່ມີສິ່ງກໍ່ສ້າງຕ່າງໆຄົບຖ້ວນແລະມີຊີວິດການເປັນຢູ່ທີ່ອຸດົມຮັ່ງມີ. ປະຈຸບັນ, ຖ້າທ່ານເຂົ້າໄປບ້ານສຽວຕີທີ່ຢູ່ຕີນພູແລ້ວ, ຢູ່ບ່ອນອາກາດສົດໄສ, ຖະໜົນສະອາດຮຽບຮ້ອຍ, ບັນດາຕຶກນ້ອຍທີ່ຮູບຊົງຕຶກມີຕ່າງກັນຂອງໄທບ້ານສະອອນໃຈຫຼາຍ.
ເມື່ອເວົາເຖິງການປ່ຽນແປງຕໃນຫຼາຍປີມານີ້, ນາງຫຼີຟູເມ ໄທບ້ານດັ່ງກ່າວມີຄວາມຮູ້ສຶກອັນເລິກເຊິ່ງ. ນາງເວົ້ານຳນັກຂ່າວວ່າ, ແຕ່ກ່ອນ, ເງື່ອນໄຂດຳລົງຊີວິດຂອງນາງຂີ້ຮ້າຍຫຼາຍ:
ການແຕ່ງກິນໃນເຮືອນ, ແຕ່ກ່ອນລ້ວນແຕ່ດັງຟືນ, ຍັງຕ້ອງໄປເອົາຟືນຢູ່ເທິງພູ, ຍາກຫຼາຍ, ດຽວນີ້ລ້ວນແຕ່ໃຊ້ອາຍແກັສ, ຫຼືໃຊ້ໝໍ້ໄຟຟ້າ, ຫຼືໃຊ້ອາຍເມຕານ.
ນາງຫຼີຟູເມຍັງເວົ້າວ່າ, ແຕ່ກ່ອນຢູ່ບ້ານ, ຄົນໄປຖ່າຍເບົາຖ່າຍໜັກກັບສັດໃນວິດດຽວ, ດຽວນີ້, ບໍ່ພຽງແຕ່ສ້າງຫ້ອງນ້ຳທີ່ຄົນໃຊ້ສະເພາະ, ຍັງໄດ້ຕິດຕັ້ງເຄື່ອງຕົ້ມນ້ຳຮ້ອນໃນຫ້ອງນ້ຳ. ອາບນ້ຳຮ້ອນໄດ້ໃນທຸກເວລາເໝືອນຄົນໃນເມືອງ.
ແນ່ນອນແລ້ວ, ການປ່ຽນແປງຂອງບ້ານສຽວຕີບໍ່ພຽງແຕ່ສ່ອງແສງໃຫ້ເຫັນ ດ້ານຖະໜົນຫົນທາງ, ເຮືອນຊານແລະສະພາບແວດລ້ອມດຳລົງຊີວິດຂອງໄທບ້ານເທົ່ານັ້ນ, ຄຽງຄູ່ກັບລະດັບຊີວິດການເປັນຢູ່ຂອງໄທບ້ານໄດ້ຍົກສູງຂຶ້ນເລື້ອຍໆ, ໂສມໜ້າຂອງໄທບ້ານແລະຮີດສັງຄົມກໍມີການປ່ຽນແປງຢ່າງໃຫຍ່ຫຼວງ. ທ່ານຫຼິວຊິນ ຜູ້ຮັບຜິດຊອບບ້ານສຽວຕີກ່າວວ່າ:
ແຕ່ກ່ອນ, ໃນບ້ານເລື້ອງຂີ້ລັກເກີດຂຶ້ນເລື້ອຍໆ, ມູນເຫດກໍແມ່ນຍ້ອນວ່າທຸກຍາກອຶດຫິວ, ບໍ່ມີເງິນ. ສາມັນຊົນພວກເຮົາຮູ້ສຶກວິຕົກກັງວົນທີ່ສຸດ. ແຕ່ມາດຽວນີ້, ໃນບ້ານເຮົານີ້ຖ້າຂອງເຮ່ຍແລ້ວກໍບໍ່ຢ້ານ, ຈະໄດ້ຄືນ, ຕອນຄ່ຳຄືນກໍບໍ່ຕ້ອງລັອກປະຕູ, 4ປີແລ້ວບໍ່ໄດ້ຄະດີລັກມົກຈົກຫໍ່ແລະຄະດີອາຍາຈັກຄະດີ.
ເດືອນມີນາປີນີ້, ໃນກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນ, ລັດຖະບານຈີນໄດ້ວາງແຜນກຳນົດພັດທະນາເສດຖະກິດສັງຄົມແຫ່ງຊາດໃນ5ປີຂ້າງໜ້າ, ພ້ອມກັນນັ້ນ, ໄດ້ປະກາດວ່າລັດຖະບານຈະເພີ່ມງົບປະມານລາຍຈ່າຍປົວແປງພື້ນຖານໂຄງລ່າງຂອງຊົນນະບົດໃຫ້ດີຂຶ້ນ, ຍົກລະດັບວິທະຍາສາດເຕັກນິກດ້ານກະສິກຳ, ສະໜອງການບໍລິການສາທາລະນະຕ່າງໆເຊັ່ນການປິ່ນປົວ, ການສຶກສາແລະວັດທະນະທຳເປັນຕົ້ນໃຫ້ຊາວກະສິກອນ. ປະຈຸບັນ, ພາກສ່ວນອົງການປົກຄອງສ່ວນໜຶ່ງຂອງຈີນໄດ້ຕັ້ງໜ້າເຄື່ອນໄຫວ, ທະຍອຍກັນວາງແຜນສະໜັບສະໜູນການພັດທະນາຊົນນະບົດທີ່ສົມຄູ່ກັນ.
ທ່ານເສິນຊີເວີນ ຮອງຫົວໜ້າຫ້ອງການໜ່ວຍນຳພາເສດຖະກິດການເງິນສູນກາງຈີນເຜີຍໃຫ້ຮູ້ວ່າ, ເພື່ອສະໜັບສະໜູນການສ້າງສາຊົນນະບົດແບບໃໝ່, ຕໍ່ໄປພາຍໜ້າ, ຈີນຈະເພີ່ມການລົງທຶນຢູ່ຊົນນະບົດຢ່າງບໍ່ຢຸດຢັ້ງ. ທ່ານກ່າວວ່າ, ໃນ20ກວ່າປີມານີ້, ເສດຖະກິດຈີນໄດ້ເຕີບໂຕຢ່າງວ່ອງໄວ, ມີຄວາມສາມາດດ້ານການເງິນໃນເບື້ອງຕົ້ນທີ່ເພີ່ມຄວາມແຮງສະໜັບສະໜູນການພັດທະນາກະສິກຳແລະຊົນນະບົດ, ສາມາດໃຊ້ໝາກຜົນທີ່ຍາດມາໄດ້ໃນການພັດທະນາຂອງອຸດສາຫະກຳໄປສະໜັບສະໜູນຂະແໜງການກະສິກຳ; ນອກນີ້, ນະໂຍບາຍສ້າງສາຊົນນະບົດແບບໃໝ່ຂອງລັດຖະບານຈີນຈະຍົກກຳລັງຊື້ຂອງຊາວກະສິກອນຈີນ900ລ້ານຄົນຢ່າງບັງເກີດຜົນ, ແລ້ວຊັກຈູງຄວາມຕ້ອງການພາຍໃນປະເທດຂອງຈີນ, ນີ້ກໍຈະມີຜົນດີຕໍ່ການພັດທະນາແບບຍືດຍົງຂອງເສດຖະກິດຈີນ.
1 2
|
|
|
