|
|
 |
| (GMT+08:00)
2006-03-21 16:36:42
|
 |
|
ທ່ານຖາວເຈີກັບເພງຂອງທ່ານ
cri
Author: mo
ທ່ານຖາວເຈີເກີດຢູ່ໄຕ້ຫວັນຈີນ, ໄປຮຽນຢູ່ອາເມລິກາຕັ້ງແຕ່ຊັ້ນມັດທະຍົມ, ວັດທະນະທຳຈີນກັບວັດທະນະທຳຝ່າຍຕາເວັນຕົກໄດ້ມີຜົນສະທ້ອນຕໍ່ທ່ານພໍປານກັນ. ປີ 1994, ທ່ານຖາວເຈີກັບເມືອໄຕ້ຫວັນ, ເຂົ້າຮ່ວມການຈັດທຳCDຂອງນັກຮ້ອງທີ່ມີຊື່ສຽງຫຼາຍຄົນເຊັ່ນທ້າວຕູ້ເຕີເວີຍແລະນາງຢາງສາຍນີເປັນຕົ້ນ, ແລ້ວຄ່ອຍໆມີຮູບແບບດົນຕີຂອງຕົນເອງ, ຈົນວົງການດົນຕີໄຕ້ຫວັນໃຫ້ນາມມະຍົດແກ່ທ່ານເປັນ"ບິດາອຸປະຖຳຂອງດົນຕີ"R&Bຂອງໄຕ້ຫວັນ.
ປີ 1997, ນັກດົນຕີຜູ້ດີເລີດຜູ້ນີ້ໄດ້ເລີ່ມຈາກຫຼັງສາກຍ່າງຂຶ້ນສູ່ເວທີ, ອັດຈຳໜ່າຍCDແຜ່ນທຳອິດທີ່ໃຫ້ຊື່ວ່າ"ຖາວເຈີ", ເອົາທຳນອງດົນຕີຄົນຜິວດຳກັບເພງພື້ນເມືອງທ້ອງຖິ່ນເຊື່ອມໂຍງເຂົ້າກັນ, ອັນໄດ້ເພີ່ມໂລຫິດໃໝ່ເຂົ້າໃນດົນຕີສະໄໝນິຍົມຂອງໄຕ້ຫວັນ. ຕໍ່ມາ, ທ່ານຖາວເຈີໄດ້ອັດCDອີກສອງແຜ່ນຢ່າງຕໍ່ເນື່ອງກັນ, ແລະຂາຍດິບຂາຍດີ. ເມື່ອໄດ້ມິດງຽບໄປສອງປີແລ້ວ, ທ່ານຖາວເຈີໄດ້ອັດCDແຜ່ນທີ 4 ທີ່ໃສ່ຊື່ວ່າ"Tai ping sheng shi"ຍຸກສະໄໝຮຸ່ງເຮືອງສັນຕິ, ເພື່ອສະແດງຄວາມເອົາໃຈໃສ່ນຳສະພາບຕົວຈິງ. ເພງເອກໃນCDແຜ່ນນີ້ຄືເພງ"Ai wo hai shi ai ta" ຮັກຂ້ອຍຫຼືຮັກເຂົາ ນັ້ນ, ທ່ານຖາວເຈີໄດ້ຊີ້ໃຫ້ເຫັນຄວາມທໍລະມານໃຈຂອງຄົນທັງຫຼາຍທີ່ປະເຊີນກັບການດິ້ນຮົນແລະການຄັດເລືອກລະຫວ່າງສິນທຳກັບສຸດທີ່ຮັກ. ເປັນໜ້າກຶກກອງຫຼາຍ.
"ເຈົ້າຮັກຂ້ອຍຫຼືຮັກເຂົາ, ເຂົາດີກວ່າຂ້ອຍແທ້ຊັ້ນຫວະ. ເຈົ້າດິ້ນຮົນເພື່ອໃຜ, ເຈົ້າຮັກຂ້ອຍຫຼືຮັກເຂົາ, ຂໍໃຫ້ເຈົ້າເວົ້າຄວາມຈິງ. ນີ້ແມ່ນຊະຕາກຳລົງໂທດຂ້ອຍບໍ່? ຮັກເຈົ້າກໍດີ, ຊັງເຈົ້າກໍດີ, ຂ້ອຍກໍເຮັດຫຍັງບໍ່ໄດ້." ທີ່ທ່ານພວມຟັງຢູ່ນີ້ແມ່ນເພງ" "Ai wo hai shi ai ta" ຮັກຂ້ອຍຫຼືຮັກເຂົາ ຂັບຣ້ອງໂດຍທ່ານຖາວເຈີ.
1 2 3
|
|
|
