|
|
 |
| (GMT+08:00)
2006-03-22 10:52:26
|
 |
|
ແຂວງຢຸນນານຈີນເພີ່ມຄວາມແຮງໃນການອະນຸລັກວັດທະນະທຳຊົນເຜົ່າສ່ວນໜ້ອຍ(ສຽງ)
cri
ຄືກັນກັບເຜົ່າອີ,ເຜົ່າໄທລື້ກໍແມ່ນຊົນເຜົ່າໜຶ່ງທີ່ມີປະຊາກອນຫຼາຍໃນບັນດາຊົນເຜົ່າຂ້າມຊາດຂອງແຂວງຢຸນນານ,ເຜົ່າໄທລື້ມີປະຊາກອນ1ລ້ານ1ແສນ5ໝື່ນຄົນ.ເຜົ່າໄທລື້ແຈກຢາຍຢ່າງກວ້າງຂວາງ,ຢູ່ລາວ,ໄທລ້ວນແຕ່ມີກິ່ງງ່າ.ເຜົ່າໄທລື້ຊ່າງຟ້ອນລຳທຳເພງ,ວັດທະນະທຳເຜົ່າໄທລື້ມີປະຫວັດດົນນານແລະກ້ານກຸ່ງຮຸ່ງເຮືອງ.ໃນດ້ານອະນຸລັກວັດທະນະທຳເຜົ່າໄທລື້,ແຂວງຢຸນນານຍັງຕັ້ງໜ້າຮ່ວມມືກັບບັນດາປະເທດອາຊີອາຄະເນ.ຕົວຢ່າງຄື,ຈັດງານສຳມະນາສາກົນວັດທະນະທຳເຜົ່າໄທລື້,ເຂົ້າຮ່ວມງານວັດທະນະທຳແມ່ນ້ຳຂອງທີ່ຈັດຂຶ້ນຢູ່ຊຽງຣາຍຂອງໄທເປັນຕົ້ນ.
ເດືອນຕຸລາປີກາຍນີ້,ກິ່ງແຂວງສິບສອງພັ່ນນາໄດ້ປະກາດບັນຊີລາຍຊື່ອະນຸລັກວັດທະນະທຳພື້ນເມືອງ ແລະຊົນເຜົ່າງວດທຳອິດ,ສິລະປະຕ່າງໆຂອງເຜົ່າໄທລື້ເຊັ່ນແກະສະຫຼັກ,ຮູບປັ້ນ,ຮູບແຕ້ມຝາພະໜັງ,ສີປາກດຶກໃນ,ເຄື່ອງປັ້ນດິນເຜົາດຶກດຳບັນ,ໂຄມໄຟຂົງເບັ້ງ,ສີມືເຮັດຄັນຫົ່ມດັ້ງເດີມ,ແລະຮີດຄອງປະເພນີເຜົ່າໄທລື້ເຊັ່ນສົງການ,ຂໍເປັນລູກສິດ,ສັກລາຍ,ຖວາຍຄຳພີເປັນຕົ້ນລ້ວນແຕ່ໄດ້ຈັດເຂົ້າໃນບັນຊີລາຍຊື່ອະນຸລັກ.ນອກນີ້,ອົງການປົກຄອງກິ່ງແຂວງຍັງໄດ້ຂະໜານນາມສິລະປິນອາວຸໂສເຜົ່າໄທລື້56ຄົນເປັນສິລະປິນສືບທອດວັດທະນະທຳພື້ນເມືອງແລະຊົນເຜົ່າ.
ທ່ານເຈິງເຜິງ ຮອງປະທານສະພາປຶກສາການເມືອງກິ່ງແຂວງສິບສອງພັ່ນນາເຜົ່າໄທລື້ປົກຄອງຕົນເອງແຂວງຢຸນນານບອກນັກຂ່າວວ່າ,ຫຼາຍປີມານີ້,ອົງການປົກຄອງກິ່ງແຂວງສິບສອງພັ່ນນາໄດ້ໃຊ້ຫຼາຍມາດຕະການ,ສົ່ງເສີມໄທບ້ານອະນຸລັກແລະກໍ່ສ້າງເຮືອນຍົກພື້ນຂອງເຜົ່າໄທລື້.ທ່ານເວົ້າວ່າ:
"ຢູ່ເຂດທິວທັດເຜົ່າໄທລື້ ສິບສອງພັ່ນນາພວກເຮົາ,ບໍລິສັດເປັນຜູ່ຮັບຜິດຊອບ,ຖ້າປະກົດເຫັນຢູ່ເຂດທິວທັດມີສິ່ງກໍ່ສ້າງແບບເອີລົບແລະແບບເຜົ່າຮັ້ນທີ່ບໍ່ສອດຄ່ອງກັບແບບແຜນກໍ່ສ້າງເຜົ່າໄທລື້ແລ້ວ,ກໍລະດົມໃຫ້ມ້າງ,ບໍລິສັດຈ່າຍຄ່າມ້າງເຮືອນເກົ່າແລະຄ່າສ້າງເຮືອນໃໝ່ໃຫ້ເຈົ້າຂອງເຮືອນ.ປີກາຍນີ້,ພວກຂ້າພະເຈົ້າຍັງໄດ້ໃຫ້ບ້ານທຳມະຊາດ8ບ້ານຂອງເຜົ່າໄທລື້ທີ່ ຕໍ່ກັນນັ້ນຮ້ອງຂໍເປັນມໍລະດົກວັດທະນະທຳທີ່ບໍ່ແມ່ນວັດຖຸລະດັບຊາດ."
ຜູ່ຊ່ຽວຊານຈຳນວນໜຶ່ງກ່າວວ່າ,ວັດທະນະທຳຊົນເຜົ່າສ່ວນໜ້ອຍຂ້າມຊາດແມ່ນມໍລະດົກວັດທະນະທຳຮ່ວມຂອງມວນມະນຸດ,ການອະນຸລັກແລະພັດທະນາວັດທະນະທຳຂອງຊົນເຜົ່າເຫຼົ່ານີ້ເປັນຢ່າງດີແມ່ນຄວາມປາຖະໜາຮ່ວມຂອງຈີນກັບບັນດາປະເທດໃກ້ຄຽງ.ທ່ານວາງຊືຕ້າຍ ຮອງປະທານສະມາຄົມສິລະປິນພື້ນເມືອງແຂວງຢຸນນານກ່າວວ່າ:
"ການອະນຸລັກແລະພັດທະນາວັດທະນະທຳຊົນເຜົ່າສ່ວນໜ້ອຍຂ້າມຊາດບໍ່ພຽງແຕ່ຕ້ອງການຄວາມພະຍາຍາມຂອງລັດຖະບານຈີນ,ອົງການຈັດຕັ້ງປະຊາຊົນແລະຊົນເຜົ່ານັ້ນເອງທໍ່ນັ້ນ,ຍັງຕ້ອງການເພີ່ມທະວີການແລກປ່ຽນແລະການຮ່ວມມືກັບປະເທດໃກ້ຄຽງຕື່ມອີກ.ໃນບົດລາຍງານວຽກງານລັດຖະບານປີນີ້,ທ່ານເວິນເຈຍປາວ ນາຍົກລັດຖະມົນຕີຈີນກໍໄດ້ກ່າວເນັ້ນຈຸດນີ້.ການພັດທະນາແລະຈະເລີນຮຸ່ງເຮືອງຂອງວັດທະນະທຳຊົນເຜົ່າສ່ວນໜ້ອຍຂ້າມຊາດມີຄວາມໝາຍສຳຄັນຍິ່ງຕໍ່ພວກຂ້າພະເຈົ້າພັດທະນາການພົວພັນໄມຕີຈິດກັບປະເທດໃກ້ຄຽງ."
1 2
|
|
|
