|
|
 |
| (GMT+08:00)
2006-03-27 11:47:15
|
 |
|
ນາງຈ່ຽງເມສີກັບເພງຂອງນາງ
cri
Author: mo
|
ປີ 2005, ນາງຈ່ຽງເມສີ ນັກຮ້ອງໄຕ້ຫວັດຈີນໄດ້ອັດຈຳໜ່າຍແຜ່ນCDໃໝ່ທີ່ໃຫ້ຊື່ວ່າ"ບົດກະວີໃນໃຈຄູ່ຮັກ". ໃນລາຍການມື້ນີ້, ແສງແກ້ວໄດ້ຈັດເອົາເພງໃນCDແຜ່ນນີ້ສູ່ຟັງ.
ຂ້ອຍຢາກເປັນແສງທຽນ ໃຫ້ຄວາມສະຫວ່າງແຈ້ງໃນຍາມເຈົ້າຕ້ອງການ, ຊີ້ທິດໃນຍາມເຈົ້າຫຼົງທາງ, ບໍ່ໃຫ້ເຈົ້າໝົ່ນໝອງໃນຍາມເຈົ້າຄ້ອຍໃຈ; ໃຈຂ້ອຍເໝືອນດັ່ງມະຫາສະໝຸດ, ອ່ອນໂຍນແຕ່ມີກຳລັງ, ບົນເສັ້ນທາງແຫ່ງຊີວິດອັນບໍ່ມີຫຍັງແນ່ນອນ, ຂ້ອຍຈະເປັນເພື່ອນເຈົ້າບໍ່ປະບໍ່ວາງ.
ທີ່ຟັງມານັ້ນແມ່ນເພງ"wo xin si hai yang" ໃຈຂ້ອຍເໝືອນດັ່ງມະຫາສະໝຸດທີ່ຂັບຮ້ອງໂດຍນາງຈ່ຽງເມສີ.
 ນາງຈ່ຽງເມສີຊຳນານຮ້ອງເພງຮັກ, ເຖິງວ່ານາງບໍ່ເຄີຍມີຊື່ສຽງດົງດັງໃນເວທີເພງຈີນ, ແຕ່ພັດມີແຟນເພງຫຼາຍບໍ່ຢອກຕະຫຼອດມາ. ຜູ້ຊົງຄຸນວຸດທິໃນວົງການດົນຕີຕີລາຄາການຂັບຮ້ອງຂອງນາງແນວນີ້ວ່າ, "ເພງຮັກທີ່ນາງຂັບຮ້ອງມີສະເໜອັດສະຈັນ, ບໍ່ວ່າຈະແມ່ນເພງຫວນຄຶດທີ່ເສົ້າໝອງ, ຫຼືວ່າອົບອຸ່ນຫວານໃຈ, ບໍ່ວ່າລະບາຍອາລົມແນວໃດ, ກໍລ້ວນແຕ່ມ່ວນປານກາບກອນ." ຍ້ອນສຽງເພງຂອງນາງຈ່ຽງເມສີມີສະເໜພິເສດແບບນີ້, ບໍລິສັດແຜ່ນສຽງຈຶ່ງໄດ້ຕົກລົງຈັດເອົາ"ສຽງທີ່ມ່ວນຄືກາບກອນ"ຂອງນາງເຂົ້າໃນCDແຜ່ນໃໝ່ຂອງນາງ.
ທ້າຍເດືອນພຶດສະພາປີ 2005, ນາງຈ່ຽງເມສີໄດ້ອັດCDແຜ່ນໃໝ່ທີ່ໃຫ້ຊື່ວ່າ"ບົດກະວີໃນໃຈຄູ່ຮັກ", ເພື່ອອັດCDແຜ່ນນີ້, ບໍລິສັດແຜ່ນສຽງໄດ້ເຊີນດາລາຫຼາຍຄົນທີ່ມີຊື່ສຽງໃນວົງການນັກສະແດງຂອງຈີນເຊັ່ນນາງລິວໂຢ້ອິງ, ທ່ານຊ້າຍມິງລ້ຽງ, ນາງຈ້າວເວີ່ຍແລະນາງຢວນຊວນເປັນຕົ້ນມາ ປະກອບສຽງໃນແຜ່ນCDໃໝ່ຂອງນາງຈ່ຽງເມສີ, ພວກເຂົາເຈົ້າຕ່າງໄດ້ເລືອກເອົາເນື້ອເພງທີ່ຕົນມັກທີ່ສຸດ, ແລະອ່ານດ້ວຍສຽງທີ່ມີເອກະລັກພິເສດຂອງໃຜລາວ, ປະກອບເຂົ້າໃສ່ກ່ອນຈະຮ້ອງແຕ່ລະເພງ, ກອນຕໍ່ໃສ່ເພງໄດ້ສ້າງບັນຍາກາດອັນມ່ວນປານກອນ ງາມດັ່ງແຕ້ມ.
1 2 3
|
|
|
