|
|
 |
| (GMT+08:00)
2006-03-27 11:47:15
|
 |
|
ນາງຈ່ຽງເມສີກັບເພງຂອງນາງ
cri
Author: mo
"ບໍ່ມີໃຈອ່ານຈົດໝາຍຮັກໃນປີນັ້ນ, ເວລາຜ່ານໄປດົນນານແລ້ວ, ໄວຄະນອງກໍບໍ່ກັບຕ່າວ, ຄວາມຮູ້ໃຈກັນແລະຄວາມຮັກກັນໃນຄາວນັ້ນຍັງມາບແມບຢູ່ຕາມເຈ້ຍຈົດໝາຍທີ່ເຫຼືອງແລ້ວ, ນັ້ນແມ່ນເຄື່ອງໝາຍຄຳກອນແຫ່ງໄວຄະນອງ, ສົມພໍອ່ານແລ້ວໃຈຍັງເຕັ້ນນຳ." ທີ່ທ່ານພວມຟັງຢູ່ນີ້ແມ່ນເພງ" na nian de qing shu" ຈົດໝາຍຮັກໃນປີນັ້ນ, ຂັບຮ້ອງໂດຍນາງຈ່ຽງເມສີ. ແຕ່ງທຳນອງໂດຍທ່ານເສີນໂກຮວາ, ແຕ່ງເນື້ອຮ້ອງໂດຍທ່ານຢາວຊຽນແຕ່ງເນື້ອຮ້ອງ. ທ່ານຢາວຊຽນແຕ່ງ ເພງນີ້ແມ່ນຍ້ອນຍ້າຍເຮືອນ, ໃນເວລາມ້ຽນມັດເຄື່ອງຂອງນັ້ນ, ບັງເອີນໄດ້ເປີດເຫັນຈົດໝາຍຮັກເມື່ອຫຼາຍປີກ່ອນ, ເລີຍເກີດມີຄວາມຮູ້ສຶກຫຼາຍຢ່າງ, ແລ້ວຈຶ່ງແຕ່ງເພງນີ້ຂຶ້ນ.
ຕໍ່ໄປທ່ານຈະໄດ້ຟັງເພງ"jie mo bu la" ແຈ່ວມູຕາກບໍ່ຮຶນ ເຊິ່ງນາງຈ່ຽງເມສີອ່ານເນື້ອເພງແລະຂັບຮ້ອງ. ທ່ານລີຈົ່ງເຊີ້ງ ນັກດົນຕີທີ່ມີຊື່ສຽງຂອງໄຕ້ຫວັນຈີນເປັນຜູ້ຈັດທຳ, ທັງດີດກິຕາໄມ້ອັນຈັບໃຈຄົນເປັນການເລີ່ມຕົ້ນຂອງເພງ. ເນື້ອເພງມີຢູ່ວ່າ: ເຫັນໝູ່ມີຄວາມສຸກ, ແຕ່ໂຕພັດມີແຕ່ນັ່ງຖ້າຢູ່, ຖ້າຄວາມຮັກເລືອກເອົາແຕ່ຜູ້ຍຶດໝັ້ນ, ໃຜຈະໃຫ້ກຳລັງກຳລັງແກ່ຂ້ອຍໄປສະແຫວງຫາ, ບໍ່ວ່າໃນທີ່ສຸດຈະຖືກບາດເຈັບຊ່ຳໃດ, ຂ້ອຍກໍຈະປອບໃຈຕົນເອງຢ່າຢ້ານ, ຈົ່ງສະແຫວງຫາຢ່າງກ້າຫານ."
 ນາງຈ່ຽງເມສີເວົ້າວ່າ, ໃນCDແຜ່ນນີ້, ເພງ"you yi tian" ມີມື້ໜຶ່ງ ແມ່ນຂອງຂວັນທີ່ນາງມອບໃຫ້ພໍ່. ເດືອນພະຈິກປີ 2004, ພໍ່ຂອງນາງຈ່ຽງເມສີເສຍຍ້ອນເຈັບໜັກ, ນີ້ເຮັດໃຫ້ນາງເສຍໃຈຫຼາຍ. ເວລານັ້ນ, ນາງພວມຊ້ອມລະຄອນເລື່ອງໜຶ່ງ, ຜູ້ກຳກັບການສະແດງຄຶດວ່ານາງຈະຖອນອອກຈາກການສະແດງຍ້ອນພໍ່ເສຍ. ແຕ່ນາງຈ່ຽງເມສີກ່າວວ່າ, ພໍ່ເຄີຍຮັບປາກວ່າເພີ່ນຈະໄປເບິ່ງການສະແດງລະຄອນຮອບທຳອິດຂອງນາງ, ສະນັ້ນ, ນາງຈຶ່ງອົດສາເຂົ້າຮ່ວມການຊ້ອມແລະການສະແດງ 30 ກວ່າຮອບ, ພຽງແຕ່ເພື່ອໃຫ້ດວງວິນຍານຂອງພໍ່ຮູ້ສຶກພູມໃຈນຳລູກສາວ. ເພງ"ມີມື້ໜຶ່ງ" ປ່ຽມລົ້ນໄປດ້ວຍຄວາມຄິດຮອດພໍ່, ແລະຄວາມເສຍໃຈທີ່ບໍ່ໄດ້ເຝົ້າພໍ່ໃນເວລາເພິ່ນເຈັບໜັກ.
1 2 3
|
|
|
