|
|
 |
| (GMT+08:00)
2006-03-27 22:17:04
|
 |
|
"ຄົນເກັ່ງ" CD ແຜ່ນໃໝ່ຂອງທ່ານພ່ານເຫວີຍໂປ
cri
Author: da
ນອກຈາກເພງ hip-hop ທີ່ຈັງຫວະແຮງທີ່ສຸດແລ້ວ,ໃນ CD ແຜ່ນນີ້ກໍຍັງມີເພງຮັກຫຼາຍເພງທີ່ມີທຳນອງອອນຊອນແລະປະທັບໃຈຄົນ,ເຊັ່ນ:bu de bu ai "ຈຳເປັນຕ້ອງຮັກ", gen wo zou ba "ໄປນຳຂ້ອຍສາ" ai hen rong yi "ຮັກກັນເລື່ອງງ່າຍ"ເປັນຕົ້ນ,ເພງຮັກເຫຼົ່ານີ້ໄດ້ສະແດງໃຫ້ເຫັນຄວາມອ່ອນໂຍນແລະຄວາມເປັນຕາແພງຂອງທ່ານພ່ານເຫວີຍໂປ.ຕໍ່ໄປ ເຊີນຟັງເພງ bu de bu ai "ຈຳເປັນຕ້ອງຮັກ"ທີ່ຂັບຮ້ອງໂດຍທ່ານພ່ານເຫວີຍໂປກັບນາງຊວນຈື.(ປ່ອຍເພງ)
 ດົນຕີເລີ່ມຕົ້ນມີລັກສະນະດົນຕີລາຕິນຄືໄດ້ນຳເອົາຄົນໄປສູ່ຕ່າງແດນ,ສຽງຍິງທີ່ສູງແຫຼມກັບສຽງຊາຍທີ່ດັງທຸ້ມຮ້ອງສະຫຼັບກັນ,ໄດ້ສ້າງປັນຍາກາດໂລມັງຕິກແລະອົບອຸ່ນ.ໃນເພງມີເນື້ອຮ້ອງວ່າ:"ທຸກໆມື້ຂ້ອຍຕ້ອງການຄວາມຮັກຂອງເຈົ້າ,ເຈົ້າເດົາເບິ່ງວ່າຂ້ອຍຄຶດຫຍັງ,ຂ້ອຍຮັກເຈົ້າ,ເຮັດໃຫ້ຂ້ອຍມ່ວນຊູ່ມື້.ຈຳເປັນຕ້ອງຮັກ,ຖ້າບໍ່ດັ່ງນັ້ນ ຄວາມມ່ວນຊື່ນມາແຕ່ໃສ?ເຈົ້າເຮັດໃຫ້ຊີວິດຂ້ອຍເຕັມໄປດ້ວຍຄວາມຮັກ."
ມ້ວນທ້າຍລາຍການມື້ນີ້,ເຊີນຟັງເພງ gen wo zou ba "ໄປນຳຂ້ອຍສາ"ເພງຮັກອີກເພງໜຶ່ງໃນແຜ່ນCD.ໃນເພງມີເນື້ອຮ້ອງວ່າ:"ເຄີຍໃຊ້ມືຖືນີ້ລົມກັບເຈົ້າ,ເຈົ້າເຄີຍໃຊ້ຈອກນີ້ດື່ມນ້ຳຊາ,ໃນຂະນະນີ້,ເຈົ້າກໍພວມຊົມດວງຈັນດວງດຽວນີ້ບໍ່?ເທິງບ່າໄຫຼ່ຂ້ອຍຍັງມີຄວາມອຸ່ນຂອງເຈົ້າຢູ່,ຄວາມສຸກຄືກັບສະໜາມແມ່ເຫຼັກ,ເມື່ອມີເຈົ້າແລ້ວ,ໂລກນີ້ກໍຕ່າງເກົ່າ.ຂໍໄປນຳຂ້ອຍສາ,ເປັນເພື່ອນຂ້ອຍທຸກເຊົ້າຄ່ຳ,ໃຫ້ຂ້ອຍຮັກສາເຈົ້າຕະຫຼອດຊີວິດ,ຮັກເຈົ້າກໍແມ່ນຄວາມເຊື່ອຖືຂອງຂ້ອຍ,ຂໍແຕ່ມີເຈົ້າຢູ່ຄຽງຂ້າງ,ຊີວິດກໍຈະດີງາມສູ່ເມື່ອສູ່ຍາມ."(ປ່ອຍເພງ)
1 2 3 4 5
|
|
|
