|
ອາຫານປະເພດໃດມີຜົນດີຕໍ່ກະເພາະ(ສຽງ)
cri
|
ທີ່ນີ້ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ໂຄລົບ, ຊົມເຊີຍທ່ານຮັບຟັງລາຍການສາລະຄະດີໜ້າຮູ້ຂອງພວກເຮົາ. ໃນລາຍການມື້ນີ້, ພວກເຮົາຈະແນະນຳຄວາມຮູ້ບາງຢ່າງກ່ຽວກັບການບຳລຸງກະເພາະອາຫານ.
ຢູ່ຈີນມີຄຳພັງເພີຍວ່າ: ພະຍາດກະເພາະປົວ3ສ່ວນ, ບຳລຸງ7ສ່ວນ, ການບຳລຸງກະເພາະຕ້ອງບຳລຸງຢູ່ບົນພື້ນຖານການປົວ, ຕ້ອງກວດໃຫ້ຮູ້ຮອບດ້ານວ່າເປັນພະຍາດຫຍັງກ່ອນແລ້ວປົວເປັນລະບົບ, ທັງສົມທົບທາງດ້ານຈິດໃຈ, ຈິ່ງຈະໄດ້ຮັບຜົນທີ່ດີ. ກະເພາະກໍຄືກັບເຄື່ອງຈັກທີ່ເຮັດວຽກໝົດມື້, ໃນເວລາລະລາຍອາຫານຈະພາໃຫ້ເຈັ້ຍເມືອກໃນກະເພາະຖືກບາດເທື່ອລະໜ້ອຍ, ຄືກັບເຄື່ອງຈັກການກິນອາຫານແບບມີການງົດເວັ້ນແມ່ນຂອດສຳຄັນໃນການປົວພະຍາດກະເພາະ. ນອກນີ້, ຄວາມເຄັ່ງຕຶງທາງດ້ານເສັ້ນປະສາດກໍແມ່ນມູນເຫດສຳຄັນທີ່ພາໃຫ້ເກີດພະຍາດກະເພາະ, ຄືຜູ້ຂັບລົດ, ກຳມະກອນກໍ່ສ້າງແລະພະນັກງານຫ້ອງການເປັນຕົ້ນມັກເປັນພະຍາດກະເພາະເລື້ອຍໆ, ສະນັ້ນ, ຄົນເຫຼົ່ານີ້ຍິ່ງຄວນຮັກສາໃຫ້ຊີວິດມີຄວາມຊິນເຄີຍທີ່ດີແລະມີຈິດໃຈມ່ວນຊື່ນ.
ໜຶ່ງ, ຕ້ອງຈັດວາງການຢູ່ການກິນໃຫ້ເໝາະສົມ, ຢ່າງຕ່ຳອາຫານ3ຄາບ, ຕ້ອງໃຫ້ເປັນເວລາ, ບໍ່ກິນອີ່ມຫຼາຍ, ດີທີ່ສຸດຄວນມີຕາລາງເວລາ, ແລະປະຕິບັດຕາມຢ່າງເຄັ່ງຄັດ. ທັງນີ້ກໍມີຜົນສະທ້ອນຕໍ່ເວລານອນ, ສຳລັບຜູ້ທີ່ນອນເດິກຕື່ນສວຍ, ມັກກິນເຂົ້າທ່ຽງບາດດຽວໂລດນັ້ນຕ້ອງປ່ຽນແປງ, ບໍ່ແມ່ນວ່າກິນຄາບເດິກແລະກໍຈະທົດແທນຄາບເຊົ້າໄດ້, ເຖິງວ່າໂມງໃນຕົວຂອງຄົນກໍຫຍັບຍ້າຍໄດ້, ແຕ່ຂອບເຂດມັນກໍມີຈຳກັດ, ຫ່າງໄກຫຼາຍກໍບໍ່ໄດ້.
ສອງ, ເວົ້າທົ່ວໄປແລ້ວ, ຜູ້ທີ່ກິນອາຫານແລ້ວບໍ່ຍ່ອຍງ່າຍນັ້ນກິນຫຍັງໜ້ອຍໜຶ່ງກໍອີ່ມໂລດ, ຄັນກິນຫຼາຍໜ້ອຍໜຶ່ງກໍຮູ້ສຶກວ່າຄັດທ້ອງ ໂດຍສະເພາະແມ່ນອາຫານຄ່ຳກິນຫຼາຍ, ຍັງຈະພາໃຫ້ນອນຍາກຍ້ອນຍື່ງທ້ອງ. ເພາະວ່າອາຫານແຂງແລະປະເພດໃຍຫຼາຍນັ້ນລະລາຍຍາກ, ສະນັ້ນຈິ່ງສະເໜີໃຫ້ກິນຫຼາຍຄາບ, ຄາບລະໜ້ອຍ, ຖ້າຍັງບໍ່ຮອດຍາມກິນເຂົ້າແຕ່ຫິວ, ກໍກິນແນວອື່ນໜ້ອຍໜຶ່ງໄປກ່ອນ, ຄວນຈື່ໄວ້ວ່ານີ້ຍັງບໍ່ທັນຮອດຍາມກິນເຂົ້າ, ເມື່ອຮອດຍາມກິນເຂົ້າຍັງຄວນກິນແບບຕາມປົກກະຕິ. ອາຫານທີ່ກິນນັ້ນຕ້ອງອ່ອນ, ຢ່າສູ່ກິນແນວແຂວງແນວຫຍາບຫຼາຍ, ເພາະວ່າອາຫານປະເພດນີ້ລະລາຍຍາກ. ນອກນີ້, ຖ້າມີແກງຄວນກິນກ່ອນອາຫານ, ຖ້າກິນແກງຫຼັງອາຫານຈະເພີ່ມພາລະໃຫ້ແກ່ການລະລາຍອາຫານ. 2, 3ຊົ່ວໂມງກ່ອນນອນ, ດີທີ່ສຸດແມ່ນບໍ່ກິນຫຍັງ, ຖ້າບໍ່ດັ່ງນັ້ນຈະນອນຍາກ, ຖ້າຮູ້ສຶກວ່າທ້ອງເປົ່າຫວ່າງກໍກິນນ້ຳແທນກໍໄດ້.
ສາມ, ຜູ້ເປັນພະຍາດກະເພາະບໍ່ຄວນສູບຢາ, ກິນເຫຼົ້າ, ກາເຟ, ຊາປຸກ, ນ້ຳອັດລົມແລະອາຫານປະເພດສົ້ມແລະເຜັດເປັນຕົ້ນ, ເພາະອາຫານເຫຼົ່ານີ້ຈະເປັນໂທດຕໍ່ກະເພາະຫຼາຍ. ກະເພາະມັກແຫ້ງຢ້ານເຢັນ, ສະນັ້ນ, ເຄື່ອງດື່ມເຢັນແລະກະແລມກໍບໍ່ຄວນກິນ, ກິນອາຫານຮ້ອນດີກວ່າ, ທັງນີ້ແມ່ນການທົດສອບຕໍ່ໝົດທຸກຄົນ, ໂດຍສະເພາະໃນລະດູຮ້ອນ. ມີເຄື່ອງດື່ມສອງຢ່າງຕ້ອງກິນໃຫ້ຫຼາຍຄືນ້ຳນົມແລະນ້ຳຮ້ອນ. ນົມງົວເມື່ອກິນລົງທ້ອງ, ມັນຈະເຄືອບຢູ່ຕາມກະເພາະຊັ້ນບາງໆຮັກສາກະເພາະໄດ້, ຕື່ນເຊົ້າມາ, ກິນນ້ຳນົມຈອກໜຶ່ງກ່ອນ, ແລ້ວຈິ່ງກິນຂອງແນວອື່ນແມ່ນດີທີ່ສຸດ. ສອງແມ່ນຕ້ອງກິນນ້ຳໃຫ້ຫຼາຍ, ໂດຍສະເພາະແມ່ນນ້ຳຮ້ອນ, ເພື່ອເພີ່ມຕື່ມນ້ຳທີ່ຮ່າງກາຍຕ້ອງການ.
1 2
|
|
