|
ໃນຝູງຄົນເຜົ່າຈວ້າງ ເຂດກວາງຊີເຜົ່າຈວ້າງປົກຄອງຕົນເອງ ພາກຕາເວັນຕົກສຽງໃຕ້ຂອງຈີນ,ເພງພື້ນເມືອງດຶກດຳບັນຄືເພງທີ່ທ່ານພວມຟັງຢູ່ນີ້,ສາມາດເວົ້າໄດ້ວ່າມີຫຼາຍເປັນພັນເປັນໝື່ນ.ແຕ່ວ່າ,ຄຽງຄູ່ກັບປັດໄຈຍຸກປັດຈຸບັນນັບມື້ນັບຫຼາຍເຊື່ອມໂຍງເຂົ້າໃນຊີວິດການເປັນຢູ່ຂອງຊົນເຜົ່າສ່ວນໜ້ອຍ,ຄົນທັງຫຼາຍເລີ່ມເປັນຫ່ວງວ່າຮູບການວັດທະນະທຳທ້ອງຖິ່ນແລະຊົນເຜົ່າທີ່ມີລັກສະນະດຶກດຳບັນຄືແນວນີ້ຈະສືບທອດໄປຢ່າງຄົບຖ້ວນໄດ້ຫຼືບໍ່?
ການຟ້ອນເຜົ່າຈວ້າງ
ກວາງຊີແມ່ນເຂດປົກຄອງຕົນເອງທີ່ມີ12ຊົນເຜົ່າເຊັ່ນເຜົ່າຈວ້າງ,ເຜົ່າຮັ້ນ,ເຈົ້າຢ້າວ,ເຜົ່າມົ້ງ,ເຜົ່າຕົ້ງເປັນຕົ້ນ.ປະຊາຊົນບັນດາເຜົ່າບໍ່ພຽງແຕ່ໄດ້ປະດິດສ້າງມໍລະດົກວັດທະນະທຳຮູບປະທຳຈຳນວນຫຼວງຫຼາຍເທົ່ານັ້ນ,ຍັງໄດ້ປະດິດສ້າງມໍລະດົກວັດທະນະທຳນາມມະທຳອັນອຸດົມສົມບູນນຳອີກ,ເຊິ່ງລວມທັງສິລະປະແລະສີໄມ້ລາຍມືຕ່າງໆເຊັ່ນເທບນິຍາຍ,ເພງພື້ນເມືອງ,ດົນຕີ,ການຟ້ອນ, ລະຄອນງິ້ວ,ການແຕ້ມຮູບ,ແກະສະຫຼັກ,ສີມືຈັກສານເປັນຕົ້ນ,ພ້ອມດ້ວຍພິທີກຳ,ບຸນປະເພນີ,ການກິລາຊົນເຜົ່າຕ່າງໆແລະອຶ່ນໆ.ແຕ່ວ່າ,ພາຍໃຕ້ການກະໜ່ຳ ຂອງວັດທະນະທຳພາຍນອກແລະວັດທະນະທຳຍຸກປັດຈຸບັນ,ສະພາບວັດທະນະທຳຂອງຈີນໄດ້ມີການປ່ຽນແປງອ່າວຫຼາຍ,ສະພາບແວດລ້ອມຊົງຕົວຂອງວັດທະນະທຳທ້ອງຖິ່ນແລະຊົນເຜົ່າທີ່ມີມາແຕ່ບູຮານນະການຊຸດຮ້າຍລົງຢ່າງໄວວາ,ຊັບພະຍາກອນວັດທະນະທຳງວດໜຶ່ງທີ່ມີຄຸນຄ່າດ້ານປະຫວັດສາດແລະວັດທະອນະທຳໄດ້ຖືກທຳລາຍບໍ່ຫຼາຍກໍໜ້ອຍ.ທ່ານລູຊືຊາວແມ່ນຊາວເຜົ່າຈວ້າງທີ່ເກີດແລະໃຫຍ່ຂຶ້ນຢູ່ເຂດກວາງຊີ ,ປັດຈຸບັນ,ທ່ານເປັນພະນັກງານຂອງວິສາຫະກິດທຶນຕ່າງປະເທດແຫ່ງໜຶ່ງຢູ່ປັກກິ່ງ,ເມື່ອກ່າວເຖິງສະພາບດັ່ງກ່າວ,ທ່ານແນະນຳວ່າ:
ບ່າວສາວເຜົ່າຈວ້າງຮ້ອງເພງພື້ນເມືອງ
"ຍາມຂ້າພະເຈົ້າຍັງນ້ອຍ,ຜູ່ ຮ້ອງເພງພື້ນເມືອງເປັນນັ້ນມີຢູ່ຫຼາຍສົມຄວນ,ທຳມະດາແລ້ວ,ຜູ່ຮ້ອງເພງພື້ນເມືອງສ່ວນຫຼາຍແມ່ນບ່າວສາວທີ່ໜຸ່ມແໜ້ນ,ເມື່ອໄປເຮັດວຽກຢູ່ເທິງພູສູງ,ຢູ່ບ່ອນສູງທັງກວ້າງ,ພວກເຂົາເຈົ້າກໍເລີຍຮ້ອງເພງດ້ວຍສຽງດັງ,ແຕ່ເມື່ອຮອດປັດຈຸບັນ,ຜູ່ຮ້ອງເພງພື້ນເມືອງຍັງເຫຼືອໜ້ອຍ,ມີແຕ່ພວກຜູ່ເຖົ້າຜູ່ແກ່ເທົ່ານັ້ນມັກຮ້ອງເພງພື້ນເມືອງຫຼາຍກວ່າ,ສ່ວນຊາວໜຸ່ມພັດມັກເພງສະໄໝນິຍົມຫຼາຍກວ່າ."
1 2
|
