|
|
 |
| (GMT+08:00)
2006-04-07 15:26:29
|
 |
|
ນາງຖາວຫົງ ນັກສະແດງຂອງຈີນ
cri
Author: mo
|
ນາງຖາວຫົງ ປີນີ້ອາຍຸ 35 ປີ, ເກີດຢູ່ນະຄອນຈູ່ງກິ່ງ ພາກຕາເວັນຕົກສຽງໃຕ້ຂອງຈີນ. ນາງມັກຟ້ອນລຳທຳເພງມາແຕ່ຍາມຍັງນ້ອຍ, ຖືກຍ້ອງຍໍເລື້ອຍໆວ່າ"ເມື່ອໃຫຍ່ແລ້ວຈະເປັນນັກສະແດງໄດ້". ໃນເວລາອາຍຸ 11 ປີ, ນາງຖາວຫົງກໍໄດ້ເສັງເຂົ້າໂຮງຮຽນສິລະປະ, ຮຽນເຕັ້ນລຳ 8 ປີແລ້ວ, ກໍໄດ້ເສັງເຂົ້າວິທະຍາໄລງິ້ວສູນກາງດ້ວຍຜົນງານທີ່ດີເດັ່ນ. ປີ 1998, ນາງຖາວຫົງໄດ້ຮັບລາງວັນ"ນາງເອກຜູ້ດີເດັ່ນ"ຂອງລາງວັນ"ຊຸ່ນອ້ຽນ"ຂອງສິລະປະໂທລະພາບປັກກິ່ງຍ້ອນໄດ້ສະແດງໃນລະຄອນໂທລະພາບເລື້ອງ"yun he ren jia" ຄອບຄົວຢູ່ແຄມຄອງນ້ຳ. ຕໍ່ຈາກນັ້ນ, ໃນເລື່ອງໂທລະພາບ"hei dong" ແປວ່າ ຖ້ຳມືດ ທີ່ເຮີ່ກັນຫຼາຍນັ້ນ, ນາງຖາວຫົງໄດ້ສະແດງເປັນເມຍຂອງເຈົ້າພໍ່ສັງຄົມມືດ ຜູ້ຍິງທີ່ຈິດໃຈບິດບ້ຽວ, ທັງມັກຄຶດມັກຫງຳ, ໄດ້ຈົ່ງພາບພົດຂ້ອນຂ້າງເລິກເຊິ່ງໄວ້ກັບຜູ້ຊົມ. ແຕ່ວ່າ, ກໍເໝືອນດັ່ງນັກສະແດງເພດຍິງຫຼາຍໆຄົນທີ່ທັງໜຸ່ມທັງງາມນັ້ນ, ຜູ້ຊົມຫຼາຍໆຄົນບໍ່ຮັບຮອງວ່ານາງແມ່ນນັກສະແດງທີ່ເກັ່ງທາງດ້ານສີມືສະແດງ, ຈົນ"ນາງລາຍຊວງຢາງ"ທີ່ນາງສະແດງໃນຮູບເງົາເລື່ອງ"sheng huo xiu" ແປວ່າ ໂຊຊີວິດການເປັນຢູ່ນັ້ນໄດ້ປະກົດຢູ່ຕໍ່ໜ້າຜູ້ຊົມ.
 ຮູບເງົາເລື່ອງ"sheng huo xiu"ແມ່ນຜົນງານຕົວແທນຂອງນາງຖາວຫົງ. ຮູບເງົາໄດ້ເລົ່າເລື່ອງຄົດໆລ້ຽວໆທີ່"ນາງລາຍຊວງຢາງ" ເຈົ້າຂອງຮ້ານອາຫານນ້ອຍໃນຖະໜົນການຄ້າເສັ້ນໜຶ່ງປະສົບໃນການສ້າງພາລະກິດແລະຊີວິດການເປັນຢູ່. ໃນຮູບເງົາເລື່ອງນີ້, ນາງຖາວຫົງໄດ້ໃຊ້ສາຍຕາແລະພາສາແຂນຂາອັນອຸດົມສົມບູນມາສະແດງ"ນາງລາຍຊວງຢາງ"ທີ່ປາກຮ້າຍ ອ່ອນແອ ໃຈບຸນແລະບໍ່ເລືອກວິທີ, ມີຄວາມກະຕືລືລົ້ນ ກໍມີຄວາມເສີຍເມີຍຈືດຈາງ, ທັງເປັນຄົນແບບດັ້ງເດີມ, ທັງມີຄວາມຈູບຈ້າວຫ້າວຫັນ, ຄວາມຂັດແຍ່ງກັນໝົດທຸກຢ່າງຂອງຕົວສະແດງ, ນາງລ້ວນແຕ່ສະແດງອອກມາຢ່າງດີເລີດ, ຈົນກາຍເປັນເລື່ອງຈິງໜ້າເຊື່ອ. ຮູບໂສມເພດຍິງທັນສະໄໝທີ່ວິ້ງເຕັ້ນເພື່ອຊີວິດ ການຢູ່ລອດເພື່ອໜ້າທີ່ຮັບຜິດຊອບ, ແລະຍຶດໝັ້ນເພື່ອຄວາມຮັກນັ້ນໄດ້ປະກົດຕົວຢູ່ຕໍ່ໜ້າຜູ້ຊົມຢ່າງມີຊີວິດຊີວາ.
1 2 3
|
|
|
