|
|
 |
| (GMT+08:00)
2006-04-07 15:26:29
|
 |
|
ນາງຖາວຫົງ ນັກສະແດງຂອງຈີນ
cri
Author: mo
 ຍ້ອນການສະແດງຢ່າງດີເລີດໃນຮູບເງົາເລື່ອງ"sheng huo xiu", ນາງຖາວຫົງໄດ້ຮັບລາງວັນສາມຢ່າງຂອງຮູບເງົາຈີນ ຄືລາງວັນ"ຮວາແປວ"ເຊິ່ງເປັນລາງວັນລັດຖະບານ, ລາງວັນ"ໄກ່ຄຳ"ເຊິ່ງເປັນລາງວັນຜູ້ຊ່ຽວຊານ, ແລະລາງວັນ"ຈິ່ນເຈ"ຂອງບຸນຮູບເງົາສາກົນຊຽງໄຮ້. ຄວາມສຳເລັດຜົນຂອງເລື່ອງ"sheng huo xiu", ໄດ້ເຮັດໃຫ້ນາງຖາວຫົງໄດ້ມີໂອກາດສະແດງຫຼາຍກວ່າເກົ່າ, ນາງເລີ່ມທົດລອງສະແດງເປັນຕົວສະແດງທີ່ເປັນປະເພດຕ່າງກັນ. ນາງເວົ້າວ່າ:
"ເວລານັ້ນ ກໍມີຕົວສະແດງຄ້າຍຄືກັບເຈົ້າຂອງຮ້ານຢ່າງຫຼວງຫຼາຍຢາກມາຫາຂ້ອຍສະແດງ, ແຕ່ສຸດທ້າຍ, ຂ້ອຍໄດ້ເລືອກສະແດງຮູບເງົາເລື່ອງ"ເທຄວນໂດ", ຍ້ອນວ່າມັນກົງຄວາມຄິດຂອງຂ້ອຍທີ່ຢາກສະແດງເປັນບຸກຄົນທີ່ຕ່າງກັນໝົດ."
ໃນຮູບເງົາເລື່ອງ"ເທຄວນໂດ"ນັ້ນ, ນາງຖາວຫົງໄດ້ສະແດງເປັນນັກກິລາເທຄວນໂດທີ່ຍຶດໝັ້ນບໍ່ທໍ້ຖອຍ, ແລະເຂັ້ມແຂງຢ່າງບໍ່ຢຸດຢັ້ງ. ເຊັ່ນດຽວກັນ, ເພື່ອສະແດງລີລາຂອງນັກ ກິລາເທຄວນໂດຢ່າງດີເດັ່ນ, ນາງໄດ້ທຸ່ມເຫື່ອເທແຮງເຂົ້າໃນກິລາເທຄວນໂດຢ່າງໝົດຈິດໝົດໃຈ. ຍ້ອນນາງໄດ້ຝຶກແອບຢ່າງມານະພະຍາຍາມ, ບໍ່ດົນ, ນາງໄດ້ໄປສູ້ຊົນຢູ່ສະໜາມກິລາຄືນັກກິລາແທ້, ຈົນຜູ້ບໍ່ຮູ້ຄວາມຈິງຫຼົງຄິດວ່ານາງກໍແມ່ນນັກກິລາອາຊີບ, ແລ້ວລົງມືຢ່າງບໍ່ໄວ້ໜ້າໄວ້ຕາ, ເກືອບເຕະນາງເປັນບາດເຈັບໜັກ. ການສະແດງຂອງນາງໃນຮູບເງົາເລື່ອງູເທຄວນໂດກໍໄດ້ຮັບຄວາມຍ້ອງຍໍຢູ່ພາຍໃນແລະນອກວົງການເຊັ່ນດຽວກັນ.
ທ້າຍປີ 2004, ນາງຖາວຫົງໄດ້ສະແດງລະຄອນໂທລະພາບເລື່ອງ"kang ding qing ge". ເລື່ອງ"kang ding qing ge"ໄດ້ເລົ່າເລື່ອງຄວາມຮັກທີ່ເກີດຂຶ້ນຢູ່ເມືອງຄ່າງຕິ້ງ ພາກຕາເວັນຕົກສຽງໃຕ້ຂອງຈີນ. ໃນເລື່ອງນີ້, ນາງຖາວຫົງຕ່າງໄດ້ສະແດງເປັນນາງເອກຄ່າງຈູ່ ສາວເຜົ່າຕິເບດແລະນາງໂຈມາ ແມ່ຂອງນາງ. ນາງຖາວຫົງບໍ່ພຽງແຕ່ໃຊ້ຄວາມຕ່າງກັນຂອງເຄື່ອງເອ້ ແລະເສື້ອຜ້າມາຈຳແນກສອງຄົນດັ່ງກ່າວເທົ່ານັ້ນ, ຫາກຍັງໄດ້ສະແດງເປັນສອງຄົນນີ້ທີ່ອາຍຸຕ່າງກັນໝົດຈາກດ້ານພາສາ ໂສມໜ້າແລະທ່າທາງເປັນຕົ້ນ. ນາງຖາວຫົງບໍ່ພຽງແຕ່ໄດ້ສະແດງຄວາມຄ່ຽມຄົມ ໃຈບຸນແລະເຂັ້ມແຂງຂອງແມ່ຢ່າງແນບນຽນທໍ່ນັ້ນ, ພ້ອມທັງໄດ້ສະແດງຄວາມໜ້າຮັກໄຮ້ດຽງສາແລະກ້າຮັກກ້າຊັງຂອງສາວເຜົ່າຕິເບດຢ່າງມີຊີວິດຊີວາ, ເຮັດໃຫ້ຄົນເບິ່ງແລ້ວຕື່ນຕາຕື່ນໃຈ.
ແຕ່ເຂົ້າຮ່ວມວົງການຮູບເງົາຫຼາຍປີມານີ້, ຜົນງານຂອງນາງຖາວຫົງບໍ່ຫຼາຍປານໃດ, ນີ້ແມ່ນຍ້ອນວ່ານາງມີມາດຖານສູງໃນການຮັບສະແດງ. ແຕ່ເມື່ອນາງໄດ້ພົບຕົວສະແດງທີ່ນາງມັກແລ້ວ, ນາງກໍທຸ່ມເທເຂົ້າຢ່າງໝົດຈິດໝົດໃຈ. ໃນຜົນງານຮູບເງົາແລະໂທລະພາບຂອງນາງຖາວຫົງນັ້ນ, ພາບພົດຂອງສອງຄົນທີ່ນາງສະແດງນັ້ນຊ້ຳກັນໜ້ອຍທີ່ສຸດ, ແຕ່ຕົວສະແດງທຸກຄົນລ້ວນແຕ່ມີຊີວິດຊີວາທີ່ສຸດ, ແທ້ຈິງແລະທຳມະຊາດ. ໃນຫຼາຍປີມານີ້, ການສະແດງຂອງນາງຖາວຫົງນັບມື້ນັບໄດ້ຮັບຄວາມຮັບຮອງຈາກຜູ້ຊົມ, ແຕ່ຍ້ອນນາງບໍ່ມັກຊີງດີຊີງເດັ່ນ, ຈິ່ງມີຂ່າວກ່ຽວກັບ ນາງອ່າວໜ້ອຍ. ນາງມັກດຳລົງຊີວິດຢ່າງສະຫງົບ, ສະນັ້ນ, ເຖິງວ່ານາງມີນາມມະຍົດເປັນ"ມະເຫສີຮູບເງົາ"ກໍຕາມ, ແຕ່ຊື່ສຽງຂອງນາງພັດບໍ່ດົ່ງດັງປານໃດ. ຕໍ່ສະພາບການແນວນີ້, ນາງຖາວຫົງພັດເບິ່ງຈືດຈາງທີ່ສຸດ, ນາງເວົ້າວ່າ:
"ຍຸກສະໄໝນີ້ແປປ່ຽນເປັນຂ້ອນຂ້າງລື້ນເລີງແລະມີຈັງຫວະໄວ, ແຕ່ຍ້ອນນິໄສຂອງແຕ່ລະຄົນຕ່າງກັນ, ຂ້ອຍບໍ່ມັກເຮັດຝືນນິໄສຂອງຕົນ. ຂ້ອຍຮູ້ສຶກວ່າ, ເປັນນັກສະແດງກໍຕ້ອງເປັນແນວນີ້, ເຮັດເລື່ອງຂອງຕົນໃຫ້ດີກໍພໍແລ້ວ."
(ຈົບ)
1 2 3
|
|
|
