|
|
 |
| (GMT+08:00)
2006-04-11 12:59:32
|
 |
|
ແມ່ເຖົ້າທີ່ໜີຈາກການຟ້ອນໜັງຕະລຸງບໍ່ໄດ້
cri
|
ທ່ານອາດຈະຮູ້ຈັກໜັງຕະລຸງຂອງຈີນ,ແຕ່ທ່ານເຄີຍໄດ້ຍິນ ການຟ້ອນໜັງຕະລຸງບໍ່?ຢູ່ເມືອງທາງສ່ານແຂວງເຫີເປພາກເໜືອຂອງຈີນກໍ່ມີຄະນະ ຟ້ອນໜັງຕະລຸງທີ່ປະກອບດ້ວຍບັນດາແມ່ເຖົ້າ,ໃນນັ້ນແມ່ເຖົ້າກ່າວລານມີອາຍຸສູງກວ່າ70ປີແລ້ວເຊິ່ງແມ່ນແມ່ເຖົ້າທີ່ມີອາຍຸສູງກວ່າໝູ່.ໃນ10ກວ່າປີມານີ້,ການຟ້ອນໜັງຕະລຸງທີ່ມີຄົນຮູ້ບໍ່ຫຼາຍນັ້ນໄດ້ກາຍເປັນພາກສ່ວນອັນສຳຄັນໃນຊີວິດປະຈຳວັນຂອງແມ່ເຖົ້າກ່າວລານແລະພວກເອື້ອຍນ້ອງຂອງແມ່ເຖົ້າ.ໃນງານລາສະຫຼອງຕີບຸນກຸດຈີນປີນີ້ຂອງໂທລະພາບCCTV ໂທລະພາບແຫ່ງຊາດຈີນ,ພວກເພິ່ນໄດ້ສະແດງການຟ້ອນໜັງຕະລຸງ,ເຮັດໃຫ້ຜູ້ຊົມມັກຄະນະຟ້ອນ ຊ້ຽວຊີ່ຢາງແປວ່າແມ່ເຖົ້າສວຍງາມ ໃນບາດດຽວ.
ໜັງຕະລຸງທີ່ເປັນມູນເຊື້ອໃນພື້ນເມືອງຈີນ,ແມ່ນເອົາໜັງລໍແລະໜັງງົວແກ່ສະຫຼັກເປັນຮູບຄົນສາກຫຼັງແລະເຄື່ອງໃຊ້ໃນຍາມສະແດງ,ແລ້ວສະແດງດ້ວຍການສົ່ງເງົາມືດຢູ່ບົນຈໍຜ້າສາກ,ດັ່ງນັ້ນຈຶ່ງໄດ້ຊື່ວ່າໜັງຕະລຸງ.ສ່ວນການຟ້ອນໜັງຕະລຸງ,ກໍແມ່ນສະແດງໃຫ້ເຫັນຈຸດພິເສດຂອງໜັງຕະລຸງດ້ວຍກິລິຍາທ່າທາງຟ້ອນຂອງຜູ້ສະແດງ.ໃນງານລາຕີສະຫຼອງບຸນກຸດຈີນທີ່ໂທລະພາບCCTVຈັດຂຶ້ນໃນປີນີ້,ລາຍການຟ້ອນໜັງຕະລຸງທີ່ຊື່ວ່າ ຊ້ຽວຊີຢາງ, ໄດ້ເພີ່ມບັນຍາກາດມ່ວນຊື່ນອັນເຂັ້ມຂັນໃຫ້ແກ່ງານລາຕີດ້ວຍຈັງ ຫວະອັນມ່ວນຊື່ນເບົາອາລົມແລະປະສິດທິຜົນເລື່ອງຕະຫຼົກອັນແຮງກ້າ.ລາຍການຟ້ອນດັ່ງກ່າວສະແດງໂດຍແມ່ເຖົ້າໝູ່ໜຶ່ງທີ່ມີອາຍຸສະເລ່ຍເກືອບ70ປີ,ໄດ້ກະຕຸ້ນໃຈຜູ້ຊົມຫຼາຍຄົນ,ນາງຈ່າງສ້ຽວເລີ້ສາວປັກກິ່ງກໍແມ່ນຜູ້ໜຶ່ງ.
ລາຍການຊ້ຽວຊີ່ຢາງມ່ວນຫຼາຍ,ນ້ອງແມ່ນຊົມການຟ້ອນໜັງຕະລຸງແບບນີ້ເທື່ອທຳອິດ,ຮູ້ສຶກໃໝ່ໆແປກໆ.ພ້ອມກັນນັ້ນແມ່ເຖົ້າທີ່ຟ້ອນເຫຼົ່ານັ້ນກໍເປັນຕາຍ້ອງຍໍທີ່ສຸດ,ອາຍຸສູງປານນັ້ນແລ້ວ,ຍັງສາມາດຟ້ອນໄດ້ເກັ່ງຫຼາຍ,ບໍ່ແມ່ນເລື່ອງງ່າຍ.
1 2 3 4
|
|
|
