|
|
 |
| (GMT+08:00)
2006-04-11 12:59:32
|
 |
|
ແມ່ເຖົ້າທີ່ໜີຈາກການຟ້ອນໜັງຕະລຸງບໍ່ໄດ້
cri
ຫຼັງຈາກອອກກິນເບ້ຍບຳນານແລ້ວ,ຊີວິດການເປັນຢູ່ຂອງແມ່ເຖົ້າກ່າວລານເຄີຍຕົກຢູ່ໃນສະພາບໂດດດ່ຽວປ່ຽວພອຍ.ຕໍ່ມາ,ຢູ່ເມືອງທາງສ່ານໄດ້ສ້າງຕັ້ງມະຫາວິທະໄລໄວຊະລາ,ແມ່ເຖົ້າກ່າວລານທີ່ມັກຟ້ອນລຳທຳແພງກໍໄດ້ໄປສະເໜີຕົວ.ເພິ່ນມີຄວາມຄຶດຂອງຕົນ,ຄືຢາກສອນສິ່ງທີ່ເພິ່ນໄດ້ຮຽນນັ້ນໃຫ້ແກ່ເອື້ອຍນ້ອງທີ່ຫັດກາຍນຳກັນ.ເພິ່ນເວົ້າວ່າ,
ທຸກໆມື້ຂ້າພະເຈົ້າໄປຮຽນຢູ່ຊຸດຟ້ອນກ່ອນ,ແລ້ວກັບຄືນສູ່ບ່ອນຫັດກາຍ,ສອນສິ່ງທີ່ຕົນໄດ້ຮຽນນັ້ນໃຫ້ແກ່ພວກເອື້ອຍນ້ອງ.ຂ້າພະເຈົ້າຮູ້ສຶກດີໃຈຫຼາຍທີ່ຢູ່ນຳກັນກັບພວກເພິ່ນ,ກໍຍິນດີສອນພວກເພິ່ນ,ເພາະວ່າຂ້າພະເຈົ້າມັກຟ້ອນຕັ້ງແຕ່ຍາມຍັງໄວເດັກ.
ຕອນເຊົ້າທຸກໆມື້,ຜູ້ທີ່ໄປຮຽນການຟ້ອນນຳແມ່ເຖົ້າກ່າວລານນັ້ນຄ່ອຍໆຫຼາຍຂຶ້ນ.ໃນສິບປີກ່ອນ,ແມ່ເຖົ້າກ່າວລານກັບໝູ່ທັງຫຼາຍໄດ້ສ້າງຕັ້ງຄະນະຟ້ອນ ຊ້ຽວຊີ່ຢາງ.ໃນປີທຳອິດທີ່ສ້າງຕັ້ງຄະນະຟ້ອນ,ລາຍການຂອງພວກເພິ່ນກໍໄດ້ຮັບລາງວັນໃນການແຂ່ງຂັນຟ້ອນໄວຊະລາລະດັບຊາດ.ທັງນີ້ເຮັດໃຫ້ແມ່ເຖົ້າກ່າວລານແລະເອື້ອຍນ້ອງຂອງເພິ່ນຮູ້ສຶກຕື້ນຕັນໃຈຫຼາຍ,ແລະກໍໄດ້ກະຕຸກຄວາມຈູດຈ້າວຫ້າວຫັນຂອງຜູ້ເຖົ້າເຫຼົ່ານີ້.ແຕ່ນັ້ນມາ,ການສະແດງຢູ່ບົນເວທີຢ່າງເປັນທາງການກໍໄດ້ກາຍເປັນຄວາມປາຖະໜາໃຫຍ່ກວ່າໝູ່ຂອງພວກເພິ່ນ.
ປີ1997,ໂອກາດມາແລ້ວ,ເມືອງທາງສ່ານຈະສ້າງຕັ້ງຄະນະສິລະປະໄວຊະລາ,ຄະນະຟ້ອນ ຊ້ຽວຊີ່ຢາງກໍໄດ້ໄປສະເໜີຕົວໃນທັນທີ,ແຕ່ຄະນະສິລະປະມີຄວາມຕ້ອງການຜູ້ມີຮ່າງຄີງສູງກວ່າ1,6ແມັດ,ອາຍຸບໍ່ໃຫ້ກາຍ55ປີ,ແລະລະດັບວິຊາສະເພາະຂອງແມ່ເຖົ້າກ່າວລານກັບເອື້ອຍນ້ອງກໍບໍ່ສູງປານໃດ,ໃນທີ່ສຸດ,ຄະນະຟ້ອນຊ້ຽວຊີຢາງໄດ້ຖືກຄັດອອກ.
ເລື່ອງນີ້ໄດ້ເຮັດໃຫ້ແມ່ເຖົ້າກ່າວລານແລະເອື້ອຍນ້ອງໄດ້ເຫັນຂໍ້ບົກຜ່ອງຂອງຕົນ,ພວກເພິ່ນກໍໄດ້ສຳນຶກຮູ້ວ່າຄວນມີຄູສອນວິຊາສະເພາະ,ຄະນະຟ້ອນກໍຕ້ອງມີລາຍການທີ່ມີລັກສະນະຕົວແທນ.ພໍດີໃນໝວດຟ້ອນມີຄົນເຄີຍຮຽນການຟ້ອນໜັງຕະລຸງນຳທ່ານຟ້ານຈີນຊາຍຄູສອນການຟ້ອນໜັງຕະລຸງທີ່ມີຊື່ສຽງຢູ່ທ້ອງຖິ່ນ.ດັ່ງນັ້ນ,ຄະນະຟ້ອນຊ້ຽວຊີ່ຢາງກໍໄປຫາທ່ານຟ້ານຈິນຊາຍ,ແຕ່ພັດເຮັດໃຫ້ທ່ານຮູ້ສຶກຫຍຸ້ງຍາກ ຫຼາຍ.ທ່ານເວົ້າວ່າ,
ໃນຄາວນັ້ນຂ້າພະເຈົ້າໄດ້ປະຕິບັດງານກ່ຽວກັບການຟ້ອນໜັງຕະລຸງ11ປີແລ້ວ,ເມື່ອໄດ້ເຫັນແມ່ເຖົ້າເຫຼົ່ານີ້ຂ້າພະເຈົ້າຄຶດວ່າ,ເບິ່ງແລ້ວພວກເພິ່ນບໍ່ຄືນັກຟ້ອນ,ແນ່ນອນຈະສະແດງລາຍການຂອງຂ້າພະເຈົ້າບໍ່ດີປານໃດ.ແຕ່ພວກເພິ່ນພັດຕິດຕາມຂ້າພະເຈົ້າຄືກັບເຂົ້າໜຽວຕິດມື,ຂ້າພະເຈົ້າໄປບ່ອນໃດ,ພວກເພິ່ນກໍຕິດຕາມໄປບ່ອນນັ້ນ,ເລີກການແລ້ວພວກເພິ່ນບໍ່ໃຫ້ເມືອບ້ານ,ຢາກໄປກິນເຂົ້າ,ພວກເພິ່ນກໍເວົ້າວ່າຈະລ້ຽງ,ນ້ຳໃຈຍຶດ ໝັ້ນດັ່ງກ່າວເຮັດໃຫ້ຂ້າພະເຈົ້າຕື້ນຕັນໃຈເປັນພິເສດ.
1 2 3 4
|
|
|
