|
|
 |
| (GMT+08:00)
2006-04-19 20:43:38
|
 |
|
ຈີນໄດ້ສ້າງທະນາຄານຈຸລັງທີ່ບໍ່ຕາຍຂອງຊົນເຜົ່າຕ່າງກັນໃຫ້ສຳເລັດ(ສຽງ)
cri
ທ່ານນາງຫວງສ້ຽວສິນກ່າວວ່າ,ຍ້ອນວ່າຕົວແບບຈຸລັງລ້ວນແຕ່ແມ່ນເກັບມາຈາກເຂດຊົນເຜົ່າທີ່ຫ່າງໄກສອກຫຼີກຂອງຈີນ,ທ້ອງຖິ່ນເຫຼົ່ານີ້ສ່ວນຫຼາຍຢູ່ເຂດພູດອຍ,ຜູ່ເກັບຕົວແບບຈຸລັງສ່ວນຫຼາຍໄດ້ເຮັດວຽກພຸ້ນລຳບາກທີ່ສຸດ.ທ່ານຊຸນຮ້າວແມ່ນຜູ່ເກັບຕົວແບບຈຸລັງຜູ່ໜຶ່ງ,ທ່ານບອກນັກຂ່າວວ່າ,ໃນຕອນເຮັດວຽກຢູ່ແຂວງຢຸນນານ,ເພື່ອຮັບປະກັນຈຸລັງມີຊີວິດຢູ່,ເມື່ອໄດ້ເກັບເອົາຕົວແບບແລ້ວ,ທ່ານບໍ່ໃຫ້ເຄີກເວລາຈັກນາທີ,ຕ້ອງຂີ່ລົດເດີນທາງຕາມທາງພູທີ່ຄົດລ້ຽວກ້ຽວກອດເຄິ່ງມື້,ແລ້ວປ່ຽນມາຂີ່ເຮືອບິນ,ໃນທີ່ສຸດໄດ້ສົ່ງຕົວແບບຈຸລັງໄປຮອດຫ້ອງທົດລອງທີ່ນະຄອນຄຸນມິງພາຍໃນ48ຊົ່ວໂມງ.ເຖິງວ່າ,ວຽກງານເກັບຕົວແບບຈຸລັງມີຄວາມຫຍຸ້ງຍາກຫຼາຍ,ແຕ່ ພະນັກງານທັງຫຼາຍຄືດັ່ງທ່ານຊຸນຮ້າວນັ້ນຮູ້ສຶກພາກພູມໃຈຫຼາຍ,ເພາະວ່າວຽກງານຂອງພວກເຂົາເຈົ້າໄດ້ຮັບຄວາມເຂົ້າໃຈແລະເຫັນດີເຫັນພ້ອມຈາກຄົນສ່ວນໃຫຍ່.ນາງເສິນຊາງ ນັກສຶກສາເຜົ່າມັງຊູເວົ້າວ່າ:
"ຂ້າພະເຈົ້າເຫັນວ່າໂຄງການທະນຄານຈຸລັງທີ່ບໍ່ຕາຍຂອງຊົນເຜົ່າຕ່າງກັນມີຄວາມໝາຍສຳຄັນຫຼາຍຕໍ່ການພັດທະນາຂອງຊົນເຜົ່າສຶກສາ,ກຳມະພັນວິທະຍາ,ວິທະຍາສາດຊີວິດຂອງປະເທດເຮົາ.ນອກນີ້,ຂ້າພະເຈົ້າຄິດວ່າເຂດຊົນເຜົ່າສ່ວນໜ້ອຍບາງແຫ່ງຢູ່ບ່ອນຫ່າງໄກສອກຫຼີກທັງທຸກຍາກ.ສະນັ້ນ,ອຸປະກອນປິ່ນປົວ,ເຕັກນິກວິທະຍາສາດ,ເຕັກນິກການປິ່ນປົວຂອງພວກເຂົາເຈົ້າຍັງຫຼ້າຫຼັງທີ່ສຸດ,ສະນັ້ນ,ນັກວິທະຍາສາດ,ນັກມະນຸດສາດໄປສຳຫຼວດຢູ່ທ້ອງຖິ່ນດັ່ງກ່າວມີຄວາມຈຳເປັນຫຼາຍ,ເພື່ອໃຫ້ມີການຄົ້ນພົບໃໝ່ທີ່ມີຜົນດີຕໍ່ການພັດທະນາຂອງວິທະຍາສາດຊີວິດ."
10ກວ່າປີມານີ້,ພະນັກງານຂອງໜ່ວຍງານໂຄງການທະນາຄານຈຸລັງທີ່ບໍ່ຕາຍຂອງຊົນເຜົ່າຕ່າງກັນໄດ້ ໄປຮອດທຸກໆແຂວງ,ນະຄອນແລະເຂດປົກຄອງຕົນເອງຂອງຈີນໂດຍສະເພາະແມ່ນເຂດຊົນເຜົ່າສ່ວນໜ້ອຍທີ່ຫ່າງໄກສອກຫຼີກ,ເກັບໄດ້ຕົວແບບຈຸລັງທີ່ບໍ່ຕາຍຂອງ58ຝູງຊົນ42ຊົນເຜົ່າ.ຜ່ານຈາກການຄົ້ນຄວ້າຕົວແບບຈຸລັງ,ນັກວິທະຍາສາດໄດ້ມີຄວາມຮັບຮູ້ເລິກເຊິ່ງກວ່າເກົ່າຕໍ່ແຊນພະຍາດແລະຄວາມຕິດພະຍາດງ່າຍ,ແລະໄດ້ຮັບຄວາມຄືບໜ້າສຳຄັນໃນການຄົ້ນຄວ້າແຊນພະຍາດຕ່າງໆເຊັ່ນພະຍາດທາງກຳມະພັນຂອງເລືອດ,ພະຍາດປາຄິນຊັນເປັນຕົ້ນ.
ນອກນີ້, ໂດຍອີງຕາມສັນຍາຮ່ວມມືທີ່ພາກສ່ວນທີ່ກ່ຽວຂ້ອງຂອງຈີນເຊັນກັບພາກສ່ວນທີ່ກ່ຽວຂ້ອງຂອງຕ່າງປະເທດ,ແລະໄດ້ຮັບການອະນຸມັດຈາກພາກສ່ວນທີ່ກ່ຽວຂ້ອງຂອງລັດ, ໜ່ວຍງານໂຄງການດັ່ງກ່າວສະໜອງຕົວແບບຈຸລັງທີ່ບໍ່ຕາຍ149ສະບັບໃຫ້ສູນຄົ້ນຄວ້າຄວາມຫຼາກຫຼາຍຂອງໝວດແຊນມະນຸດເອີລົບ,ເມື່ອສູນດັ່ງກ່າວກວດກາແລ້ວເຫັນວ່າໄດ້ມາດຖານສາກົນທັງໝົດ.
ທ່ານສາສະດາຈານສູ້ເຈຍໂຢວກ່າວວ່າ,ເວົ້າສຳລັບທົ່ວທັງທະນາຄານຈຸລັງທີ່ບໍ່ຕາຍຂອງຊົນເຜົ່າຕ່າງກັນຂອງຈີນແລ້ວ,ປັດຈຸບັນ,ຍັງພຽງແຕ່ເປັນຂະໜາດເບື້ອງຕົ້ນທໍ່ນັ້ນ.ເມື່ອຮອດປີ2010,ຈີນຈະສ້າງທະນາຄານຈຸລັງທີ່ບໍ່ຕາຍຂອງ80-100ຝູງຄົນຂອງ56ຊົນເຜົ່າໃຫ້ສຳເລັດ,ເພື່ອສະໜອງໃຫ້ແກ່ການຄົ້ນຄວ້າແບບຖາວອນໃນພາຍໜ້າ.
1 2
|
|
|
