|
|
 |
| (GMT+08:00)
2006-04-24 18:39:29
|
 |
|
ເຮັດບຸນກຸສົນໃນທັນການ(ສຽງ)
cri
Author: min
ຄວາມເມດຕາອາລີບໍ່ພຽງແຕ່ແມ່ນຈັນຍາທຳອັນດີງາມຂອງສ່ວນບຸກຄົນທໍ່ນັ້ນ, ຍັງແມ່ນຄວາມຕ້ອງການຢ່າງໜຶ່ງທາງຈິດໃຈອີກດ້ວຍ. ຂໍໃຫ້ສັງຄົມນີ້ຈົ່ງເຕັມໄປດ້ວຍບັນຍາກາດແຫ່ງຄວາມເມດຕາອາລີ, ຂໍໃຫ້ທຸກໆຄົນຈົ່ງເຂົ້າໃຈກອນສັ້ນຂອງນາງດິກກິນເຊິນ ນັກກະວີ:
"ຖ້າຂ້າພະເຈົ້າສາມາດເຮັດໃຫ້ຄົນຜູ່ໜຶ່ງຫາຍຄວາມໂສກເສົ້າ
ຊາດນີ້ ຂ້າພະເຈົ້າກໍ່ບໍ່ແມ່ນເກີດມາລ້າໆ
ຖ້າຂ້າພະເຈົ້າສາມາດປົກເປື້ອງຄວາມທຸກທໍລະມານຂອງຄົນຜູ່ໜຶ່ງ
ແກ້ຄວາມທຸກລະທົມຂົມຂື່ນໃຫ້ຄົນຜູ່ໜຶ່ງ
ຊ່ວຍເອົາຊີວິດຂອງນົກໂລບິນທີ່ໂຕໜຶ່ງທີ່ຕາຍບັດໄປ
ໃຫ້ມັນໄດ້ບິນກັບຄືນຮັງຂອງມັນ
ຊາດນີ້ ຂ້າພະເຈົ້າກໍ່ບໍ່ແມ່ນເກີດມາລ້າໆ"
ຂ້າພະເຈົ້າມີເພື່ອນູຍິງຜູ່ໜຶ່ງ, ນາງເປັນຄົນອ່ອນນ້ອມໃຈບຸນ, ໄດ້ຮັບການອົບຮົມຊັ້ນສູງກ່ຽວກັບການສຶກສາເດັກນ້ອຍອະນຸບານ. ນາງຢາກໄປເຮັດວຽກຢູ່ອົງການກຸສົນຊ່ວຍເດັກນ້ອຍຜູ່ຂັງໂຕເອງ, ແຕ່ເງິນເດືອນຕ່ຳຫຼາຍ, ທໍ່ກັບເຮັດລ້າໆເອົາໂລດ. ສະນັ້ນ, ນາງຮູ້ສຶກຕັດສິນໃຈຍາກຫຼາຍ, ຈຶ່ງມາຂໍຄວາມເຫັນນຳຂ້າພະເຈົ້າ. ຂ້າພະເຈົ້າເລີຍຖາມນາງວ່າ, ວຽກນີ້ເຮັດໃຫ້ເຈົ້າມ່ວນໃຈບໍ່? ນາງເວົ້າວ່າ, ການຊ່ວຍເດັກນ້ອຍທີ່ຂັງໂຕເອງ, ເຫັນໃບໜ້າຂອງພວກເດັກນ້ອຍເຫຼົ່ານີ້ມີຮອຍຍິ້ມຄືນໃໝ່, ແລະເຕີບໃຫຍ່ຢ່າງສົມບູນແມ່ນເລື່ອງທີ່ມ່ວນໃຈຫຼາຍ, ຮູ້ສຶກວ່າ, ຕົນໄດ້ຮັບຜົນງານ. ຂ້າພະເຈົ້າເລີຍເວົ້າວ່າ, ຊັ້ນໄປເຮັດທະແມ. ນາງເວົ້າວ່າ, "ຂ້ອຍໄປຫາເງິນກ່ອນດີບໍ່? ຖ້າມີເງິນຫຼາຍແລ້ວຄ່ອຍໄປເຮັດວຽກນີ້." ຂ້າພະເຈົ້າເວົ້າວ່າ, ກໍໄດ້, ແຕ່ໃນໄລຍະເຈົ້າຂຸ້ນຫາເງິນນັ້ນ, ເຈົ້າອາດຈະລືມຄວາມປະສົງຂອງຕົນໃຫ້ຫົວທີ, ຍ່າງໄປທາງເສັ້ນອື່ນຕ່າງຫາກ, ຈະຕ່າວກັບມາຄືນມາຍາກຫຼາຍ. ພາຍຫຼັງມາ, ນາງໄດ້ໄປເຮັດວຽກຢູ່ສູນຊ່ວຍເຫຼືອເດັກນ້ອຍ, ຍ້ອນຜົນງານອັນດີເດັ່ນ, ນາງໄດ້ຮັບກຽດຫຼວງຫຼາຍຈາກສັງຄົມ, ແລະໄດ້ດູດດຶງເອົາຜູ່ໃຈບຸນຍິ່ງຫຼາຍເຂົ້າຮ່ວມຖັນແຖວນີ້.
ພວກເຮົາຈົ່ງຢ່າປະຕິເສດຄວາມຮຽກຮ້ອງຈາກຄວາມເມດຕາຂອງຕົນ. ມີຄົນມັກເວົ້າວ່າ, "ເກີດມາຊາດນີ້, ຕ້ອງອົດທຸກທົນຍາກ. ເວລາກໍ່ບໍ່ຫຼາຍ, ຄວນຂ້ຽວຫາຄວາມສຸກໃຫ້ຕົນ." ຂ້າພະເຈົ້າເຫັນວ່າ, ນອກຈາກຂ້ຽວຄວາມສຸກໃຫ້ແກ່ຕົນແລ້ວ, ຍິ່ງຕ້ອງຂ້ຽວເຮັດບຸນກຸສົນໃຫ້ຫຼາຍ. ເພາະວ່າ, ໃນເວລາສ່ວນຫຼາຍ, ການເຮັດບຸນກຸສົນກັບຄວາມມ່ວນໃຈແມ່ນເລື້ອງດຽວກັນ.
ເອົາລະ, ທ່ານຜູ່ຟັງທີ່ໂຄລົບ, ລາຍການຄາລົມຄົມຄາຍພາກນີ້ຂໍຈົບລົງພຽງທໍ່ນີ້, ຂອບໃຈທີ່ທ່ານຮັບຟັງ, ພົບກັນໃໝ່ໃນວັນອາທິດໜ້າ, ສະບາຍດີ!
1 2
|
|
|
