|
|
 |
| (GMT+08:00)
2006-05-10 18:12:46
|
 |
|
ປະມວນເພງສະໄໝນິຍົມ(ສຽງ)
cri
|
ໃນລາຍການມື້ນີ້, ກ່ອນອື່ນ, ເຊີນຟັງເພງWobuzuorenzaomeinv ຂ້ອຍບໍ່ຢາກເປັນ
ນາງງາມທຽມ, ຊື່ງຂັບຮ້ອງໂດຍນາງວາງຢວນ. ນັກຮ້ອງສາວທີ່ນ້ອຍກວ່າໝູ່ຢູ່ຈີນ,
ນາງວາງຢວນ ອາຍຸ 18 ປີໄດ້ອັດແຜ່ນCDສ່ວນຕົວແຜ່ນທຳອິດອອກຈຳໜ່າຍໃນ
ເດືອນກໍລະກົດປີ 2004, CDແຜ່ນນີ້ໃຫ້ຊື່ວ່າ: ຂ້ອຍບໍ່ຢາກເປັນນາງງາມທຽມ, ໄດ້
ສະແດງໃຫ້ເຫັນຊີວິດການເປັນຢູ່ຂອງສາວນ້ອຍອາຍຸ 17 ປີຢ່າງແທ້ຈິງ. ແລະໄດ້
ສະແດງໃຫ້ເຫັນການເຕີບໃຫຍ່, ອາລົມຈິດແລະຄວາມຍຶດໝັ້ນອຸດົມຄະຕິຂອງເດັກ
ຍິງອາຍຸ 17 ປີ.
ອັນໃດດີ? ອັນໃດຂີ້ຮ້າຍ? ອັນໃດແມ່ນຢາແກ້ສາລະພັດນຶກ? ສິ່ງທີ່ບໍ່ແມ່ນຂອງຕົນເອງ
ຈະເອົາບໍ່? ຂ້ອຍບໍ່ຢາກເປັນນາງງາມທຽມ, ຂ້ອຍບໍ່ຜ່າຕັດໜ້າຕາຕົນເອງ, ບໍ່ຢາກເຫັນ
ຮອຍຍີ້ມທີ່ບໍ່ແທ້ໃນກະຈົກ. ບໍ່ຢາກເປັນນາງງາມທຽມ, ບໍ່ຢາກຕັ້ງແກ້ງເອົາໃຈຜູ້ອື່ນ,
ຂ້ອຍບໍ່ເອົາຜູ້ທີ່ຮັກແຕ່ຄວາມງາມຂອງຂ້ອຍ.
ທີ່ຟັງມານັ້ນແມ່ນເພງWobuzuorenzaomeinv ຂ້ອຍບໍ່ຢາກເປັນນາງ ງາມທຽມ.
ທ່ານລີຢົງຊາງແມ່ນນັກດົນຕີທີ່ທັງຊ່າງແຕ່ງເນື້ອຮ້ອງ ທຳນອງເພງແລະຊ່າງຂັບຮ້ອງ,
ກ່ອນກ້າວຂຶ້ນສູ່ເວທີເພງ, ທ່ານໄດ້ເປັນຜູ້ແຕ່ງບົດເລື່ອງແລະເສບດົນຕີຕະຫລອດມາ.
ໃນຕົ້ນຊຸມປີ 90 ສະຕະວັດທີ່ແລ້ວ, ຈຶ່ງເລີ່ມແຕ່ງເພງແລະຂັບຮ້ອງເພງສະໄໝນິຍົມ.
ມາຮອດປັດຈຸບັນ, ທ່ານໄດ້ແຕ່ງເພງຮ້ອຍກວ່າເພງທີ່ທັນສະໄໝແລະມີຈຸດພິເສດ
ຫລາຍຢ່າງ. ຫວ່າງມໍ່ໆນີ້, ທ່ານໄດ້ອັດເພງSishuiliunian ການເວລາຜ່ານໄປເໝືອນ
ກະແສນ້ຳໄຫຼ ເຊິ່ງແມ່ນທ່ານລີເຢ້ນິງເປັນຜູ້ແຕ່ງເນື້ອຮ້ອງ, ທ່ານເອງເປັນຜູ້ແຕ່ງທຳ
ນອງແລະຂັບຮ້ອງ, ໄດ້ຮັບຜົນງານດີເດັ່ນໃນການລຽນລຳດັບເພງແຫ່ງຕ່າງໆຂອງ
ຈີນ. ຕໍ່ໄປເຊີນຟັງເພງນີ້ນຳກັນ.
ເນື້ອເພງຮ້ອງວ່າ: ເຮືອນເກົ່າໆ, ແລະຮູບພາບເກົ່າໆ, ມັກເຮັດໃຫ້ຄົນຫວນຄຶດເລື່ອງໃນອະດີດ. ສິ່ງ ທີ່ຊື່ນຊົມແລະເລື່ອງທີ່ໝອງໃຈແມ່ນຄວາມງາມທີ່ຫຼ່າສີໃນອະດີດ. ພາບວິວທີ່ເຄີຍເຫັນ ເຄີຍຜ່ານແລະຄົນທີ່ເຄີຍຮັກຫຼືເຄີຍພາດຍັງງາມຫຼືໄພເລາະດັ່ງບົດເພງ, ພູຜາແມ່ນ້ຳຍັງງາມປານເພງ, ເລື່ອງທີ່ເກີດຂຶ້ນໃນມື້ວານ ມື້ນີ້ແລະມື້ອື່ນ, ພວກເຮົາຍັງມີຄວາມຝັນຢູ່ໃນໃຈຫຼືບໍ່?
ທີ່ຟັງມານັ້ນແມ່ນເພງSishuiliunian ການເວລາຜ່ານໄປເໝືອນກະແສນ້ຳໄຫຼ. ຂັບຮ້ອງໂດຍທ່ານລີຢົງຊາງ.
1 2 3
|
|
|
