|
|
 |
| (GMT+08:00)
2006-05-10 18:12:46
|
 |
|
ປະມວນເພງສະໄໝນິຍົມ(ສຽງ)
cri
ທ່ານເຖິງເກີເອີ ແມ່ນນັກຮ້ອງເຜົ່າມົງໂກນທີ່ເກັ່ງທັງແຕ່ງເນື້ອຮ້ອງ ທຳນອງແລະຂັບຮ້ອງ. ເພງທີ່ທ່ານແຕ່ງນັ້ນມີເນື້ອໃນຫລາຍດ້ານ, ທຳນອງຫຼ່ຽນໄຫຼ, ລີລາສະແດງກໍສະຫງ່າຜ່າເຜີຍ, ມີຄວາມກະຕືລືລົ້ນຫລາຍ. ໃນຫລາຍປີມານີ້, ທ່ານເຖິງເກີເອີຍຶດໝັ້ນແຕ່ງເພງແລະຂັບຮ້ອງດ້ວຍພາສາແມ່ຂອງຕົນ, ເພື່ອຍ້ອງຍໍສໍລະເສີນບ້ານເກີດຂອງທ່ານດ້ວຍຄວາມຈິງໃຈ. ເພງMengguren ຊາວເຜົ່າມົງໂກນ ເພງທີ່ທ່ານຈະໄດ້ຟັງຕໍ່ໄປກໍແມ່ນເພງທີ່ສະແດງໃຫ້ອາລົມຈິດແນວນີ້. ເຊີນຟັງໄດ້ເລີຍ.
ເນື້ອເພງຮ້ອງວ່າ: ຕູບຜ້າຈຽນທີ່ຂາວສະອາດ, ມີຄວັນປິວຂຶ້ນຈາກຄີໄຟ, ຂ້າເກີດໃນຄອບຄົວຊາວລ້ຽງແກະ. ທົ່ງຫຍ້າແມ່ນອູ່ທີ່ຫຼໍ່ລ້ຽງຂ້າເຕີບໃຫຍ່. ຂ້າຮັກດິນແດນແຫ່ງນີ້ດັ່ງຮ່າງຄີງຂອງຂ້າ. ນະທີນ້ຳທີ່ຫຼໍ່ລ້ຽງຂ້າ, ຫວານດັ່ງນ້ຳນົມຂອງແມ່, ນີ້ກໍແມ່ນຊາວມົງໂກນ, ຜູ້ຮັກຫອມບ້ານເກີດ.
ຕໍ່ໄປເຊີນຟັງເພງAini ຮັກເຈົ້າ, ເພງຮັກທີ່ຂັບຮ້ອງໂດຍທ້າວອາມູ້ ນັກຮ້ອງໜຸ່ມ. ທ້າວອາມູ້ເຄີຍເປັນສະມາຊິກຄະນະດົນຕີ"ອີເຢີນຈື້ຈ້າວ" ຄະນະດົນຕີຊົນເຜົ່າທີ່ມີຊື່ສຽງຂອງຈີນ, ປີກາຍນີ້, ລາວໄດ້ອອກຈາກຄະນະດົນຕີດັ່ງກ່າວ, ຫາທາງພັດທະນາເອົາເອງ.
ເນື້ອເພງຮ້ອງວ່າ: ອ້າຍຮັກນ້ອງແມ່ນຍ້ອນວ່ານ້ອງເຮັດໃຫ້ອ້າຍມ່ວນຊື່ນ, ຮັກນ້ອງ ຍ້ອນນ້ອງເຮັດໃຫ້ອ້າຍຮູ້ລົດຊາດຂອງຄວາມຄຶດຮອດ. ນ້ອງທີ່ຮັກ, ອ້າຍຍອມຮັບວ່າ, ນ້ອງແມ່ນຜູ້ດດຽວທີ່ອ້າຍຮັກ. ບາງທີລົມແຮງຫລາຍ, ປານລົມລະດູໃບໄມ້ຫຼົ່ນ, ບາງທີບໍ່ລະວັງ ອ້າຍໄດ້ບາດໃຈນ້ອງ. ສຸດທີ່ຮັກ, ອ້າຍຄຶດຮອດນ້ອງຫລາຍ, ຮີບກັບມາໄວໆ. ຄວາມຮັກຝັງໃຈອ້າຍ, ໝັ້ນໜຽວບໍ່ປ່ຽນແປງມານານແລ້ວ.
1 2 3
|
|
|
