|
ຊົ່ງຈ້ານກ່ານປູ້ຮັກເຈົ້າຍິງເວິນເສິງທີ່ສະຫງົບສະຫງ່ຽມທັງມີຄວາມຮູ້, ໄດ້ສ້າງວັງປູ້ຕາລ່າທີ່ສະຫງ່າຜ່າເຜີຍໃຫ້ເຈົ້າຍິງ. ຈົນຮອດຊູ່ມື້ນີ້ ໃນວັງປູ້ຕາລ່າຍັງມີຮ່ອງຮອຍຫ້ອງວິວາຫະມຸງຄຸນຂອງເຈົ້າຍິງເວິນເສິງແລະຊົ່ງຈ້ານກ່ານປູ້, ຍັງມີຮູບແຕ້ມຝາພະໜັງຢ່າງຫຼວງຫຼາຍ, ໃນນັ້ນ ມີຮູບແຜ່ນໜຶ່ງໄດ້ບັນທຶກເລື່ອງກ່ຽວກັບເຈົ້າຍິງເວິນເສິງຜ່ານຜ່າຄວາມລຳບາກກາກກຳເຂົ້າເຂດຕິເບດ ແລະພາບທີ່ໄດ້ຮັບການຕ້ອນຮັບຢ່າງຟົດຟື້ນເມື່ອເຈົ້າຍິງໄປຮອດເມືອງລາຊາ.
ຮູບແຕ້ມຝາຜະໜັງໃນວັງປູ້ຕາລາກ່ຽວກັບເຈົ້າຍິງເວິນເສິງເຂົ້າຕິເບດ
ພາຍຫຼັງຊົ່ງຈ້ານກ່ານປູ້ຊົງອະພິເສກສົມລົດກັບເຈົ້າຍິງເວິນເສິງແລ້ວ, ລາຊະວົງຖາງກັບເຂດຕິເບດມີສຳພັນທະໄມຕີທີ່ສຸດ, ທູຕານຸທູດແລະພໍ່ຄ້າໄປມາຫາສູ່ກັນຢ່າງເນື່ອງນິດ. ຊົ່ງຈ້ານກ່ານປູ້ຍັງແຕ່ງລູກຫຼານເຜົ່າຕິເບດໄປຮຽນຢູ່ເມືອງສາງອ່ານ, ລາຊະວົງຖາງກໍ່ແຕ່ງຊ່າງໄມ້ຊ່າງມືປະເພດຕ່າງໆໄປສອນຝີມືຢູ່ເຂດຕິເບດເລື້ອຍໆ.
ເຈົ້າຍິງເວິນເສິງເຂົ້າເຂດຕິເບດ, ໄດ້ຊຸກຍູ້ການແລກປ່ຽນທາງດ້ານເສດຖະກິດແລະວັດທະນະທຳລະຫວ່າງລາຊະວົງຖາງກັບເຂດຕິເບດ, ໄດ້ຮັດແໜ້ນການພົວພັນທີ່ສະໜິດແໜ້ນລະຫວ່າງປະຊາຊົນເຜົ່າຮັ້ນກັບເຜົ່າຕິເບດ, ໄດ້ຮັບຄວາມໂຄລົບນັບຖືແລະຮັກແພງຈາກຄົນຮຸ້ນຫຼັງ.
1 2
|
