|
ແມ່ເອີຍ, ລູກຮັກແມ່!(ສຽງ)
cri
Author: huachunmei
ສະບາຍດີ, ທ່ານຜູ່ຟັງທີ່ເຄົາລົບ, ຊົມເຊີຍທ່ານຮັບຟັງລາຍການນັດພົບກັນໃນວັນອາທິດ. ທ່ານຜູ່ຟັງ, ທ່ານຈື່ບໍ່ມື້ນີ້ແມ່ນວັນແມ່, ຄືວັນອາທິດເທື່ອທີສອງໃນເດືອນພຶດສະພາ, ເຖິງວ່າວັນແມ່ແມ່ນວັນບຸນທີ່ເຜີຍແຜ່ມາຈາກຝ່າຍຕາເວັນຕົກ,ແຕ່ພັດແມ່ນມື້ພິເສດສຳລັບແມ່.ຂ້າພະເຈົ້າຄຶດວ່າ,ຄວາມຮັກຕໍ່ແມ່ນັ້ນແມ່ນບໍ່ມີພົມແດນ,ບໍ່ຈຳແນຳພູມພາກ.ໃນລາຍການມື້ນີ້,ກ່ອນອື່ນ,ພວກເຮົາຂໍສົ່ງພອນອັນປະເສີດໃຫ້ແມ່ທຸກໆຄົນໃນໂລກມາຕາມກະແສຄື່ນວິທະຍຸ:ສະບາຍດີວັນແມ່.
ຄຳວ່າແມ່ອາດຈະແມ່ນພະຍາງທຳອິດທີ່ແອນ້ອຍເລີ່ມຮຽນເວົ້າ, ອາດຈະແມ່ນສຽງເອີ້ນຢູ່ໃນໃຈຂອງລູກຕະຫລອດໄລຍະທາງແຫ່ງຊີວິດ.ແຕ່ໃນຂະບວນການເຕີບໂຕຂອງພວກເຣົານັ້ນ, ບໍ່ຮູ້ວ່າຈັກເທື່ອແລ້ວທີ່ລູກເຄີຍຖຽງແມ່ຢ່າງດື້ໆ,ເຄີຍບາດໃຈແມ່ຢ່າງບໍ່ຮູ້ສຶກຕົວ,ຄຶດວ່າທ່ານກໍ່ຄົງຄືກັບນາງຈ່າງຮານຢຸນ ນັກຮ້ອງ, ເມື່ອກາລະເວລາຜ່ານໄປຈິ່ງຮູ໊ວ່າຕົນເອງຕິດຫນີ້ບຸນຄຸນຂອງແມ່,ບໍ່ເຄີຍເວົ້າຄຳວ່າ, ລູກຮັກແມ່ຈັກເທື່ອ.
ແມ່ມັກເວົ້າລູກເລື້ອຍໆວ່າລູກຍັງບໍ່ຮູ້ຄວາມ,ແມ່ຮັກສາລູກຄືກັບຮັກສາເຈ້ຍຂາວໃບຫນຶ່ງ,ໃນສາຍຕາຂອງແມ່,ລູກແມ່ນເດັກນ້ອຍທີ່ບໍ່ເຕີບໃຫຍ່ນຳເພິ່ນຈັກເທື່ອ.ເຖິງວ່າລູກມີເລື່ອງໃນໃຈຫລາຍເລື່ອງ,ແຕ່ບໍ່ຍອມລົມສູ່ແມ່ຟັງ.ລູກເຄີຍເອົາແຕ່ໃຈຕົນເອງ,ບໍ່ຮັບເອົາວິທີຮັກຂອງແມ່,ຢາກຫນີໄປບ່ອນໄກໆ,ເຮັດເລື່ອງທີ່ຕົນເອງຢາກເຮັດ.ໃນເວລາລູກຕົກຢູ່ໃນຫມູ່ຄົນ,ຜູ່ທີ່ລູກຄິດຮອດຄິດເຖິງກວ່າຫມູ່ກໍ່ແມ່ນແມ່.ເມື່ອຈາກແມ່ມາແລ້ວ, ຈິ່ງຢາກບອກແມ່ວ່າ:ແມ່ເອີຍ,ລູກຮັກແມ່.ໃນວັນເວລາທີ່ຜ່ານໄປ,ລູກບໍ່ເຄິຍເວົານຳແມ່ວ່າດລູກຮັກແມ່ຈັກເທື່ອ.ຖ້າເວົ້າດຽວນີ້ຈະຊ້າບໍ່,ແມ່ຄືຊິຫົວຂວັນວ່າລູກຍັງຄືເດັກນ້ອຍຢູ່ນໍ?ທ່ານຜູ່ຟັງ, ເຊື່ອວ່າ,ເພງແມ່ເອີຍ,ລູກຮັກແມ່ທີ່ຂັບຮ້ອງໂດຍນາງຈ່າງຮານຢຸນທີ່ຟັງມາເມື້ອກີ້ນີ້,ຄົງຈະເປັນສຽງໃນໃຈຂອງຜູ່ເປັນລູກທັງຫລາຍນໍ.
ທ່ານຜູ່ຟັງທີ່ເຄົາລົບ, ຈີນມີຄຳບູຮານວ່າ:ລູກອອກເຮືອນໄປທາງໄກ,ແມ່ເປັນຫ່ວງນຳຕະຫລອດທາງ.ທີ່ຈິງແລ້ວ,ເມື່ອລູກໄກຈາກບ່ອນຢູ່ອັນຮົ່ມເຢັນທີ່ພໍ່ແມ່ສ້າງໄວ້ໃຫ້ນັ້ນ,ກໍ່ຄິດຮອດຄິດເຖິງແມ່ທີ່ຢູ່ທາງບ້ານຄືກັນ.
1 2
|
|
