|
|
 |
| (GMT+08:00)
2006-05-17 22:02:52
|
 |
|
ຄວາມຝັນຂອງຊາວເຜົ່າຕິເບດຜູ່ປາກພາສາອຳໂດທີ່ຢາກເບິ່ງລາຍການໂທລະພາບພາສາທ້ອງຖິ່ນນັ້ນໄດ້ບັນລຸຜົນເປັນຈິງແລ້ວ(ສຽງ)
cri
ເພື່ອຕອບສະໜອງຄວາມຕ້ອງການຂອງຊາວເຜົ່າຕິເບດທີ່ປາກພາສາອຳໂດອັນໄພສານໃນການຊອກຮູ້ຂໍ້ມູນຂ່າວສານແລະເຮັດໃຫ້ຊີວິດດ້ານຈິດໃຈແລະວັດທະນະທຳໃຫ້ອຸດົມສົມບູນຂຶ້ນ,ເຮັດໃຫ້ພວກເຂົາເຈົ້າເບິ່ງເຂົ້າໃຈລາຍການໂທລະພາບ,ໂດຍໄດ້ຮັບການສະໜັບສະໜູນຂອງອົງການປົກຄອງທ້ອງຖິ່ນ,ເລີ່ມແຕ່ເດືອນເມສາປີກາຍເປັນຕົ້ນມາ,ສະຖານີໂທລະພາບຊິງຫາຍໄດ້ທົດລອງຈັດອອກອາກາດລາຍການພາສາອຳໂດມື້ລະ3ຊົ່ວໂມງ,ພ້ອມທັງອອກແຮງຈັດລາຍການໃຫ້ມີເນື້ອໃນຫຼາຍຮູບຫຼາຍສີແລະອຸດົມສົມບູນ.ແຕ່ທົດລອງສາຍລາຍການດັ່ງກ່າວມາ,ໄດ້ມີປະຕິກິລິຍາຢ່າງຟົດຟື້ນ,ຜູ່ຊົມເຜົ່າຕິເບດໄດ້ພາກັນຕີໂທລະສັບ,ຂຽນຈົດໝາຍຫຼືສົ່ງຂໍ້ວາມສັ້ນດ້ວຍມືຖືເພື່ອສະແດງຄວາມມ່ວນຊື່ນ.ຊາວເຜົ່າຕິເບດປາກພາສາອຳໂດຜູ່ໜຶ່ງທີ່ດຳລົງຊີວິດຢູ່ເນປານໄດ້ສົ່ງຈົດໝາຍຂອບໃຈໄປຍັງສະຖານີໂທລະພາບຊິງຫາຍໂດຍຈຳເພາະ.ຈົດໝາຍຂອງທ່ານໄດ້ຂຽນວ່າ,ເມື່ອໄດ້ເບິ່ງລາຍການພາສາອຳໂດແລ້ວ,ທ່ານໄດ້ສຳຜັດຮູ້ຢ່າງເລິກເຊິ່ງອີກວ່າວັທະນະທຳເຜົ່າຕິເບດລ້ຳຄ່າແລະອຸດົມສົມບູນ,ໄດ້ສຳຜັດຮູ້ວ່າບ້ານເກີດເມືອງນອນຈັ່ງແມ່ນເປັນໜ້າຮັກຫອມແທ້ໆ.
ລາຍການພາສາອຳໂດໄດ້ກວມເຖິງຂົງເຂດຕ່າງໆຂອງຈີນເຊັ່ນ,ເສດຖະກິດສັງຄົມ,ວິທະຍາສາດເຕັກນິກແລະວັດທະນະທຳ,ການສຶກສາແລະສາທາລະນະສຸກເປັນຕົ້ນ.ທ່ານນາບາ ຫົວໜ້າສູນພາສາຕິເບດສະຖານີໂທລະພາບຊິງຫາຍແນະນຳວ່າ,ລາຍການພາກພາສາອຳໂດໄດ້ເອົາໃຈໃສ່ນຳການຈັດລາຍການທີ່ມວນຊົນເຜົ່າຕິເບດນິຍົມຊົມຊອບເຊັ່ນເພງ,ການຟ້ອນ,ແພດສາດແລະຢຸກຢາເປັນຕົ້ນ.
ນອກນັ້ນ,ລາຍການພາກຂ່າວກໍໄດ້ຮັບຄວາມນິຍົມຫຼາຍຈາກຊາວເຜົ່າຕິເບດຜູ່ປາກພາສາອຳໂດ.ລູງເຄັດຊູນທີ່ກ່າວມາຂ້າງເທິງນີ້ບອກນັກຂ່າວວ່າ,ເມື່ອໄດ້ເບິ່ງລາຍການພາກຂ່າວຂອງຊ່ອງພາສາຕິເບດແລ້ວ,ຊາວເຜົ່າຕິເບດທີ່ຢູ່ອ້ອມຂ້າງຂອງລູງເລີ່ມເອົາໃຈໃສ່ນຳວຽກບ້ານການເມືອງ.ຫວ່າງກ່ອນນີ້ບໍ່ດົນ,ໃນໄລຍະໄຂກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນແລະສະພາປຶກສາການເມືອງປະຊາຊົນແຫ່ງຊາດຈີນຢູ່ປັກກິ່ງ,ປະຊາຊົນເຜົ່າຕິເບດຜູ່ປາກພາສາອຳໂດທັງຫຼາຍກໍແມ່ນຜ່ານຈາກໂທລະພາບຕິດຕາມໂດຍກົງສະພາບຜູ່ແທນແລະກຳມະການເຜົ່າຕິເບດທັງຫຼາຍເຂົ້າຮ່ວມແລະປຶກສາຫາລືວຽກບ້ານການເມືອງ.
ຍ້ອນວ່າລາຍການພາສາອຳໂດຍັງຢູ່ໃນໄລຍະ ຕົ້ນ,ສະນັ້ນຈິ່ງມີຫຼາຍບ່ອນຄອຍຖ້າໃຫ້ມີການປັບປຸງ.ທ່ານນາບາ ຫົວໜ້າສູນພາສາຕິເບດໂທລະພາບຊິງຫາຍແນະນຳວ່າ,ປັດຈຸບັນ,ແຕ່ລະມື້ຈັດລາຍການ3ຊົ່ວໂມງຍັງບໍ່ສາມາດຕອບສະໜອງພີ່ນ້ອງຮ່ວມຊາດເຜົ່າຕິເບດຜູ່ປາກພາສາອຳໂດທີ່ປາຖະໜາຫາຂໍ້ມູນຂ່າວສານຈາກໂທລະພາບ.ທ່ານເວົ້າວ່າ:
ການຈັດລາຍການ ພາສາອຳໂດກໍຄືກັນກັບເດັກນ້ອຍຮຽນຍ່າງ,ຫາກໍ່ໄດ້ຢ່ວງບາດກ້າວທຳອິດ.ເວົ້າສຳລັບພະນັກງານເຜົ່າຕິເບດເຮັດວຽກໂທລະພາບພວກຂ້າພະເຈົ້າແລ້ວຮູ້ສຶກວ່າມີໜ້າທີ່ອັນໜັກໜາແລະສຳຄັນ.ໜ້າທີ່ດັ່ງກ່າວດ້ານໜຶ່ງແມ່ນມາຈາກຄວາມໄວ້ເນື້ອເຊື່ອໃຈຂອງອົງການປົກຄອງ,ອີກດ້ານໜຶ່ງແມ່ນມາຈາກຄວາມຄອງຄອຍຂອງມວນຊົນເຜົ່າຕິເບດອັນໄພສານ.
ທ່ານນາບາເວົ້າວ່າ,ເຖິງແນວນັ້ນກໍຕາມ,ການຈັດລາຍການພາສາອຳໂດຍັງຄົງມີຄວາມໝາຍສຳຄັນຫຼາຍ,ມັນຈະເສີມຂະຫຍາຍບົດບາດທີ່ເຂົ້າແທນບໍ່ໄດ້ໃນການຊັກນຳມວນຊົນເຜົ່າຕິເບດຜູ່ປາກພາສາອຳໂດຈາກຄວາມດັ້ງເດີມກ້າວໄປສູ່ອາລະຍະທຳຍຸກປັດຈຸບັນແລະຊຸກຍູ້ໃຫ້ເສດຖະກິດສັງຄົມເຂດຕິເບດພັດທະນາຢ່າງຮອບດ້ານ.
1 2
|
|
|
