|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງທ່ານສົມພອນ ພະນັກງານກໍ່ສ້າງຮາກຖານການເມືອງແລະພັດທະນາຊົນນະບົດຮອບດ້ານປະຈຳບ້ານໂພນສີວິໄລ ເຂດໂນນໄຣ ເມືອງເຟືອງແຂວງວຽງຈັນ,ໃນຈົດໝາຍຂອງທ່ານຂຽນວ່າ,ເຮົາຂຽນຈົດໝາຍມາເທື່ອນີ້ແມ່ນຢາກຮູ້ກ່ຽວກັບການພັດທະນາຊົນນະບົດຮອບດ້ານຂອງຈີນວ່າມີຈັກເນື້ອໃນ ຄາດໝາຍແລະຈັກບາດກ້າວດຳເນີນງານ,ເພາະວ່າ,ປະເທດຈີນໄດ້ພັດທະນາຊົນນະບົດຢ່າງໄວວາແລະສຳເລັດຜົນ.ສຸດທ້າຍຂໍຟັງເພງມິດຕະພາບລາວຈີນຈັກໜຶ່ງເພງຝາກໃຫ້ເພື່ອນມິດຜູ້ຟັງທຸກຄົນໃນທົ່ວໂລກ.ກ່ຽວກັບຄຳຖາມຂອງທ່ານສົມພອນ,ໃນລາຍການມື້ນີ້,ພວກເຮົາຈະພະຍາຍາມແນະນຳມາດຕະການໃຫຍ່ແລະເປົ້າໝາຍໃນການສ້າງສາຊົນນະບົດໃໝ່ຂອງຈີນສູ່ທ່ານຟັງຢ່າງລະອຽດ,ແຕ່ຍ້ອນວ່າບັນຫາກະສິກຳ,ຊົນນະບົດແລະຊາວກະສິກອນແມ່ນບັນຫາໃຫຍ່ຂໍ້ໜຶ່ງ,ພຽງແຕ່ຜ່ານຈາກລາຍການຂອງພວກເຮົາທໍ່ນັ້ນຄົງຈະອະທິບາຍຢ່າງຮອບດ້ານບໍ່ໝົດ,ສະນັ້ນ,ຖ້າທ່ານຍັງຢາກຮູ້ດ້ານໃດດ້ານໜຶ່ງທີ່ພວກເຮົາບໍ່ໄດ້ເວົ້າເຖິງ,ຂໍໃຫ້ທ່ານໂທລະສັບຫຼືຝາກຈົດໝາຍມາຍັງພວກເຮົາ,ພວກເຮົາຈະຕອບອີກ.ຕໍ່ໄປ,ພວກເຮົາຂໍແນະນຳນະໂຍບາຍແລະມາດຕະການບາງຢ່າງທີ່ລັດຖະບານຈີນໃຊ້ເພື່ອກໍ່ສ້າງຊົນນະບົດໃໝ່ສັງຄົມນິຍົມ.
ແຕ່ຈີນດຳເນີນການປະຕິຮູບແລະເປີດປະຕູສູ່ພາຍນອກເປັນຕົ້ນມາ,ການພັດທະນາເສດຖະກິດແລະສັງຄົມຂອງຈີນໄດ້ຮັບຜົນສຳເລັດທີ່ປະຈັກຕາຊາວໂລກ.ແຕ່ວ່າພື້ນຖານໂຄງລ່າງຊົນນະບົດຍັງບອບບາງ,ການພັດທະນາຂອງພາລະກິດສັງຄົມໃນຊົນນະບົດຍັງຫຼ້າຫຼັງ,ຄວາມຜິດໂຕນກັນລະຫວ່າງລາຍໄດ້ຂອງປະຊາຊົນໃນເມືອງຕົວເມືອງແລະຊົນນະບົດຍັງພວມເພິ່ນຂຶ້ນຢູ່.ເພື່ອແກ້ໄຂບັນຫາເຫຼົ່ານີ້,ພັກແລະລັດຖະບານຈີນໄດ້ໃຊ້ມາດຕະການຕ່າງໆເພື່ອສ້າງສາຊົນນະບົດໃໝ່ສັງຄົມນິຍົມ.
ເມື່ອທຽບກັບການສ້າງສາສັງຄົມເຫຼືອຢູ່ເຫຼືອກິນຢ່າງຮອບດ້ານແລ້ວ,ການສ້າງສາຊົນນະບົດໃໝ່ມີເປົ້າໝາຍຮູບປະທຳກວ່າແລະມີມາດຕະການທີ່ປະຕິບັດໄດ້ງ່າຍກວ່າ.ຈຸດພິເສດອັນເດັ່ນຊັດກວ່າໝູ່ແມ່ນໄດ້ປະກາດໃຊ້ນະໂຍບາຍແລະມາດຕະການທີ່ມີຈຸດປະສົງຈັດຕັ້ງປະຕິບັດຄວາມຮຽກຮ້ອງຕ້ອງການຄື"ເອົາໃຈໃສ່ນຳປະສິດທິຜົນຕົວຈິງ,ປະຕິບັດຕາມກຳລັງຕົວຈິງ,ຫາລືກັນຢ່າງມີປະຊາທິປະໄຕ,ເຮັດໃຫ້ຈຸດໜັກພົ້ນເດັ່ນຂຶ້ນ,ຊັກນຳແລະສະໜັບສະໜູນ",ລາຍລະອຽດມີດັ່ງລຸ່ມນີ້ຄື:
ເລັ່ງລັດສ້າງກົນໄກທີ່ມີປະສິດທິຜົນຍາວນານທີ່ຖື"ການໃຫ້ຫຼາຍ"ເປັນຈຸດໜັກ,ເອົາອຸດສາຫະກຳມາຊຸກຍູ້ກະສິກຳ,ເອົາຕົວເມືອງມາຊັກນຳຊົນນະບົດເຊິ່ງມີນະໂຍບາຍແລະມາດຕະການດັ່ງນີ້ຄື,ຍົກເລີກອາກອນກະສິກຳ,ລົບລ້າງການເກັບເງິນທົ່ວທີບຢູ່ຊົນນະບົດ,ແຜ້ວທາງໃຫ້ແກ່ການສ້າງລະບອບອາກອນ ທີ່ຕົວເມືອງກັບຊົນນະບົດເປັນເອກະພາບກັນ,ເປີດກວ້າງຂອບເຂດຊົນນະບົດທີ່ການເງິນສາທາລະນະປົກຫຸ້ມນັ້ນຢ່າງບໍ່ຢຸດຢັ້ງ,ບູລະນະແລະເສີມສ້າງນະໂຍບາຍ"ຍົກເລີກອາກອນກະສິກຳ,ຍົກເລີກອາກອນຜົນຜະລິດພື້ນເມືອງເຊິ່ງຍົກເວັ້ນໃບຢາສູບ,ຍົກເລີກອາກອນລ້ຽງສັດທັງໝົດ,ໃຫ້ເງິນເກື້ອກູນໂດຍກົງແກ່ຊາວກະສິກອນທີ່ປູກທັນຍາຫານ,ໃຫ້ເງິນເກື້ອກູນແນວພັນດີແກ່ຊາວກະສິກອນໃນບາງເຂດ,ໃຫ້ເງິນເກື້ອກູນແກ່ການຊື້ເຄື່ອງຈັກກະສິກຳເປັນຕົ້ນ.
ນະໂຍບາຍແລະມາດຕະການແຫ່ງການພັດທະນາການສຶກສາພາກບັງຄັບຢູ່ຊົນນະບົດແມ່ນ:ຄ່າໃຊ້ຈ່າຍການສຶກສາພາກບັງຄັບໄດ້ຈາກການໃຫ້"ອົງການປົກຄອງທຸກຂັ້ນຮັບຜິດຊອບ,ຖືຂັ້ນເມືອງເປັນຫັຼກ"ປ່ຽນເປັນ"ອົງການປົກຄອງຂັ້ນແຂວງຫ້າງຫາຄ່າໃຊ້ຈ່າຍຢ່າງເປັນເອກະພາບກັນ,ໃນຂັ້ນເມືອງເປັນຜູ້ຄຸ້ມຄອງ",ປີ2006,ຕໍ່ນັກຮຽນຊັ້ນມັດທະຍົມຕົ້ນລົງລຸ່ມຂອງເຂດພາກຕາເວັນຕົກຈະຍົກເວັ້ນຄ່າຮຽນແລະຄ່າສາລະພັດທັງໝົດຕໍ່ນັກຮຽນຂອງຄອບຄົວທຸກຍາກຈະໃຫ້ປື້ມແບບຮຽນຟີຼແລະຈະສະໜອງຄ່າຄອງຊີບໃຫ້ແກ່ນັກຮຽນກິນນອນ,ຈະປະຕິບັດນະໂຍບາຍດັ່ງກ່າວໂດຍທົ່ວໄປຢູ່ຊົນນະບົດທົ່ວປະເທດໃນປີ2007.
ນະໂຍບາຍແລະມາດຕະການແຫ່ງການບູລະນະເງື່ອນໄຂບໍລິການປິ່ນປົວຢູ່ຊົນນະບົດໃຫ້ດີຂຶ້ນລວມມີ:ເປີດກວ້າງຂອບເຂດທົດລອງລະບອບຮ່ວມມືປິ່ນປົວແບບໃໝ່ຢູ່ຊົນນະບົດເທື່ອລະກ້າວ,ຮອດປີ2008,ຈະເຜີຍແຜ່ລະບອບດັ່ງກ່າວໃຫ້ທົ່ວເຖິງກັນຢູ່ຊົນນະບົດທົ່ວປະເທດໃນຂັ້ນພື້ນຖານ,ຍົກມາດຖານຄ່າອຸດໜູນຂອງການເງິນສູນກາງແລະຂອງອົງການປົກຄອງທ້ອງຖິ່ນໃຫ້ສູງຂຶ້ນ,ເສີມສ້າງພື້ນຖານໂຄງລ່າງສາທາລະນະສຸກຂອງຊົນນະບົດທີ່ຖືສຸກສາລາເມືອງນ້ອຍເປັນຈຸດໜັກ,ບູລະນະລະບົບບໍລິການປິ່ນປົວ3ຂັ້ນແລະກອບກູ້ປິ່ນປົວຂອງຊົນນະບົດໃຫ້ສົມບູນຂຶ້ນ,ສ້າງລະບົບສະໜອງແລະຕິດຕາມຄຸ້ມຄອງຢຸກຢາຂອງຊົນນະບົດທີ່ສອດຄ່ອງກັບລະດັບລາຍໄດ້ຂອງຊາວກະສິກອນ,ສະໜອງການບໍລິການປິ່ນປົວທີ່ປອດໄພແລະລາຄາຖືກໃຫ້ຊາວກະສິກອນ,ສົ່ງເສີມທຸກກຳລັງໃນສັງຄົມເຂົ້າຮ່ວມການພັດທະນາພາລະກິດສາທາລະນະສຸກຂອງຊົນນະບົດ.
ນະໂຍບາຍແລະມາດຕະການແຫ່ງການບູລະນະພື້ນຖານໂຄງລ່າງຕ່າງໆ ເຊັ່ນ, ນ້ຳປະປາ,ໄຟຟ້າແລະຖະໜົນຫົນທາງເປັນຕົ້ນຂອງຄຸ້ມເຮືອນຢູ່ຊົນນະບົດໃຫ້ສົມບູນຂຶ້ນມີ:ເລັ່ງລັດກໍ່ສ້າງໂຄງການນ້ຳກິນປອດໄພຂອງຊົນນະບົດໃຫ້ໄວເຂົ້າ,ຢູ່ເຂດທີ່ມີເງື່ອນໄຂພັດທະນາການສະໜອງນ້ຳແບບໂຮມສູນ,ສຳເລັດໂຄງການປະກອບຊຸດຂອງການດັດສ້າງຕາຂ່າຍໄຟຟ້າຂອງຊົນນະບົດໂດຍໄວ,ສ້າງໃໝ່ແລະດັດສ້າງທາງຫຼວງຊົນນະບົດ1ລ້ານ2ແສນກິໂລແມັດ,ໃຫ້ຕາແສງ,ເມືອງນ້ອຍແລະບ້ານທີ່ມີລະບົບຈັດຕັ້ງທີ່ມີເງື່ອນໄຂທັງໝົດໃນທົ່ວປະເທດມີທາງຫຼວງໃນຂັ້ນພື້ນຖານ,ຢູ່ຕາແສງແລະເມືອງນ້ອຍ95%ແລະບ້ານທີ່ມີລະບົບຈັດຕັ້ງ80% ປູທາງຢາງຫຼືທາງຊີມັງ,ທັງເຮັດໃຫ້ທາງເຫຼົ່ານີ້ແລ່ນລົດໄດ້,ຊັກນຳໃຫ້ຊາວກະສິກອນສະໝັກໃຈປະກອບສ່ວນທຶນຮອນແລະອອກແຮງງານ ສ້າງພື້ນຖານໂຄງລ່າງຂະໜາດນ້ອຍຢູ່ຊົນນະນົດ.
1 2
|
