|
|
 |
| (GMT+08:00)
2006-05-23 17:16:00
|
 |
|
ເຂດໃໝ່ປິງໄຮນະຄອນທຽນສິນສະແຫວງຫາໃຫ້ການເຕີບໂຕດ້ານເສດຖະກິດກັບສິ່ງແວດລ້ອມຊີວະພາບພັດທະນາຢ່າງກົມກຽວກັນ
cri
Author: huachunmei
ທ່ານຜູ່ຟັງ, ປີນີ້, ເຂດໃໝ່ປິງໄຮນະຄອນທຽນສິນທີ່ເປັນຕົວເມືອງແຄມທະເລພາກເໜືອຈີນໄດ້ຖືກລັດຖະບານຈີນຈັດເຂົ້າໃນເປົ້າໝາຍພັດທະນາສຳຄັນໃນ 5 ປີຂ້າງໜ້າ. ຕາມແຜນພັດທະນາ, ເຂດໃໝ່ປິງໄຮຈະພັດທະນາເປັນແຫຼ່ງຜະລິດທັນສະໄໝທີ່ລະດັບສູງ ສູນເດີນເຮືອຂົນສົ່ງສາກົນ ສູນຈໍລະຈອນວັດສະດຸບໍລິການແລະເຂດເສດຖະກິດທັນສະໄໝທີ່ມີໄມຕິຈິດຕໍ່ສິ່ງແວດລ້ອມ. ຫວ່າງມໍ່ໆນີ້, ນັກຂ່າວໄປສຳພາດຢູ່ເຂດດັ່ງກ່າວ, ແລ້ວໄດ້ຮູ້ວ່າ, ການສະແຫວງການພັດທະນາຢ່າງກົມກຽວກັນຢູ່ລະຫວ່າງເສດຖະກິດ ສັງຄົມແລະສິ່ງແວດລ້ອມ, ໄດ້ກາຍເປັນຈຸດໝາຍສຳຄັນຂອງການສ້າງສາເຂດໃໝ່ປິງໄຮນະຄອນທຽນສິນໃນອະນາຄົດ. ໃນລາຍການແຈ້ງຂ່າວເສດຖະກິດຈີນພາກນີ້, ພວກເຮົາຈະສະເໜີສະພາບທີ່ກ່ຽວຂ້ອງສູ່ທ່ານຊາບ.
ນະຄອນທຽນສີນວາງແຜນສ້າງສາເຂດໃໝ່ປິງໄຮແມ່ນໃນຊຸມປີ 90 ສັດຕະວັດແລ້ວນີ້, ສ່ວນເຂດພັດທະນາເສດຖະກິດເຕັກນິກທຽນສິນທີ່ຊື່ຫຍໍ້ວ່າ, ເຂດພັດທະນາໄທຕາ ເຊິ່ງເປັນພາກສ່ວນປະກອບສຳຄັນໃນເຂດໃໝ່ປິງໄຮກໍໄດ້ເລີ່ມພັດທະນາແລະເປີດປະຕູກ່ອນນີ້ 10 ປີແລ້ວ. ເຂດພັດທະນາໄທຕາແມ່ນໜຶ່ງໃນເຂດພັດທະນາເສດຖະກິດລະດັບຊາດຂອງຈີນງວດທຳອິດ, ປັດຈະບັນ, ກຳລັງສັງລວມຂອງເຂດພັດທະນາໄທຕາໄດ້ເປັນທີໜຶ່ງໃນ 50 ກວ່າເຂດພັດທະນາປະເພດດຽວກັນຂອງຈີນຢ່າງຕິດຕິດກັນຫຼາຍປີ. ນັບມາຮອດທ້າຍປີ 2005, ເຂດພັດທະນາໄທຕາອະນຸຍາດຕ່າງປະເທດຕັ້ງວິສາຫະກິດຢູ່ເຂດນັບລວມແລ້ວໄດ້ຫຼາຍກວ່າ 4000 ແຫ່ງ, ການລົງທຶນຂອງວິສາຫະກິດຕ່າງປະເທດນັບລວມແລ້ວໄດ້ບັນລຸ 29 ຕື້ກວ່າໂດລາສະຫະລັດ.
ໃນປີ 1994, ບໍລິສັດໂມໂທໂລຣາ ເຊິ່ງເປັນບໍລິສັດໂທລະຄົມທີ່ມີຊື່ສຽງດົ່ງດັງໃນໂລກໄດ້ຕັ້ງໂຮງຜະລິດໂທລະສັບມືຖືຢູ່ເຂດພັດທະນາໄທຕາ. ທ່ານຢາງໂປນີງ ຜູ່ຮັບຜິດຊອບວຽກໂຄສະນາແລະປະຊາສຳພັນຂອງບໍລິສັດດັ່ງກ່າວສະເໜີຕໍ່ນັກຂ່າວວ່າ, " ຈີນແມ່ນພາກສ່ວນໜຶ່ງທີ່ສຳຄັນຂອງບໍລິສັດໂມໂຕໂລຣາໃນທົ່ວໂລກ. ເມື່ອເບິ່ງຈາກການຕະຫຼາດແລ້ວ, ຈີນເປັນຕະຫຼາດໃຫຍ່ກວ່າໝູ່ໃນປະເທດດຽວ. ນອກນັ້ນ, ໂທລະສັບມືຖືທີ່ຜະລິດຢູ່ເຂດໄທຕາມີສ່ວນໜຶ່ງສະໜອງໃຫ້ຕະຫຼາດຈີນ, ອີກສ່ວນໜຶ່ງສົ່ງອອກຕ່າງປະເທດ. ໂທລະສັບມືຖືໂມໂທໂລຣາທີ່ຜະລິດຢູ່ທີ່ນີ້ໄດ້ຂາຍຢູ່ທຸກແຫ່ງທົ່ວໃນໂລກ. ທຸລະການຂອງບໍລິສັດໂມໂທໂລຣາຢູ່ຈີນມີສອງພາກສ່ວນ, ພາກສ່ວນໜຶ່ງແມ່ນສູນຜະລິດ, ອີກພາກສ່ວນແມ່ນສູນຄົ້ນຄວ້າພັດທະນາ. ໂຄງການຄົ້ນຄວ້າພັດທະນາຂອງພວກຂ້າພະເຈົ້າຈຳນວນຫຼວງຫຼາຍບໍ່ແມ່ນເພື່ອຕະຫຼາດຈີນ, ຫາກແມ່ນສະໜອງຕະຫຼາດທົ່ວໂລກ."
ທ່ານຢາງໂປນີງເວົ້າວ່າ, ໃນໄລຍະຕົ້ນທີ່ບໍລິສັດໂມໂທໂລຣາລົງທຶນຢູ່ຈີນ, ລະດັບການເປີດປະຕູຂອງຈີນຍັງມີຄວາມຈຳກັດຢູ່, ຕໍ່ການລົງທຶນຂອງວິສາຫະກິດຕ່າງປະເທດຍັງມີຄວາມຈຳກັດຫຼາຍ, ໃນເວລານັ້ນ, ເຂດພັດທະນາໄທຕາອະນຸຍາດໃຫ້ບໍລິສັດໂມໂທໂລຣາຕັ້ງວິສາຫະກິດໃນເຂດນັ້ນໄດ້ສະແດງໃຫ້ເຫັນວ່າ, ເຂດພັດທະນາໄທຕາເອົາໃຈໃສ່ນຳທັດສະນະຄະຕິເປີດປະຕູສູ່ພາຍນອກ.
1 2
|
|
|
