|
|
 |
| (GMT+08:00)
2006-05-23 17:16:00
|
 |
|
ເຂດໃໝ່ປິງໄຮນະຄອນທຽນສິນສະແຫວງຫາໃຫ້ການເຕີບໂຕດ້ານເສດຖະກິດກັບສິ່ງແວດລ້ອມຊີວະພາບພັດທະນາຢ່າງກົມກຽວກັນ
cri
Author: huachunmei
ບົນພື້ນຖານທີ່ເຂດພັດທະນາໄທຕາເຕີບໂຕຂະຫຍາຍຕົວຢ່າງບໍ່ຢຸດຢັ້ງນັ້ນ, ຜູ່ວາງແຜນຂອງເຂດໃໝ່ປິງໄຮນະຄອນທຽນສິນໄດ້ເລີ່ມພິຈາລະນາຈະນຳໃຊ້ທ່າແຮງພູມີພາກຂອງທ້ອງຖິ່ນນີ້ຢ່າງເຕັມທີ່ແນວໃດມເພື່ອໃຫ້ມີການພັດທະນາຍິ່ງຫຼາຍ. ເມື່ອເປີດເບິ່ງແຜ່ນທີ່ແລ້ວໄດ້ເຫັນ, ເຂດໃໝ່ປິງໄຮທີ່ພວມສ້າງສາຢູ່ນັ້ນເປັນເຂດຮູບສາຍໂບທີ່ອ້ອມອ່າວໂປຮາຍຈີນ. ໃນເຂດນີ້ມີທ່າກຳປັ່ນທຽນສິງ ເຊິ່ງເປັນທ່າໃຫຍ່ກວ່າໝູ່ຂອງຈີນແລະເຂດປອດພາສີທີ່ສ້າງຕັ້ງຂຶ້ນໃນທ່າກຳປັ່ນທຽນສິງ, ດັ່ງນັ້ນ, ມີເງື່ອນໄຂດີເລີດທີ່ສຸດໃນການພັດທະນາການຂົນສົ່ງເດີນເຮືອແລະການຈໍລະຈອນວັດສະດຸບໍລິການ.
ປັດຈຸບັນ, ເຂດນ້ຳແລະເຂດດິນປົກຂອງທ່າກ່ຳປັ່ນຂອງທຽນສິງມີເນື້ອທີ່ກວ້າງເກືອບ 200 ກິໂລແມັດມົນທົນ, ກ່ຳປັ່ນຂະໜາດ 1 ແສນ 5 ໝື່ນໂຕນສາມາດເຂົ້າອອກທ່າຕະຫຼອດປີ. ໃນຖານເປັນເຂດປອດພາສີທີ່ຂະໜາດໃຫຍ່ກວ່າໝູ່ຢູ່ພາກເໜືອຈີນ, ເຂດປອດພາສີທ່າກ່ຳປັ່ນທຽນສິນໄດ້ດູດດຶງວໍສາຫະກິດຈໍລະຈອນວັດສະດຸບໍລິການທັນສະໄໝແລະວິສາຫະກິດປຸງແຕ່ງສິນຄ້າຫຼວງຫຼາຍມາລົງທຶນ. ນັບມາຮອດທ້າຍປີກາຍນີ້, ເຂດປອດພາສີທ່າກ່ຳປັ່ນທຽນສິນໄດ້ດູດດຶງວິສາຫະກິດຈີນແລະຕ່າງປະເທດ 5700 ກວ່າແຫ່ງເຂົ້າປະຈຳ, ໄດ້ສ້າງເປັນແຫຼ່ງໃຫຍ່ກວ່າໝູ່ຂອງຈີນທີ່ປຸງແຕ່ງສະບຽນອາຫານນ້ຳມັນພືດແລະແຫຼ່ງປຸງແຕ່ງຜະລິດຕະພັນໝາກແລ່ນທີ່ສົ່ງອອກ. ໃນເວລາສຳພາດ, ນັກຂ່າວໄດ້ຊາບວ່າ, ໃນ 5 ປີຂ້າງໜ້ານນີ້, ເຂດໃໝ່ປິງໄຮຈະສືບຕໍ່ຂະຫຍາຍສ້າງທ່າກ່ຳປັ່ນທຽນສິນແລະເຂດປອດພາສີ, ເພີ່ມທະວີສັບພະຄຸນຂອງມັນ. ທ່ານລີວມີງເຕີ ເລຂາຄະນະກຳມະການຄົມມະນາຄົມນະຄອນທຽນສິນເວົ້າວ່າ, " ທ່າກ່ຳປັ່ນທຽນສິນຈະສ້າງທາງເດີນເຮືອນ້ຳເລິກສຳລັບກ່ຳປັ່ນ 2 ແສນ 5 ໝື່ນໂຕນ, ປະລິມານສິນຄ້າເຂົ້າອອກທ່າກ່ຳປັ່ນຈະບັນລຸ 300 ລ້ານໂຕນຂຶ້ນໄປຕໍ່ປີ, ເຮັດໃຫ້ທ່າກ່ຳປັ່ນທຽນສິນກາຍເປັນທ່ານ້ຳເລິກສາກົນທີ່ທັນສະໄໝມີສິ່ງກໍ່ສ້າງອັນກ້າວໜ້າແລະມີສັບພະຄຸນສົມບູນ, ທັງເປັນທ່າກ່ຳປັ່ນຄອນເທເນີທີ່ອ່ວາຍໜ້າໄປອາຊີຕາເວັນອອກສ່ຽງເໜື່ອແລະມີຈຸດປາຍທາງໄປຮອດອາຊີກາງແລະຕາເວັນຕົກ, ຍັງເປັນທ່າປອດພາສີທີ່ມີລະດັບໄຂປະຕູສູງກວ່າໝູ່ໃນພາກເໜືອຈີນ, ເພື່ອເສີມຂະຫຍາຍບົດບາດແກນກາງໃນການສ້າງເຂດໃໝ່ປິງໄຮນະຄອນທຽນສີນເປັນສູນເດີນເຮືອຂົນສົ່ງສາກົນແລະສູນຈໍລະຈອນວັດສະດຸບໍລິການສາກົນໃນພາກເໜືອຈີນ."
ທ່ານຜູ່ຟັງທີ່ໂຄລົບ, ປັດຈະບັນ, ຢູ່ເຂດໃໝ່ປິກໄຮນະຄອນທຽນສິງໄດ້ຈໍ່ຕົວຂຶ້ນຜະລິດຕະກຳທີ່ຖືຂໍ້ມູນຂ່າວສານເອເລັດໂຕຼົກ ການຜະລິດລົດຍົນ ອຸດສາຫະກຳນ້ຳມັນເຊື້ນໄຟແລະເຄມີ ການຫຼອມໂລຫະ ເຕັກນິກຊີວະຊາດກັບຢຸກຢາຍຸກປັດຈຸບັນແລະການບຸກເບີກພະລັງງານໃໝ່ເປັນເສົາຄ້ຳ. ແຕ່ໃນຂະນະເສດຖະກິດເຕີບໂຕຂຶ້ນນັ້ນ, ເຂດໃໝ່ປິງໄຮກໍໄດ້ພິຈາລະນາກຶກກອງບັນຫາເຮັດແນວໃດຈື່ງສາມາດເຮັດໃຫ້ເສດຖະກິດກັບສັງຄົມແລະສິ່ງແວດລ້ອມພັດທະນາຢ່າງກົມກຽວກັນ. ການພັດທະນາໂຄງການອະນຸລັກສິ່ງແວດລ້ອມຕ່າງໆ ຄື, ການຫຼອມເຫຼັກກ້າເສດແລະການຊຳລະຂີ້ເຫຍື້ອອຸດສາຫະກຳໂດຍປອດສານເປັນຕົ້ນໄດ້ຮັບການສະໜັບສະໝູນຈາກຝ່າຍຕ່າງໆຢູ່ເຂດໃໝ່ປິງໄຮ. ປັດຈຸບັນ, ດິນທາມ 500 ກວ່າກິໂລແມັດມົນທົນໃນເຂດໃໝ່ປິງໄຮໄດ້ຮັບການອະນຸລັກຢ່າງບັງເກີດຜົນ, ອັດຕາປູກໄມ້ໄດ້ 35% ຂອງທົ່ວເຂດ, ທາດນ້ຳຫຼັງຈາກຊຳລະຈາກນ້ຳເສຍນັ້ນໄດ້ສູງກວ່າມາດຕະຖານຂອງນ້ຳກິນ. ການສິ້ນເປຶອງພະລັງງານຂອງເຂດໃໝ່ປິງໄຮທີ່ໄລ່ຕາມ GDP ຕໍ່ໝື່ນໄວນພຽງແຕ່ແມ່ນໜຶ່ງສ່ວນສິບຂອງທົ່ວປະເທດຈີນ.
ໃນເວລາສຳພາດຢູ່ບໍລິສັດອຸດສາຫະກຳນ້ຳມັນເຊື້ອໄຟເຄມີຫຸ່ນສ່ວນຈຳກັດສາຂາທຽນສິນຈີນ, ນັກຂ່າວປະກົດເຫັນວ່າ, ມັ່ງໂອງແລະນົກຍູງຍ່າງໄປຍ່າງມາຢ່າງສະບາຍຢູ່ໃນສວນດອກໄມ້ຂອງວໍສາຫະກິດອຸດສາຫະກຳໜັກນີ້, ໄມ້ຈິງ ໄມ້ພຸ່ມ ດອກໄມ້ແລະທິວທັດສວນຕ່າງໆມີໝົດທຸກຢ່າງ. ທ່ານເຈີ້ນວ້ານຈຸນ ຜູ່ຮັບຜິດຊອບບໍລິສັດສະເໜີວ່າ, ບໍລິສັດອຸດສາຫະກຳນ້ຳມັນເຊື້ອໄຟແລະເຄມີທຽນສິນສຸດທີ່ເອົາໃຈໃສ່ນຳການຫຼຸດຜ່ອນຜົນຮ້າຍຂອງການຜະລິດທີ່ມີຕໍ່ສິ່ງແວດລ້ອມ. ທ່ານເວົ້າວ່າ, " ພວກຂ້າພະເຈົ້າປູກຕົ້ນໄມ້ຕົ້ນຫຍ້າປູກດອກໄມ້, ປົວແປງອາກາດໃຫ້ດີຂຶ້ນ, ອີກອັນໜຶ່ງກໍແມ່ນຊຳລະສິ່ງເຊື່ອມພິດ, ເຊັ່ນ, ຊຳລະນ້ຳໂສໂຄກກ່ອນການລະບາຍ, ໂຮງງານພວກເຮົາຊຳລະກ່ອນ, ແລ້ວຈິ່ງລະບາຍເຂົ້າໂຮງງານຊຳລະນ້ຳພິເສດຂອງໂຮງງານແມ່, ເມື່ອໄດ້ມາດຕະຖານລະດັບຊາດແລ້ວຈື່ງລະບາຍເຂົ້າໃນແມ່ນ້ຳ."
ເຈົ້າໜ້າທີ່ຄະນະກຳມະການຄຸ້ມຄອງເຂດໃໝ່ປິງໄຮທຽນສິນບອກນັກຂ່າວວ່າ, ຕໍ່ໄປພາຍໜ້າ, ເຂດໃໝ່ປິງໄຮຈະສືບຕໍ່ເອົາໃຈໃສ່ນຳການພັດທະນາໃນໄລຍະຍາວໄກໃນເວລາການຮັກສາເສດຖະກິດຂະຫຍາຍຕົວອອກຢ່າງປອດໄສ, ຈະວາງແຜນສ້າງສວນຊີວະພາບແລະສ້າງຄຸ້ມເໝາະສົມອາໄສຢູ່.
1 2
|
|
|
