|
ທີ່ນີ້, ວິທະຍຸສາກົນແຫ່ງປະເທດຈີນ. ສະບາຍດີ, ທ່ານຜູ່ຟັງທີ່ຮັກແພງ. ຂ້າພະເຈົ້າແມ່ນດາລາວັນ, ດີໃຈຫຼາຍທີ່ໄດ້ພົບກັບທ່ານໃນຄ່ຳຄືນອັນດີງາມຂອງວັນອາທິດນີ້. ປັດຈຸບັນ, ຢູ່ຈີນ, ຄຽງຄູ່ກັບລະດູຮ້ອນໄດ້ວຽນມາເຖິງອີກ, ບ່ອນໃດກໍເຫັນຕົ້ນໄມ້ຂຽວງາມ, ບ່ອນໃດກໍມີດອກໄມ້ຫອມ. ຂ້າພະເຈົ້າຍັງຈື່ໄດ້ວ່າ, ໃນຍາມຍັງນ້ອຍເຄີຍໄດ້ເບິ່ງຮູບເງົາກາຕຸນເລື້ອງໜຶ່ງວ່າ, ດອກໄມ້ທຸກຊະນິດລ້ວນແຕ່ມີຄວາມໝາຍຂອງມັນ, ລ້ວນແຕ່ຕາງໜ້າສຽງໃນໃຈຂອງຜູ່ທີ່ມອບດອກໄມ້. ໃນລາຍການນັດພົບໃນວັນອາທິດມື້ນີ້, ພວກເຮົາຈະຈັດເພງປະມວນໜຶ່ງກ່ຽວກັບດອກໄມ້ສູ່ຟັງ, ຫວັງວ່າ, ທ່ານຄົງຈະມັກ.
"ເມື່ອດອກໄມ້ດອກໜຶ່ງບານແລ້ວ, ກໍຈະມີດອກໄມ້ອີກດອກໜຶ່ງຮັກມັກ. ຢູ່ເທີງພູມີດອກໄມ້ເຕັມ, ມີແຕ່ເຈົ້າແມ່ນຄວາມຮັກຂອງຂ້ອຍ. ເຈົ້າເປັນດອກກຸຫຼາບຂອງຂ້ອຍ, ເຈົ້າເປັນຄູ່ຮັກຂອງຂ້ອຍ, ເປັນຄວາມຫ່ວງໃຍຂອງຂ້ອຍ, ເປັນດອກກຸຫຼາບທີ່ຂ້ອຍຮັກຕະຫຼອ ດຊີວິດ……"ເພງໜີຊື້ຫວໍ້ເຕີ່ໄໝກຸ້ຍຮວາ ແປວ່າ"ເຈົ້າເປັນດອກກຸຫຼາບຂອງຂ້ອຍ" ເພງນີ້ຮ້ອງໂດຍທ່ານ ຜາງລອງ ນັກຮ້ອງເພງທາງອິນຕີເນັດ ເຊິ່ງເຫີ່ກັນຮ້ອງໃນທົ່ວປະເທດຈີນໃນຊົ່ວໄລຍະໜຶ່ງ. ຕາມຊາບວ່າ, ເພງນີ້ແມ່ນຂອງຂວັນສູ່ຂໍທີ່ທ່ານຕ້າເພິງ ຜູ່ແຕ່ງມອບໃຫ້ຄູ່ຮັກຂອງຕົນ, ກໍ່ແມ່ນຍ້ອນເພງນີ້ເຮັດໃຫ້ເຂົາສອງຄົນກາຍເປັນຜົວຮັກເມຍແພງ. ນະທີ່ນີ້, ກໍຂໍມອບເພງນີ້ໃຫ້ແກ່ຄູ່ຮັກໝົດທຸກຄົນ, ອວຍພອນໃຫ້ຄູ່ຮັກຈົ່ງກາຍເປັນຜົວແກ້ວເມຍແຫວນ.
ການເຜີຍແຜ່ຂອງອິນເຕີເນັດໄດ້ເຮັດໃຫ້ທ່ານຜາງລອງມີຊື່ສຽງຂຶ້ນ, ສ່ວນເສັ້ນທາງເຂົ້າສູ່ເວທີຂັບຮ້ອງເພງຂອງນາງຈ່າງຊ້າວຮານ ນັກຮ້ອງໄຕ້ຫວັນກໍແມ່ນສະດວກທີ່ສຸດ. ຕໍ່ໄປ, ເຊີນຟັງເພງ ຊຽງຊຸຍໄປເຮີ ດອກໄມ້ລິລີນ້ຳອົບ ທີ່ຂັບຮ້ອງໂດຍນາງຈ່າງຊ້າວຮານ.
1 2
|
