ທ່ານຜູ່ຟັງທີ່ຮັກແພງ, ທີ່ທ່ານຫາກໍຟັງມານັ້ນແມ່ນເພງດອກໄມ້ລິລີນ້ຳອົບ ເພງໃໝ່ທີ່ນາງຈ່າງຊ້າວຮານຂັບຮ້ອງໃນປີນີ້. ເວທີເພງສະໄໝນິຍົມແມ່ນມີເພງໃໝ່ເລື້ອຍໆ. ທີ່ຈິງແລ້ວ, ເພງເກົ່າຈຳນວນໜຶ່ງກໍຍັງຄົງໄດ້ຮັບຄວາມນິຍົມທີ່ສຸດ. ຈັງຫວະມ່ວນໆຂອງເພງເຫຼົ່ານີ້ໄດ້ດັງກ້ອງໃນດວງໃຈຢ່າງບໍ່ເອົາໃຈໃສ່, ເໝືອນດັ່ງເພງດວງໃຈດອກໄມ້ທີ່ຂັບຮ້ອງໂດຍທ່ານໂຈວຮວາຈ້ຽນ.
"ດວງໃຈຂອງດອກໄມ້ເຊື່ອງຢູ່ໃນເກສອນ, ໄດ້ພາດຍາມບານລ້າໆ. ດວງໃຈຂອງເຈົ້າໄດ້ລືມລະດູການ, ບໍ່ເຄີຍໃຫ້ຄົນອື່ນເຂົ້າໃຈງ່າຍໆຈັກເທື່ອ. ເປັນຫຍັງບໍ່ຈູງມືຂອງຂ້ອຍ, ພ້ອມກັນໄປຊົມທິວທັດທີ່ທະເລກັບທ້ອງຟ້າເປັນສີດຽວກັນ. ນ້ຳຂຶ້ນນ້ຳລົງ, ໄດ້ນຳເອົາຄວາມເສົ້າໝອງໃນໂລກມະນຸດໜີໄປ……."
ຢູ່ຈີນ, ປັນຍາຊົນມັກໃຊ້ດອກໄມ້ມາສົມມຸດຜູ່ຍິງ, ມາວາດພາບຄວາມງາມຂອງຜູ່ຍິງ. ເພງ ນຸຍເຢິນຮວາ ຜູ່ຍິງຄືດອກໄມ້ ທີ່ຂັບຮ້ອງໂດຍນາງເມີຍອ້ຽນຟາງ ນັກຮ້ອງຮົງກົງທີ່ເຖິງແກ່ກຳແລ້ວກໍໄດ້ສະທ້ອນສຽງໃນໃຈຂອງຜູ່ຍິງທີ່ງາມເໝືອນດອກໄມ້: "ຜູ່ຍິງຄືດອກໄມ້ທີ່ແກວ່ງໄກວຢູ່ໃນເມືອງຄົນ, ຜູ່ຍິງຄືດອມໄມ້ທີ່ໄກວໂຕ່ງເຕ່ງຕາມລົມຢ່າງອ່ອນໂຍນ. ຢາກໃຫ້ມີມືອ່ອນໂຍນມາລູບຄຳຄວາມຫງ່ວມເຫງົງໃນໃຈຂ້ອຍ. ເມື່ອຮັກແລ້ວຈຶ່ງຮູ້ຮັກກັນຢ່າງເລິກຊຶ້ງ, ເມົາແລ້ວຈຶ່ງຮູ້ເຫຼົ້າປຸກ, ດອກໄມ້ບານແລ້ວຮ່ວງ, ໃນທີ່ສຸດບໍ່ໄດ້ຈົ່ງຫຍັງໄວ້. ວາດສະໜາບໍ່ໄດ້ຢຸດໄວ້, ເໝືອນລົມໃນລະດູບານໃໝ່ພັດຜ່ານມາແລ້ວກໍຜ່ານໄປ, ຜູ່ຍິງຄືດອກໄມ້, ດອກໄມ້ຄືຄວາມໄຝ່ຝັນ……."
ຍາມທີ່ຜ່ານໄປຢ່າງໄວທີ່ສຸດນັ້ນມັກແມ່ນຍາມທີ່ສວຍງາມທີ່ສຸດ. ທ່ານຜູ່ຟັງທີ່ໂຄລົບ, ລາຍການນັດພົບໃນວັນອາທິດພາກນີ້ຈະຂໍລາຈາກທຸກໆທ່ານແລ້ວ. ໃນຕອນມ້ວນທ້າຍລາຍການພາກນີ້, ພວກເຮົາຈະຈັດເພງ ຮວາຢຸ້ນເຢ້ ທີ່ຂັບຮ້ອງໂດຍນາງຈ່າງຊີງຟາງ, ດີໃຈຫຼາຍທີ່ໃນລາຕີອັນສວຍງາມນີ້ມີທ່ານຜູ່ຟັງຢູ່ນຳກັນກັບຂ້າພະເຈົ້າ, ຂອບໃຈທ່ານທີ່ຮັບຟັງ, ພົບກັນໃຫມ່ໃນລາຍການຫນ້າ, ສະບາຍດີ.
1 2
|
