|
|
 |
| (GMT+08:00)
2006-05-24 17:09:53
|
 |
|
ທ່ານໝານເວີນຈູ່ນກັບເພງຂອງທ່ານ(ສຽງ)
cri
Author: shuo
|
 ທ່ານໝານເວີນຈູ່ນແມ່ນນັກຮ້ອງທີ່ມີກຳລັງຕົວຈິງບົນເວທີເພງສະໄໝຂອງຈີນ, ສຽງຂອງທ່ານເປັນສຽງທຸ້ມ, ເວລາຮ້ອງເພງ, ມີອາລົມຈິດອັນຊາບເຊິ່ງທີ່ສຸດ, ໄດ້ຮັບຄວາມນິຍົມກັນຫລາຍຈາກແຟງເພງ. ຫວ່າງບໍ່ດົນນີ້, ທ່ານໄດ້ອັດແຜ່ນCDສ່ວນຕົວແຜ່ນທີ 5 ທີ່ໃຫ້ຊື່ວ່າ: ລະດູການທີ່ມັກຄິດຮອດ, ໄດ້ຮັບຄວາມຍ້ອງຍໍໂດຍທົ່ວໄປ. ໃນລາຍການມື້ນີ້, ຂ້າພະເຈົ້າຈະແນະນຳທ່ານໝານເວີນຈູ່ນກັບເພງຂອງທ່ານສູ່ຟັງ.
ເມື່ອເວົ້າເຖິງທ່ານໝານເວີນຈູ່ນ, ແຟນເພງທັງຫລາຍອາດຈະຄິດເຖິງເພງ"Dongni" ເຂົ້າໃຈເຈົ້າ ເຊິ່ງເປັນເພງທີ່ເຮັດໃຫ້ທ່ານຂຶ້ນຊື່ລືນາມ. ເພງນີ້ແມ່ນເພງທີ່ສະແດງໃຫ້ເຫັນຄວາມຮັກຕໍ່ພໍ່ແມ່. ຄົນຈີນມັກເຊື່ອງອາລົມຂອງຕົນບໍ່ສູ້ອອກປາກເວົ້າວ່າ"ຕົນຮັກພໍ່ແມ່". ເນື້ອເພງມີຢູ່ວ່າ: ປີແລ້ວປີອີກ, ຄວາມລຳບາກໃນຊີວິດ, ເຮັດໃຫ້ຮອຍຍິ້ມຈາງຫາຍ, ຄວາມງ່ວມເຫງົາຂອງແມ່ຈະມີໃຜຮູ້ນຳ. ລະດູບານໃໝ່ຜ່ານໄປ, ລະດູໃບໄມ້ຫຼົ່ນວຽນມາ, ຄວາມຮັກຂອງແມ່ໄດ້ງຽບລົງແລ້ວ, ແມ່ເອົາຄວາມຮັກທັງໝົດໃຫ້ແກ່ລູກ, ແມ່ເອົາໂລກນີ້ໃຫ້ແກ່ລູກ, ຈັ່ງແມ່ນຢາກເຂົ້າໃກ້ຊິດກັບແມ່, ບອກແມ່ວ່າ, ທີ່ຈິງແລ້ວ, ລູກເຂົ້າໃຈແມ່ຕະຫລອດ.
ປີ 1998, ເພງ"ເຂົ້າໃຈເຈົ້າ"ໄດ້ນິຍົມກັນຢູ່ທົ່ວປະເທດຈີນ, ຍ້ອນຮ້ອງເພງນີ, ທ່ານໝານເວີນຈູ່ນກໍຂຶ້ນຊື່ລືນາມຢ່າງໄວວາ, ແລະໄດ້ຮັບລາງວັນຫລາຍຢ່າງຂອງສື່ມວນຊົນແຫ່ງ ຕ່າງໆ. ສຽງເພງອັນຈິງໃຈແຕ່ກະຕືລືລົ້ນຂອງທ່ານໄດ້ສ້າງພາບປະທັບໃຈອັນເລິກເຊິ່ງໃວ້ກັບແຟນເພງທັງຫລາຍ, ວາດຊົງທີ່ແຈ່ມໃສ ແລະຈິງໃຈກໍໄດ້ຮັບຄວາມນິຍົມຈາກຜູ້ຟັງອາຍຸຕ່າງກັນ.
ຫຼັງຈາກເພງ"ເຂົ້າໃຈເຈົ້າ"ແລ້ວ, ທ່ານໝານເວີນຈູ່ນໄດ້ເຂົ້າຮ່ວມບໍລິສັດແຜ່ນສຽງສາກົນເຈິ້ງຕ້າ, ປີ 1999 ທ່ານໄດ້ອັດແຜ່ນCDສ່ວນຕົວແຜ່ນທີສອງທີ່ໃຫ້ຊື່ວ່າ"Wangxiang" ຈ້ອງມອງບ້ານເກີດ, ເພງໃນນັ້ນໄດ້ຮັກສາທຳນອງຫວນຄຶດອະດີດຕະການແບບລຽບໆ. ເພງ"Wangxiang" ຈ້ອງມອງບ້ານເກີດ ໃນCDແຜ່ນນີ້ ກໍຄືກັບເພງ"ເຂົ້າໃຈເຈົ້າ"ນັ້ນ, ໄດ້ເຜີຍແຜ່ກັນຢ່າງວ່ອງໄວ. ເພງນີ້ກໍໄດ້ສະແດງໃຫ້ເຫັນອາລົມເລິກເຊິ່ງຂອງທ່ານໝານເວີນຈູ່ນທີ່ມີຕໍ່ພໍ່ແມ່ຢູ່ບ້ານເກີດໃນຊົນນະບົດ.
ເນື້ອເພງມີຢູ່ວ່າ: ຍ່າງເລາະຕາມແຄມແມ່ນ້ຳໃນຍາມຕາເວັນຄ້ອຍຄ່ຳ, ແຫງນຄໍເບິ່ງທ້ອງຟ້າ, ຄວັນຄີໄຟປິວມາ, ເຮັດໃຫ້ຂ້າຍິ່ງຄິດຮອດບ້ານ, ຄິດຮອດບ້ານແຕ່ເຊົ້າເທົ້າຄ່ຳ, ແມ່ນ້ຳທີ່ໃສສະອາດກໍແມ່ນນ້ຳຕາຂອງຂ້າທີ່ໄຫຼຫຼັ່ງ.
1 2
|
|
|
