|
|
 |
| (GMT+08:00)
2006-05-24 17:09:53
|
 |
|
ທ່ານໝານເວີນຈູ່ນກັບເພງຂອງທ່ານ(ສຽງ)
cri
Author: shuo
 ຫລັງຈາກແຜ່ນCD"Wangxiang" ຈ້ອງມອງບ້ານເກີດແລ້ວ, ທ່ານໝານເວີນຈູ່ນໄດ້ຍ້າຍໄປເຮັດວຽກຢູ່ບໍລີສັດແຜ່ນສຽງໂຊນີ. ເພື່ອອາໄສກຳລັງຂອງບໍລິສັດດັ່ງກ່າວ, ສ້າງຕົນເອງໃຫ້ເປັນນັກຮ້ອງທີ່ມີລະດັບສາກົນ, ໃຫ້ມີຄົນຟັງເພງຂອງຕົນຫລາຍກວ່າເກົ່າ. ແຕ່ວ່າ, ອາດຈະແມ່ນຍ້ອນເບົ້າແບບສາກົນບໍ່ເໝາະກັບທ່ານໝານເວີນຈູ່ນທີ່ຊຳນານຮ້ອງເພງບ້ານເກີດຫລາຍກວ່າ. ເມື່ອຮອດປີ 2002, ທ່ານໄດ້ອັດແຜ່ນCDອີກສອງແຜ່ນທີ່ຊື່ວ່າ"ຄວາມຮັກບໍ່ມີຂອບເຂດ"ແລະ"ຂ້ອຍຕ້ອງການເຈົ້າ", ແຕ່ຜົນງານທຳມະດາ. ແຟນເພງຍັງຕິດໃຈນຳທຳນອງເພງລູກທຸ້ງຂອງທ່ານໝານເວີນຈູ່ນຫລາຍກວ່າ. ແຕ່ວ່າ, ຄຸນນະພາບຂອງCDສອງແຜ່ນນີ້ແມ່ນດີສົມຄວນ, ໃນນັ້ນ, ມີຫລາຍເພງຍັງຈ່ອງເອົາແຟນເພງໃຫ້ທ່ານໄດ້ຢູ່.
ທີ່ທ່ານພວມຟັງຢູ່ນີ້ແມ່ນເພງ"Aiwujie" ຄວາມຮັກບໍ່ມີຂອບເຂດ. ເນື້ອເພງມີຄວາມໝາຍວ່າ: ຂ້ອຍຢາກບັງລົມກັນຝົນໃຫ້ເຈົ້າສຸດຊົ່ວຊີວິດ, ເພື່ອເຈົ້າ, ຂ້ອຍຍິນຍອມສະຫຼະໝົດທຸກສິ່ງທຸກຢ່າງຂອງຂ້ອຍ. ຈິດໃຈຂອງຂ້ອຍ, ດຽວນີ້ເຈົ້າຍັງບໍ່ເຂົ້າໃຈດອກ, ແຕ່ມື້ໃດມື້ໜຶ່ງ, ເຈົ້າຫາກຈະຮູ້, ຄວາມຮັກບໍ່ມີຂອບເຂດ.
ພາຍຫລັງອັດCDແຜ່ນທີ 4 ແລ້ວ, ທ່ານໝານເວີນຈູ່ນປີບໍ່ໄດ້ສະເໜີເພງໃໝ່ ສອງປີ. ທີ່ຈິງແລ້ວ, ໃນສອງປີນີ້, ທ່ານໝານເວີນຈູ່ນໄດ້ອັດເພງໃໝ່ຢູ່ບໍ່ໄດ້ເຊົາ, ແຕ່ຍ້ອນມີຄວາມເຫັນຕ່າງກັນກັບຜູ້ຜະລິດ, ຈຶ່ງຕ້ອງຢຸດສະງັກ. ພາຍລຸນມາ, ຍ້ອນມີທ່ານລີວທຽນຈ້ຽນ ຜູ້ຜະລິດດົນຕີທີ່ມີຊື່ສຽງຂອງໄຕ້ຫວັນຈີນເຂົ້າຮ່ວມຄະນະ, ຈຶ່ງໄດ້ຈັດແຜ່ນCDໃໝ່ທີ່ໃຊ້ເວລາສອງປີ. ທ່ານໝານເວີນຈູ່ນພໍໃຈທີ່ສຸດນຳເພງທັງໝົດ 10 ເພງໃນCDແຜ່ນໃໝ່ນີ້, ທ່ານເຫັນວ່າ, ເພງເຫຼົ່ານີ້ໄດ້ເສີມຂະຫຍາຍລັກສະນະພິເສດຂອງສຽງຕົນເອງຢ່າງເຕັມສ່ວນ. ມ່ວນແລະຟັງບໍ່ເບື່ອ.
ຕໍ່ໄປເຊີນຟັງເພງZaihuiba ລາກ່ອນ ເພງເອກໃນແຜ່ນCDໃໝ່"ລະດູການທີ່ມັກຄິດຮອດ"ຂອງທ່ານໝານເວີນຈູ່ນ, ເພງນີ້ທຳນອງມ່ວນອອນຊອນ, ເລົ່າຄວາມຮັກແພງກັນລະຫວ່າງໝູ່ເພື່ອນແລະຍາດພີ່ນ້ອງ, ເນື້ອເພງມີຄວາມໝາຍວ່າ, ໃນຫ້ອງຮຽນ ເຄື່ອງເສບພວມເສບເພງນີ້ຢູ່, ນີ້ແມ່ນໂມງຮຽນສຸດທ້າຍ. ທີ່ຈິງເຮົາໄດ້ນັດພົບກັນອີກໃນມື້ອື່ນ, ແຕ່ເຈົ້າກັບຂ້ອຍໄດ້ຂາດການຕິດຕໍ່ກັນ. ລາກ່ອນ, ຍົກຈອກດື່ມແລ້ວຈຶ່ງອອກເດີນທາງ. ເລື່ອງອະດີດ, ຫວນຄຶດເທື່ອໃດ, ກໍຍັງຮູ້ສຶກອົບອຸ່ນຢູ່.
ໃນຫລາຍປີມານີ້, ທ່ານໝານເວີນຈູ່ນໄດ້ຍຶດໝັ້ນທຳນອງທີ່ປອດໃສ ຈິງໃຈແລະຊື່ສັດ. ເພງຂອງທ່ານມີຄວາມຈູບຈ້າວຫ້າວຫັນ, ເຕັມໄປດ້ວຍຄວາມລະມ່ອມລະໄມ. ທ່ານໝານເວີນຈູ່ນເວົ້າວ່າ, ໃນເພງຂອງທ່ານ, ມີຄວາມຮັກແພງຕໍ່ຍາດພີ່ນ້ອງ ຄວາມຮັກຕໍ່ໝູ່ເພື່ອນແລະຄວາມຮັກຕໍ່ຄູ່ຮັກ.
ມ້ວນທ້າຍລາຍການມື້ນີ້, ເຊີນຟັງເພງໃນແຜ່ນCDໃໝ່ຂອງທ່ານໝານເວີນຈູ່ນທີ່ຊື່ວ່າ"Men" ແປວ່າ"ປະຕູ". ເຊິ່ງເປັນເພງທີ່ທ່ານເອງມັກທີ່ສຸດ. ເພງນີ້ໄດ້ເລົ່າຄວາມຮັກຄວາມຊັງໃນເມືອງຄົນ. ເນື້ອເພງມີຢູ່ວ່າ: ຄວາມຮັກເລິກພຽງໃດ, ຄວາມຊັງເລິກພຽງນັ້ນ, ລະຫວ່າງຄວາມຮັກກັບຄວາມຊັງຫ່າງຈາກກັນຈັກປະຕູ? ຄວາມຈິງໃຈໃນຊີວິດ, ມີໃຜແດ່ທີ່ຖະໜອມໄວ້ໄດ້.
1 2
|
|
|
