|
|
 |
| (GMT+08:00)
2006-05-25 12:04:19
|
 |
|
ກິນເຂົ້າໜົມຈີບຢູ່ເມືອງໄຄ່ເຟີ່ງ
cri
Author: da
|
ເມືອງໄຄ່ເຟີ່ງແຂວງເຫີນານພາກກາງຂອງຈີນແມ່ນເມືອງວັດທະນະທຳທີ່ມີຊື່ສຽງ,ປະຫວັດສາດຍາວນານກໍໄດ້ສ້າງວັດທະນະທຳອາຫານການກິນທີ່ມີເອກະລັກພິເສດໃຫ້ແກ່ເມືອງນີ້.
ແຂກທ່ອງທ່ຽວທີ່ເຄີຍໄປທ່ຽວເມືອງໄຄ່ເຟີ່ງ,ລ້ວນແຕ່ມັກໄປກິນກະລາເປົ໋າໃສ່ແກງ.ນີ້ແມ່ນອາຫານທີ່ມີຊື່ສຽງທີ່ສຸດຂອງເມືອງໄຄ່ເຟີ່ງ,ຕາມເລົ່າລືກັນວ່າ,ປະຫວັດຂອງກະລາເປົ໋າໃສ່ແກງສາມາດຫວນຄືນໄປຮອດລາຊະວົງຊົ້ງເມື່ອພັນປີກ່ອນ.ຈຸດພິເສດຂອງກະລາເປົ໋າໃສ່ແກງໃນບໍ່ພຽງແຕ່ມີຊີ້ນສັບຢູ່ໃນເທົ່ານັ້ນ,ແຕ່ຍັງມີນ້ຳແກງອີກ.ໄທເມືອງໄຄ່ເຟີ່ງມັກໃສ່ຊີ້ນຂາໝູສົດຂາຫຼັງ,ແລ້ວໃສ່ເຄື່ອງປຸງຫຼາຍສິບຊະນິດ,ຄົນຫຼາຍເທື່ອ,ຈິ່ງເຮັດເປັນໄສ້ຊີ້ນກະລາເປົ໋າ.ຢູ່ໃນໄສ້ຊະນິດນີ້ມີທາດນ້ຳຫຼາຍ,ເມື່ອກະລາເປົ໋າໜຶ້ງສຸກແລ້ວ ຢູ່ໃນໄສ້ຈະມີນ້ຳແກງຫຼາຍ,ຜູ້ທີ່ບໍ່ເຄີຍກິນກະລາເປົ໋າຊະນິດນີ້ ຖ້າບໍ່ລະວັງ ນ້ຳແກງຈະໄຫຼຕິດເສື້ອ.
ທີ່ຈິງແລ້ວ,ການກິນກະລາເປົ໋າໃສ່ແກງແມ່ນມີເຄັດລັບ,ທ່ານນາງລິວເພີຍເຈີ່ງ ຜູ້ອຳນວຍການຮ້ານຂາຍກະລາເປົ໋າຕະກູນຫວງທີ່ຂາຍກະລາເປົ໋າໃສ່ແກງໂດຍຈຳເພາະເວົ້າວ່າ,ກິນກະລາເປົ໋າຊະນິດນີ້ຕ້ອງເປີດປ່ອງຢ້ຽມກ່ອນແລ້ວຈິ່ງກິນນ້ຳແກງ.ນາງເວົ້າວ່າ:
"ເປີດປ່ອງຢ້ຽມກ່ອນ,ໝາຍຄວາມວ່າກັດກະລາເປົ໋າຄຳນ້ອຍໆກ່ອນ,ແລ້ວຖອກນ້ຳແກງອອກໃສ່ບ່ວງ,ກິນແກງກ່ອນ,ແລ້ວຈິ່ງກິນກະລາເປົ໋າ.ທຳມະດາແລ້ວ,ພວກເຮົາມັກໃສ່ນ້ຳສົມຫຼືແຈ່ວໝາກເຜັດກິນນຳກັນ,ຈະແຊບກວ່າ."
ທ່ານນາງລິວເພີຍເຈີ່ງເວົ້າວ່າ,ກະລາເປົ໋າໃສ່ແກງເມືອງໄຄ່ເຟີ່ງຍັງພິຖີພິຖັນນຳຮູບນອກທີ່ສຸດ.ກະລາເປົ໋າຊະນິດນີ້ ທຳມະດາຕ້ອງມີຮອຍພັບ 22 ຫາ 24 ພັບ,ເບິ່ງຄືດອກເບັນຈະມາດ.
 ຢູ່ເມືອງໄຄ່ເຟີ່ງ,ຮ້ານກະລາເປົ໋າທີ່ມີຊື່ສຽງທີ່ສຸດມີສອງຮ້ານ,ຮ້ານກະລາເປົ໋າຕະກູນຫວງແມ່ນຮ້ານໜຶ່ງ,ອີກຮ້ານໜຶ່ງເອີ້ນວ່າ"ຮ້ານກະລາເປົ໋າຫໍທີໜຶ່ງ",ເຈົ້າຂອງຮ້ານກະລາເປົ໋າສອງຮ້ານນີ້ລ້ວນແຕ່ເປັນລູກສິດຂອງທ່ານຮວງຈີ້ຊ້ານ,ເພິ່ນແມ່ນປະຖົມມາຈານຂອງກະລາເປົ໋າເມືອງໄຄ່ເຟີ່ງສະໄໝມໍ່.ເວົ້າລວມແລ້ວ,ຮ້ານກະລາເປົ໋າຫໍທີໜຶ່ງມີຊື່ສຽງຫຼາຍກວ່າ,ແຕ່ຮ້ານກະລາເປົ໋າຕະກູນຫວງລາຄາຖືກກວ່າ.
ຖ້າທ່ານມາຊີມກະລາເປົ໋າເມືອງໄຄ່ເຟີ່ງໂດຍຈຳເພາະ,ດີທີ່ສຸດແມ່ນມາໃນຍາມເດືອນກັນຍາ,ເພາະວ່າ ໃນຍາມນັ້ນ,ທ່ານຈະໄດ້ຊີມກະລາເປົ໋າດອກເບັນຈະມາດທີ່ມີເອກະລັກພິເສດ,ໃນໃສ້ຂອງກະລາເປົ໋າຊະນິດນີ້ໄດ້ໃສ່ກີບດອກເບັນຈະມາດ,ເວລາກິນຈະມີກິ່ນຫອມເຕັມປາກ.
1 2
|
|
|
