|
|
 |
| (GMT+08:00)
2006-05-28 20:45:35
|
 |
|
ປະຊາຄົມໂລກສະໜອງຄວາມຊ່ອຍເຫຼືອມະນຸດສະທຳດ່ວນໃຫ້ຊາວອິນໂດເນເຊຍທີ່ປະສົບໄພແຜ່ນດິນໄຫວ
cri
Author: da
|
ຕາມຂ່າວCRI:ເວລາ 5 ໂມງ 53 ນາທີຕອນເຊົ້າວັນທີ 27 ພຶດສະພາ ຢູ່ເຂດໂຢກຢາກາຕາແຂວງຊາວາກາງຂອງອິນໂດເນເຊຍໄດ້ເກີດແຜ່ນດິນໄຫວຂັ້ນ 5,9 ລິກເທີ,ປະຈຸບັນມີ 3ພັນກວ່າຄົນເສຍຊີວິດ,ຫຼາຍພັນຄົນບາດເຈັບ.ປະຊາຄົມໂລກເອົາໃຈໃສ່ນຳໄພແຜ່ນດິນໄຫວຢ່າງກວ້າງຂວາງ,ປະເທດແລະອົງການຈັດຕັ້ງສາກົນຈຳນວນໜຶ່ງພາກັນສະໜອງຄວາມຊ່ອຍເຫຼືອໃຫ້ແກ່ຊາວປະສົບໄພ.
ແຜ່ນດິນໄຫວໄດ້ທຳລາຍເຮືອນຢູ່ແລະສິ່ງກໍ່ສ້າງຕ່າງໆຈຳນວນຫຼວງຫຼາຍຢູ່ແຫ່ງນັ້ນ,ໂທລະຄົມແລະໄຟຟ້າຂອງເມືອງໂຢກຢາກາຕາແລະເຂດອ້ອມຂາດສະບັ້ນໄປສ່ວນໜຶ່ງ.ຫຼັງຈາກເກີດແຜ່ນດິນໄຫວແລ້ວ,ທ່ານຊູຊີໂລປະທານາທິບໍດີອິນໂດເນເຊຍໄດ້ກ່າວຄຳປາໄສໃນທັນທີ ຢື້ຢາມຖາມຂ່າວປະຊາຊົນຜູ້ປະສົບໄພ,ທັງໄດ້ໄປເຂດປະສົບໄພໂດຍດ່ວນໃນຕອນບ່າຍມື້ດຽວກັນ,ຖາມຂ່າວປວງຊົນຜູ້ປະສົບໄພແລະຜູ້ບາດເຈັບ,ຈັດວາງວຽກງານກູ້ໄພ.
ມື້ດຽວກັນ ທ່ານອານນານ ເລຂາທິການໃຫຍ່ສະຫະປະຊາຊາດໄດ້ສະແດງຄວາມໄວ້ອາໄລແລະຢື້ຢາມຖາມຂ່າວຕໍ່ຊາວອິນໂດເນເຊຍຜູ້ເສຍຊີວິດໃນໄພແຜ່ນດິນໄຫວແລະຄອບຄົວຂອງເຂົາເຈົ້າ,ແລະກ່າວສະແດງວ່າ ອົງການຮັບຜິດຊອບວຽກງານການຕີລາຄາແລະປະສານງານໄພພິບັດຂອງອົງການສະຫະປະຊາຊາດໄດ້ກະກຽມພ້ອມເປັນຢ່າງດີແລ້ວ,ຈະສະໜອງຄວາມຊ່ອຍເຫຼືອທາງມະນຸດສະທຳໃຫ້ແກ່ເຂດປະສົບໄພອິນໂດເນເຊຍ.
1 2
|
|
|
