|
|
 |
| (GMT+08:00)
2006-05-28 20:45:35
|
 |
|
ປະຊາຄົມໂລກສະໜອງຄວາມຊ່ອຍເຫຼືອມະນຸດສະທຳດ່ວນໃຫ້ຊາວອິນໂດເນເຊຍທີ່ປະສົບໄພແຜ່ນດິນໄຫວ
cri
Author: da
ມື້ດຽວກັນ,ຄະນະກຳມາທິການສະຫະພາບເອີລົບປະກາດວ່າ,ຈະສະໜອງຄວາມຊ່ອຍເຫຼືອດ່ວນ3 ລ້ານເອີໂລໃຫ້ອິນໂດເນເຊຍ,ຊ່ອຍເຫຼືອອິນໂດເນເຊຍກູ້ໄພ.
ມູນນິທິເດັກນ້ອຍສະຫະປະຊາຊາດໄດ້ອອກຖະແຫຼງການກ່າວວ່າ,ອົງການນີ້ຈະຂົນສົ່ງວັດສະດຸກູ້ໄພງວດໜຶ່ງໄປເຂດປະສົບໄພຂອງອິນໂດເນເຊຍ,ໃນນັ້ນມີຕູບຜ້າເຕັນ ຜ້າກັນນ້ຳ ໂຄມໄຟສຸກເສີນແລະຫີບນ້ຳເປັນຕົ້ນ.
ອົງການສະພາອິສລາມໄດ້ຮຽກຮ້ອງໃຫ້ປະເທດອິສລາມແດ່ມືຊ່ອຍເຫຼືອເຂດປະສົບໄພອິນໂດເນເຊຍ.
ວັນທີ 27 ພຶດສະພາ ທ່ານຫູຈິນທາວປະທານປະເທດຈີນໄດ້ຝາກໂທລະເລກຖາມຂ່າວໄປຍັງທ່ານຊູຊີໂລປະທານາທິບໍດີອິນໂດເນເຊຍ.ລັດຖະບານຈີນຍັງຕົກລົງສະໜອງເງິນສົດ 2 ລ້ານໂດລາໃຫ້ເຂດປະສົບໄພຂອງອິນໂດເນເຊຍໃນທັນທີ.ຝ່າຍຈີນຈະພິຈາລະນາຈັດສົ່ງຜູ້ກູ້ໄພແລະວັດສະດຸຕື່ມອີກໂດຍຕາມສະພາບການຂະຫຍາຍຕົວຂອງເຂດປະສົບໄພ.
ກະຊວງການຕ່າງປະເທດອັງກິດປະກາດວ່າ,ມື້ດຽວກັນ ອັງກິດໄດ້ສົ່ງວັດຖຸກູ້ໄພ 3 ລ້ານປອນໄປໃຫ້ເຂດປະສົບໄພອິນໂດເນເຊຍ.
ອົສຕຼາລີໄດ້ປະກາດສະໜອງຄວາມຊ່ອຍເຫຼືອໂດຍຕົກເປັນເງິນປະມານ 7 ແສນ 5 ໝື່ນໂດລາ,ຖ້າມີຄວາມຈຳເປັນຈະເພີ່ມເຕີມຈຳນວນເງິນຊ່ອຍເຫຼືອອີກ.
ນອກນີ້,ຣັດເຊຍ ອີຕາລີແລະປະເທດອື່ນໆກໍພາກັນກ່າວວ່າ,ຈະສະໜອງຄວາມຊ່ອຍເຫຼືອໃຫ້ເຂດປະສົບໄພອິນໂດເນເຊຍ.ມາເລເຊຍແລະຍີ່ປຸ່ນກໍກ່າວວ່າ,ໄດ້ຕົກລົງແຕ່ງກອງປີ່ນປົວແລະກອງກູ້ໄພໄປເຂດປະສົບໄພອິນໂດເນເຊຍ.
1 2
|
|
|
