|
ປີນີ້ແມ່ນປີໄມຕີຈິດຮ່ວມມືລະຫວ່າງຈີນກັບອາຊຽນ.ສະມາຄົມປະຊາ ຊົນຈີນເພື່ອມິດຕະພາບກັບຕ່າງປະເທດກັບສະມາຄົມຈີນອາຊຽນຈະຈັດການເຄື່ອນໄຫວສະເຫລີມສະຫລອງແລະລະລຶກຢ່າງເປັນລະບົບ.ໃນນັ້ນ, ກໍ່ມີການເຄື່ອນໄຫວຂະຫນາດໃຫຍ່ທີ່ຊື່ວ່າ:ການທ່ອງທ່ຽວມິດ ຕະພາບຈີນອາຊຽນປີ 2006 .
ການທ່ອງທ່ຽວມິດຕະພາບຈີນອາຊຽນປີ 2006 ແມ່ນຫນຶ່ງໃນບັນດາການເຄື່ອນໄຫວລະລຶກຂະຫນາດໃຫຍ່ເພື່ອສະເຫລີມສະຫລອງຈີນອາຊຽນ ສ້າງການພົວພັນຄູ່ຂາສົນທະນາຄົບຮອບ 15 ປີແລະປີໄມຕີຈິດຮ່ວມມືລະຫວ່າງຈີນອາຊຽນ,ເຊິ່ງແມ່ນສະມາຄົມປະຊາຊົນຈີນເພື່ອມິດຕະພາບກັບຕ່າງປະເທດແລະສະມາຄົມຈີນອາຊຽນເປັນຜູ່ລິເລີ່ມ,ແລະຈະດຳເນີນໃນທ້າຍເດືອນຕຸລາປີນີ້,ບຸກຄົນຜູ່ມີໄມຕີຈິດໃນວົງການຕ່າງໆ ນັກຖ່າຍຮູບແລະສິນລະປິນຂອງຈີນຈະຂັບລົດຈາກປັກກິ່ງໄປຫວຽດນາມ ລາວ ມຽນມາ ໄທ ກຳປູເຈຍ ມາເລເຊຍແລະສິງກະໂປ,ໃນກາງທາງຈະຈັດງານວາງສະແດງຮູບຖ່າຍຈີນໃນຊູ່ມື້ນີ້ຢູ່ບັນດາປະເທດ, ສຸດທ້າຍຈະຈັດງານວາງສະແດງຮູບຖ່າຍຂະ ຫນາດໃຫຍ່ທີ່ໃສ່ຊື່ວ່າ:ການທ່ອງທ່ຽວມິດຕະພາບຈີນອາຊຽນຢູ່ສິງກະໂປ.
ໃນເວລາໃຫ້ສຳພາດຕໍ່ນັກຂ່າວວິທະຍຸ CRI,ທ່ານວາງຢຸດເຈີ ຮອງປະທານສະມາຄົມປະຊາຊົນຈີນເພື່ອມິດຕະພາບກັບຕ່າງປະເທດເວົ້າວ່າ:
ອີງຕາມຄວາມຮັບຮູ້ຄືກັນທີ່ກ້າວເຖິງຂັ້ນໃນກອງປະຊຸມສຸດຍອດຈີນອາຊຽນຄັ້ງທີ 9 ໃນປີ 2005 ກ່ຽວກັບຈີນກັບອາຊຽນຈັດການເຄື່ອນໄຫວລະລຶກ ສອງຝ່າຍສ້າງການພົວພັນສົນທະນາຄົບຮອບ 15 ປີໃນປີ 2006 ,ສະມາຄົມປະຊາຊົນຈີນເພື່ອມິດຕະພາບກັບຕ່າງປະເທດກັບສະມາຄົມຈີນອາຊຽນໄດ້ພ້ອມກັນລິເລີ່ມຈັດການທ່ອງທ່ຽວມິດຕະພາບຈີນອາຊຽນ.ຈຸດປະສົງແມ່ນເພື່ອເພີ່ມທະວີການພົວພັນແລະການຮ່ວມມືກັບອົງການບັນດາປະເທດອາຊຽນເພື່ອມິດຕະພາບກັບຈີນ, ຊຸກຍູ້ການພົວພັນມິດຕະພາບລະຫວ່າງຈີນກັບບັນດາປະເທດອາຊຽນ, ຊຸກຍູ້ການພົວພັນຄູ່ຂາຍຸດທະສາດລະຫວ່າງຈີນອາຊຽນຕື່ມອີກ, ເພີ່ມທະວີການຮ່ວມມືໃນພາກພື້ນຈາກຝ່າຍປະຊາຊົນ,ບັນລຸຄວາມຈະເລີນຮຸ່ງເຮືອງພ້ອມກັນຂອງພາກພື້ນແຫ່ງນີ້.
ການຂະຫຍາຍການຮ່ວມມືແລະມິດຕະພາບຖານບ້ານໃກ້ເຮືອນຄຽງກັບບັນດາປະເທດອາຊຽນ, ປົກປັກຮັກສາສະພາບແວດລ້ອມອ້ອມຂ້າງທີ່ຫມັ້ນທ່ຽງ,ແມ່ນນະໂຍບາຍເດັດດ່ຽວຫນຽວແຫນ້ນຂອງລັດຖະບານຈີນ.ໃນ 15 ປີທີ່ຈີນກັບອາຊຽນສ້າງການພົວພັນສົນທະນາກັນ, ການພົວພັນທາງການເມືອງລະຫວ່າງຈີນກັບອາຊຽນນັບມື້ນັບແຫນ້ນແຟ້ນຂຶ້ນ, ການຮ່ວມມືດ້ານເສດ ຖະກິດການຄ້າໄດ້ພັດທະນາລົງສູ່ລວງເລິກ.ຜູ່ນຳຈີນອາຊຽນໄດ້ຢ້ຽມຢາມກັນແລະຕິດຕໍ່ພົວພັນກັນຢ່າງເຫນື່ອງນິດ,ໄດ້ເພີ່ມທະວີຄວາມເຂົ້າໃຈແລະຄວາມໄວ້ເນື້ອເຊື່ອໃຈກັນ, ອັນໄດ້ສ້າງສະພາບແວດລ້ອມການເມືອງທີ່ມີຜົນດີຕໍ່ການຮ່ວມມືຮອບດ້ານ, ຊຸກຍູ້ການພົວພັນລະຫວ່າງຈີນກັບອາຊຽນກ້າວໄປຫນ້າ.ໃນດ້ານເສດຖະກິດ,ຍອດມູນຄ່າການຄ້າລະຫວ່າງຈີນກັບອາຊຽນໄດ້ລື່ນກາຍ 100 ຕື້ໂດລາສະຫະລັດ,ອາຊຽນ ກາຍເປັນຄູ່ການຄ້າໃຫຍ່ທີຫ້າຂອງຈີນ.ປີ 2002, ຈີນອາຊຽນໄດ້ເລີ່ມສ້າງເຂດການຄ້າເສລີຈີນອາຊຽນຢ່າງເປັນທາງການ,ນີ້ເປັນຂີດຫມາຍສະແດງໃຫເຫັນວ່າ,ການຮ່ວມມືດ້ານເສດຖະກິດການຄ້າລະຫວ່າງຈີນກັບອາຊຽນໄດ້ເຂົ້າສູ່ໄລຍະປະຫວັດສາດໃຫມ່ອ່ຽມ,ທັງໄດ້ສ້າງພື້ນຖານອັນຫມັ້ນແກ່ນໃຫ້ແກ່ຈີນກັບອາຊຽນເພີ່ມທະວີການຮ່ວມມືຕື່ມອີກ.ປີ 2003,ຈີນກັບອາຊຽນໄດ້ສ້າງການພົວພັນຄູ່ຂາຍຸດທະສາດທີ່ອ່ວຍຫນ້າໄປສູ່ສັນຕິພາບແລະຄວາມຈະເລີນຮຸ່ງເຮືອງ, ກາຍເປັນຄູ່ຂາຍຸດທະສາດຜູ່ທີຫນຶ່ງຂອງອາຊຽນ, ນີ້ເປັນເຄື່ອງຫມາຍສະແດງໃຫ້ເຫັນວ່າການພົວພັນລະຫວ່າງສອງຝ່າຍໄດ້ກ້າວຂຶ້ນຂັ້ນໃດຫໃມ່.
ການເຄື່ອນໄຫວເທື່ອນີ້ແມ່ນບໍລິສັດທຽນເອີຈີນທ່ອງທ່ຽວສາກົນແລະສະມາຄົມຖ່າຍຮູບສິນລະປະກຳຈີນເປັນຜູ່ຈັດ.ໃນເວລາໃຫ້ສຳພາດຕໍ່ນັກຂ່າວ CRI,ທ່ານໂຈ່ວໂກມິງ ຜູ່ອຳນວຍການໃຫຍ່ຂອງບໍລິສັດທຽນເອີຈີນ ທ່ອງທ່ຽວສາກົນໄດ້ແນະນຳການເຄື່ອນໄຫວເທື່ອນີ້ຢ່າງລະອຽດ.ທ່ານເວົ້າວ່າ:
1 2
|
