|
|
 |
| (GMT+08:00)
2006-05-29 14:55:38
|
 |
|
ຈີນອາຊຽນຈັດການເຄື່ອນໄຫວການທ່ອງທ່ຽວມິດຕະພາບຈີນອາຊຽນເພື່ອລະລຶກຈີນອາຊຽນສ້າງການພົວພັນຄູ່ຂາສົນທະນາຄົບຮອບ 15 ປີ
cri
Author: sayvanny
ການເຄື່ອນໄຫວຈະຈັດພິທີລົດອອກເດີນທາງຢູ່ສະຫນາມຫລວງທຽນອານເມີນປັກກິ່ງໃນເດືອນຕຸລາປີນີ້, ນີ້ແມ່ນຈີນຈັດຕັ້ງກອງລົດແລ່ນຜ່ານທາງ ບົກຂອງເຂດອາຊຽນເປັນຄັ້ງທຳອິດ.ເມື່ອຮອດເວລານັ້ນ, ບຸກຄົນຜູ່ມີໄມຕີຈິດຂອງວົງການຕ່າງໆຈີນຈະປະກອບເປັນກອງລົດ,ຢູ່ບົນເສັ້ນທາງຈະພ້ອມກັບສະຖານທູດຈີນປະຈຳບັນດາປະເທດ ອົງການມິດຕະພາບບັນດາປະເທດແລະອົງການຊາວຈີນຈັດການເຄື່ອນໄຫວໄມຕີຈິດຊະນິດຕ່າງໆຄື ການແລກປ່ຽນໄມຕີຈິດ ການສະແດງສິນລະປະກຳ ງານວາງສະແດງການຄ້າແລະການບໍລິຈາກກຸສົນເປັນຕົ້ນ.
ຕາມຊາບວ່າ, ການເຄື່ອນໄຫວເທື່ອນີ້ຍັງໄດ້ເຊື້ອເຊີນນັກຖ່າຍຮູບແລະນັກສິນລະປິນເຂົ້າຮ່ວມ.ຈະຈັດງານວາງສະແດງຮູບຖ່າຍທີ່ມີຫົວເລື່ອງວ່າຈີນໃນຊູ່ມື້ນີ້ຢູ່ຕາມແຫ່ງຕ່າງໆ.ເພື່ອໃຫ້ປະຊາຊົນບັນດາປະເທດອາຊຽນຮູ້ວັດ ທະນະທຳຈີນຈາກມູງຕ່າງໆ,ພ້ອມກັນນັ້ນກໍ່ນຳເອົາຄວາມສະເຫນຂອງບັນດາປະເທດອາຊຽນມາສະແດງຢູ່ຫນ້າປະຊາຊົນຈີນ.
ກອງລົດໄມຕີຈິດຈະອອກເດີນທາງຈາກປັກກິ່ງ, ຜ່ານດ່ານມິດຕະພາບເຂດກວາງຊີເຂົ້າຫວຽດນາມ, ແລ້ວໄປລາວ ມຽນມາ ໄທ ກຳປູເຈຍ ມາເລເຊຍແລະສິງກະໂປ.ກະວ່າຈະໃຊ້ເວລາ 30 ກວ່າມື້.ວັດຖຸບູຮານແລະມໍລະດົກວັດທະນະທຳບັນດາປະເທດອາຊຽນຕົວຢ່າງຄື ສະຫນາມຫລວງບາດິງຂອງຮາໂນຍ,ເມືອງຫລວງພະບາງທີ່ມີປະຫວັດພັນປີ,ທາດເຊເດີກົງເຢີດີໂຕຂອງມຽນມາ,ອັງກໍວັດຂອງກຳປູເຈຍເປັນຕົ້ນລ້ວນແຕ່ແມ່ນທິວທັດດີສຳລັບໃຫ້ນັກຖ່າຍຮູບ.ກ່ອນການເຄື່ອນໄຫວສິ້ນສຸດລົງ, ຍັງຈະຈັດງານວາງສະແດງຮູບຖ່າຍຂະຫນາດໃຫຍ່ທີ່ໃສ່ຊື່ວ່າ:ການທ່ອງທ່ຽວມິດ ຕະພາບຈີນອາຊຽນຢູ່ສິງກະໂປຢ່າງຟົດຟື້ນ,ເພື່ອວາງສະແດງຮູບຖ່າຍຍອດຢ້ຽມທີ່ນັກຖ່າຍຮູບຖ່າຍຢູ່ຕາມທາງ,ແລະຈະເຊີນຜູ່ນຳຈີນແລະສິງກະໂປພ້ອມກັບນັກການທູດບັນດາປະເທດອາຊຽນປະຈຳສິງກະໂປເຂົ້າຮ່ວມພິທີເປີດງານ,ເພື່ອສະແດງມິດຕະພາບຂອງປະຊາຊົນຈີນທີ່ມີຕໍ່ປະຊາຊົນບັນດາປະເທດອາຊຽນ.
ບັນດາປະເທດອາຊຽນໄດ້ສະຫນັບສະຫນູນການເຄື່ອນໄຫວເທື່ອນີ້ຢ່າງແຂງແຮງ.ທ່ານພູທອງ.ແສງອາຄົມ ຮອງປະທານສະມາຄົມມິດຕະພາບລາວຈີນ ຫົວຫນ້າຄະນະກຳມະການກິລາແຫ່ງຊາດລາວເວົ້າວ່າ:
ເມື່ອ 600 ປີກ່ອນ, ເຈິ້ງເຫີຂອງຈີນໄດ້ເດີນທະເລໄປມະຫາສະຫມຸດອິນເດຍດ້ວຍຄວາມປາຖະຫນາເພີ່ມທະວີການແລກປ່ຽນກັນ, ຊູ່ມື້ນີ້, ກອງລົດມິດຕະພາບຈະສືບຕໍ່ເປີດຫນ້າໃຫມ່ແຫ່ງການຮ່ວມມືແລະການແລກປ່ຽນ,ກໍ່ເຫມືອນກັບທ່ານເສີນຮາວຊູ ປະທານສະມາຄົມປະຊາຊົນເພື່ອມິດຕະພາບກັບຕ່າງປະເທດຈີນເວົ້າວ່າ:
ພວກຂ້າພະເຈົ້າຫວັງວ່າກອງລົດນີ້ແມ່ນທູດແຫ່ງມິດຕະພາບ, ຫວ່ານແນວມິດຕະພາບ,ສົ່ງສຽງມິດຕະພາບ,ນຳເອົາຄວາມຮັກແພງຂອງປະຊາຊົນຈີນສູ່ບ່ອນທີ່ເຂົາເຈົ້າໄປຮອດ,ແລ້ວເກັບເອົາຄວາມຮັກແພງອັນເລິກເຊິ່ງຂອງປະຊາຊົນບັນດາປະເທດອາຊຽນກັບຄືນປະເທດ,ຂຽນຫນ້າໃຫມ່ໃຫ້ການເຄື່ອນໄຫວລະລຶກຂອງຈີນອາຊຽນຢ່າງເປັນລະບົບໃນປີນີ້.
1 2
|
|
|
