|
|
 |
| (GMT+08:00)
2006-05-31 11:06:36
|
 |
|
ຊິມອາຫານໂອຊາຂອງເຜົ່າເກົາຫຼີ
cri
|
ເຜົ່າເກົາຫຼີດຳລົງຊີວິດຢູ່ພາກຕາເວັນອອກສຽງເໜືອຂອງຈີນ,ເຂົາເຈົ້າບໍ່ພຽງ ແຕ່ຊ່າງຟ້ອນລຳທຳເພງເທົ່ານັ້ນ,ຍັງຊ່າງແຕ່ງອາຫານໂອຊາລົດແຊບ.ຂະໜົມຕຳທີ່ເຮັດດ້ວຍຄວາມພຽນໃຈ,ໝີ່ເຢັນທີ່ຖືກປາກ,ອາຫານໂອຊາເຫຼົ່ານີ້ເຮັດໃຫ້ຄົນຈີນ ນ້ຳລາຍເຫີຍ,ບໍ່ພຽງແຕ່ເຜົ່າເກົາຫຼີມັກກິນ,ກໍໄດ້ຮັບຄວາມນິຍົມຊົມຊອບຈາກພີ່ນ້ອງຮ່ວມຊາດເຜົ່າອື່ນໆຂອງຈີນອີກດ້ວຍ.
ການກິນດື່ມຂອງເຜົ່າເກົາຫຼີມີເອກະລັກຂອງຕົນ,ຊາວເຜົ່າເກົາຫຼີຖືອາຫານເຈເປັນຫຼັກ,ມັກອາຫານຈືດຈາງແລະອາຫານເຢັນສະບາຍ.ທ່ານຫວງໂຢວຟູ ສາສະດາຈານມະຫາວິທະຍາໄລຊົນເຜົ່າສູນກາງຈີນແນະນຳວ່າ,ປະຫວັດສາດຂອງເຜົ່າເກົາຫຼີໄດ້ພາໃຫ້ພວກເຂົາເຈົ້າມີຈຸດພິເສດດ້ານການກິນດື່ມດັ່ງກ່າວ:
"ເຜົ່າເກົາຫຼີແມ່ນຊົນເຜົ່າກະສິກຳ,ຕັ້ງແຕ່ສະໄໝບູຮານນັ້ນເຜົ່າເກົາຫຼີກໍປູກເຂົ້າສານແລ້ວ,ສະນັ້ນ,ຄວາມຊີນເຄີຍດ້ານອາຫານການກິນຂອງພວກເຂົາເຈົ້າມີການພົວພັນກັບວັດທະນະທຳເຂົ້າສານ.ຈຸດພິເສດທີ່ພົ້ນເດັ່ນກວ່າໝູ່ຂອງວັດທະນະທຳເຂົ້າສານກໍແມ່ນກິນອາຫານສັດຂ້ອນຂ້າງໜ້ອຍ,ອົງປະກອບພື້ນຖານຂອງອາຫານການກິນແມ່ນອາຫານພືດ,ສະນັ້ນລົດຊາດອ່າວຈາງ."
ກໍຄືດັ່ງທ່ານສາສະດາຈານຫວງໂຢວຟູແນະນຳມານັ້ນແຫຼະ,ຂະໜົມຕຳເປັນ ອາຫານດັ້ງເດີມທີ່ມີຊື່ສຽງກວ່າໝູ່ຂອງເຜົ່າເກົາຫຼີແມ່ນເຮັດດ້ວຍເຂົ້າໜຽວ.ຂະ ໜົມຕຳແມ່ນອາຫານຫຼັກທີ່ຂາດເຂີນບໍ່ໄດ້ທີ່ຊາວເຜົ່າເກົາຫຼີຕ້ອນຮັບແຂກໃນເວລາສະຫຼອງບຸນປະເພນີ,ແລະໃນງານດອງ.ໃນເວລາກິນຂະໜົມຕຳ,ຕ້ອງຈຸ້ມນ້ຳຕານ,ນ້ຳເຜິ້ງ,ກິນແລ້ວຮູ້ສຶກວ່າມີລົດຊາດທັງແຊບທັງຫອມ,ຖືກປາກທີ່ສຸດ.
ໃນຮ້ານອາຫານເຜົ່າເກົາຫຼີແຫ່ງໜຶ່ງຢູ່ປັກກິ່ງ,ພໍ່ຄົວເຜົ່າເກົາຫຼີສອງຄົນພວມອອກແຮງຍົກໄມ້ຕຳເຂົ້າໃນຊາມໄມ້.ນາງຊຸນອິງຊ້ານ ຊາວເຜົ່າເກົາຫຼີບອກນັກຂ່າວວ່າ,ອັນມີຊື່ວ່າຂະໜົມຕຳກໍແມ່ນຍ້ອນວ່າໃຊ້ຄ້ອນໄມ້ຕີທັບຈິ່ງເຮັດສຳເລັດ. ນາງເວົ້າວ່າ,ການເຮັດຂະໜົມຕຳສັບສົນທີ່ສຸດ
"ໃນເວລາເຮັດຂະໜົມຕຳ,ກ່ອນອື່ນຕ້ອງມ່າເຂົ້າໜຽວ,ທຳມະດາແລ້ວຕ້ອງການຫຼາຍຊົ່ວໂມງ.ມ່າເຂົ້າແລ້ວແລ້ວກໍໜຶ້ງເຂົ້າ,ໜຶ້ງແລ້ວເອົາເຂົ້າໜຽວທີ່ຍັງຮ້ອນຢູ່ໃສ່ຊາມ,ໃຊ້ຄ້ອນໄມ້ຕີ.ຕ້ອງອອກແຮງຫຼາຍເພື່ອຕຳເຂົ້າບໍ່ເຫັນເມັດ."
ຂະໜົມຕຳມີປະຫວັດສາດອັນດົນນານ,ມີຖານະສຳຄັນໃນອາຫານການກິນຂອງເຜົ່າເກົາຫຼີ.ມັນບໍ່ພຽງແຕ່ຍ້ອນວ່າຂະໜົມຕຳກິນແຊບ,ຖືກປາກ,ຍິ່ງສຳຄັນກວ່ານັ້ນແມ່ນການເຮັດຂະໜົມຕຳເວົ້າສຳລັບເຜົ່າເກົາຫຼີແລ້ວມີຄວາມໝາຍພິເສດ.ທ່ານນາງວາງພິງ ຫົວໜ້າຫໍພິພິດທະພັນຊົນເຜົ່າຈີນກ່າວວ່າ,ການເຮັດຂະໜົມຕຳໄດ້ສ່ອງແສງໃຫ້ເຫັນຄຸນສົມບັດຂອງເຜົ່າເກົາຫຼີທີ່ເຄົາລົບຜູ່ເຖົ້າແລະຮັກແພງເດັກນ້ອຍ.ນາງເວົ້າວ່າ:
"ໃນເວລາເຮັດຂະໜົມຕຳ,ການຕຳເຂົ້າບາດທຳອິດແມ່ນໃຫ້ຜູ່ເຖົ້າຕຳກ່ອນ,ຂະໜົມຕຳທີ່ສົດໆຮ້ອນໆກໍຕ້ອງໃຫ້ຜູ່ເຖົ້າຊິມກ້ອນທຳອິດ.ຊາວເຜົ່າເກົາຫຼີເຄົາລົບຜູ່ເຖົ້າຜູ່ແກ່ທີ່ສຸດ, ໄດ້ຖືການເຄົາລົບຜູ່ເຖົ້າ,ຮັກແພງເດັກນ້ອຍເປັນຈຸດພິເສດສຳຄັນກວ່າໝູ່ໃນຊີວິດພວກເຂົາເຈົ້າ."
1 2
|
|
|
