|
|
 |
| (GMT+08:00)
2006-06-02 10:19:51
|
 |
|
ຜູ້ຍິງທີ່ຕິດໃຈນຳການກອບກູ້ເສືອ
cri
Author: mo
|
ນາງມີປະສົບການທີ່ບໍ່ທຳມະດາຄື ຮຽນຈົບຈາກມະຫາວິທະຍາໄລປັກກິ່ງໃນປີ 1984 ເຊິ່ງເປັນໂຮງຮຽນຊັ້ນສູງທີ່ມີຊື່ສຽງຂອງຈີນ;ປີ 1989 ໄດ້ຮັບປະລິນຍາ MBA ຂອງສະຖາບັນການຄ້າວໍຕັນທີ່ມີຊື່ສຽງຢູ່ອາເມລິກາ;ປີ 1990,ນາງເປັນເຈົ້າຫນ້າທີ່ກວດກາຮັບຮອງກາຫມາຍທົ່ວໂລກຂອງບໍລິສັດກຸດຊີ ເຊິ່ງເປັນຫຍີ່ຫໍ້ເຄື່ອງນຸ່ງສາກົນທີ່ຊື່ດັງ.ປີ 1998, ສາຍຕາຂອງນາງໄດ້ຫັນໄປສູ່ເສືອໂຄ່ງຈີນທີ່ມໍ່ຈະສູນພັນ,ແລະໄດ້ທຸ່ມເຫື່ອເທແຮງເຂົ້າໃນວຽກງານດ້ານນີ້.ນາງແມ່ນຜູ່ລິເລີ່ມກອງທຶນສາກົນກອບກູ້ເສືອໂຄງຈີນ,ນາງຊື່ວ່າຊວນລີ.
ເມື່ອມາຮອດເຮືອນຂອງນາງຊວນລີ້ທີ່ຕັ້ງຢູ່ຄຸ້ມເຮືອນຢູ່ໂຊໂຮທີ່ພາກຕາເວັນອອກຂອງນະຄອນປັກກິ່ງບ່ອນໃດ, ກໍ່ໄດ້ເຫັນມີຮ່ອງຮອຍຂອງເສືອ: ຮູບພາບເສືອທີ່ຫ້ອຍຢູ່ເທິງຝາ,ຕຸກກະຕາເສືອທີ່ວາງຢູ່ເທິງໂຊຟາ;ປະມວນຮູບພາບແລະປື້ມປະເພດຕ່າງໆກ່ຽວກັບເສືອຢູ່ເທິງຕູ້ໃສ່ປື້ມ,ຈາກສິ່ງເຫລົ່ານີ້ຈະເຫັນໄດ້ວ່ານາງຊວນລີ້ມັກເສືອຫລາຍ.
 ເມື່ອເອີ່ຍເຖິງຫົວຂໍ້ກ່ຽວກັບເສືອ,ນາງທີ່ມີກິລິຍາຄ່ຽມໂຄມແລະມັກຍິ້ມທີ່ນັ່ງຢູ່ຕໍ່ຫນ້ານັກຂ່າວນັ້ນກໍ່ເລີ່ມເວົ້າຢ່າງບໍ່ເຫືອດສົບເຫືອດປາກ.ປັດຈຸບັນ, ນາງຊວນລີ້ໄດ້ທຸ່ມເຫື່ອເທແຮງເຂົ້າໃນພາລະກິດປົກປັກຮັກສາເສືອໂຄ່ງຈີນຢ່າງຫມົດຈິດຫມົດໃຈ, ນອກຈາກແມ່ນຍ້ອນມັກເສືອແລ້ວ,ນາງຍັງເຫັນວ່າການປົກປັກຮັກສາເສືອມີຄວາມຫມາຍສຳຄັນ.ນາງເວົ້າວ່າ:
ເສືອແມ່ນຢູ່ເຫນືອທຸກສິ່ງທຸກຢ່າງໃນສະພາບແວດລ້ອມຊີວະພາບ,ຖືກເອີ້ນເປັນລາຊາຂອງສັດສາວາສິ່ງ.ການກອບກູ້ເສືອກໍ່ເທົ່າກັບໄດ້ກອບກູ້ທົ່ວສະພາບແວດລ້ອມຊີວະຊາດ.ເພາະວ່າເມື່ອເຈົ້າລ້ຽງເສືອໂຕຫນຶ່ງ,ເຈົ້າກໍ່ຕ້ອງມີສັດກິນຫຍ້າ,ເມື່ອລ້ຽງສັດກິນຫຍ້າກໍ່ຕ້ອງມີຫຍ້າ,ມີຫຍ້າແລ້ວກໍ່ຕ້ອງມີນ້ຳ,ມີຕົ້ນໄມ້,ນີ້ກໍ່ແມ່ນລະບົບຊີວະຊາດ.ສະນັ້ນ,ຖ້າພວກເຮົາກອບກູ້ເສືອ,ກໍ່ເທົ່າກັບໄດ້ກອບກູ້ທົ່ວລະບົບຊີວະຊາດ.
ກໍ່ແມ່ນຍ້ອນມີຄວາມຮູ້ສຶກຕໍ່ຫນ້າທີ່ຮັບຜິດຊອບແນວນີ້, ເລີ່ມແຕ່ປີ 1999 ເປັນຕົ້ນມາ,ນາງຊວນລີ້ທີ່ອາໃສຢູ່ຕ່າງປະເທດມາຫລາຍປີໄດ້ເລີ່ມສົນໃຈນຳເສືອ.ຜ່ານຈາກການຕິດຕໍ່ພົວພັນກັບເຈົ້າຫນ້າທີ່ທີ່ກ່ຽວຂ້ອງຂອງກົມປ່າໄມ້ແຫ່ງຊາດຈີນ,ນາງຊວນລີ້ໄດ້ຮູ້ວ່າເສືອພາກໃຕ້ຈີນກໍ່ຄື ເສືອໂຄ່ງຈີນພວມປະເຊີນກັບສະພາວະສູນພັນ.
ເລີ່ມແຕ່ປີ 1980 ເປັນຕົ້ນມາ, ລັດຖະບານຈີນໄດ້ໃຊ້ມາດຕະການຫ້າມລ່າເນື້ອ ສ້າງເຂດສະຫງວນທຳມະຊາດແລະຢຸດຕິການຄ້າກະດູກເສືອເປັນ ຕົ້ນເພື່ອກອບກູ້ເສືອໂຄ່ງຈີນ.ແຕ່ເມື່ອສັງເກດຈາກຜົນສຳຫລວດພາກສະ ຫນາມທີ່ດຳເນີນເປັນລຳດັບນັ້ນເຫັນວ່າ,ແນວພັນຂອງເສືອໂຄ່ງຈີນຍັງຄົງຢູ່ໃນສະພາວະຊຸດໂຊມລົງ,ໃນ 20 ປີມໍ່ໆມານີ້ ບໍ່ເຄີຍໄດ້ເຫັນເສືອໂຄ່ງຈີນຢູ່ໃນປ່າ.ນາງຊວນລີ້ຮູ້ສຶກວ່າ,ແມ່ນຍາມປົກປັກຮັກສາເສືອໂຄ່ງຈີນແລ້ວ.ນາງເວົ້າວ່າ:
ແນວພັນເສືອໂຄງທີ່ມີແຕ່ຢູ່ຈີນນັ້ນພວມຢູ່ໃນສະພາວະສູນພັນ,ຂ້າພະເຈົ້າຮູ້ສຶກວ່າໃນຖານເປັນຄົນຈີນຜູ່ຫນຶ່ງ,ຂ້າພະເຈົ້າຄວນເຮັດວຽກເພື່ອປົກປັກຮັກສາເສືອໂຄ່ງຕາມຄວາມສາມາດຂອງຕົນເອງ.
1 2
|
|
|
