|
|
 |
| (GMT+08:00)
2006-06-02 10:19:51
|
 |
|
ຜູ້ຍິງທີ່ຕິດໃຈນຳການກອບກູ້ເສືອ
cri
Author: mo
ໂດຍມີກົມປ່າໄມ້ແຫ່ງຊາດຈີນສະຫນັບສະຫນູນ,ນາງຊວນລີ້ຕົກລົງລົງທຶນຫນຶ່ງແສນກວ່າດອນລາ,ສ້າງຕັ້ງສະຫະພັນສາກົນກອບກູ້ເສືອໂຄ່ງຈີນຢູ່ລອນດອນແຫ່ງອັງກິດ.ຜ່ານຈາກການກວດກາຢ່າງເຄັ່ງຂັດຂອງຝ່າຍທາງການອັງກິດ, ເດືອນສິງຫາປີ 2000, ກອງທຶນກຸສົນສາກົນກອບກູ້ເສືອໂຄ່ງຈີນໄດ້ຈົດທະບຽບສ້າງຕັ້ງຂຶ້ນຢ່າງເປັນທາງການ, ນີ້ແມ່ນອົງການກອງທຶນກຸສົນສາກົນອົງການທຳອິດໃນໂລກທີ່ປົກປັກຮັກສາເສືອໂຄ່ງຈີນແລະສັດປະເພດແມວຂະຫນາດໃຫຍ່ອື່ນໆຂອງຈີນໂດຍຈຳເພາະ.
ສິ່ງທີ່ເຮັດໃຫ້ນາງຊວນລີ້ຮູ້ສຶກດີໃຈນັ້ນແມ່ນກອງທຶນທີ່ສ້າງຕັ້ງຂຶ້ນເພື່ອປົກປັກຮັກສາເສືອໂຄ່ງຈີນນັ້ນໄດ້ຮັບການສະຫນັບສະຫນູນຂອງຄົນທັງ ຫລາຍຢູ່ແຫ່ງຕ່າງໆທົ່ວໂລກ.ນາງເວົ້າວ່າ:
ມີເທື່ອຫນຶ່ງ, ຂ້າພະເຈົ້າໄດ້ຮັບຈົດຫມາຍສະບັບຫນຶ່ງ,ໃນຈົດຫມາຍມີເງິນ 17,9 ປອນ.ໃນຈົດຫມາຍໄດ້ຂຽນວ່າ,ຂ້ອຍແມ່ນຄົນຊັ້ນຕ່ຳສຸດຂອງອັງກິດ, ຄືເປັນຄົນກວາດຂີ້ເຫຍື້ອ.ແຕ່ລະມື້,ເມື່ອຜູ່ອື່ນເລີກການແລ້ວ,ຂ້ອຍກໍ່ໄປປັດກວາດຂີ້ເຫຍື້ອໃນຫ້ອງການ.ໃນເວລາປັດກວາດ,ຂ້ອຍມັກເກັບໄດ້ ເງິນຫລຽນຈຳນວນຫນຶ່ງ,ເງິນເຫລົ່ານີ້ບໍ່ແມ່ນຂອງຂ້ອຍ, ສະນັ້ນ ຂ້ອຍຂໍ ບໍລິຈາກໃຫ້ອົງການກຸສົນ.ສັດຕ້ອງການເງິນຫລາຍກວ່າຄົນເຮົາ, ເສືອຕ້ອງການເງິນຫລາຍກວ່າສັດອື່ນໆ.
ໃນໂຮງຮຽນຈຳນວນຫນຶ່ງຂອງອັງກິດ,ນັກຮຽນປະຖົມທັງຫລາຍເອົາເຄື່ອງເອ້ທີ່ເຮັດເອງນັ້ນໄປຂາຍແລ້ວບໍລິຈາກເງິນທີ່ໄດ້ນັ້ນໃຫ້ອົງການກອງທຶນ;ຜູ່ອາສາສະຫມັກຢ່າງຫລວງຫລາຍຢູ່ພາຍໃນປະເທດຈີນຍັງຊ່ອຍນາງຊວນລີ້ສ້າງເວັບໄຊ,ແປເອກະສານແລະຈັດຕັ້ງການເຄື່ອນໄຫວຕ່າງໆ…
ອົງການກອງທຶນໄດ້ຮັບການສະຫນັບສະຫນູນຈາກຄົນຢ່າງຫລວງຫລາຍ,ໃນນັ້ນກໍ່ລວມທັງສາມີຂອງນາງ,ຄືທ່ານເບຼ ຄົນອາເມລິກາທີ່ເຮັດວຽກການທະນາຄານຢູ່ອັງກິດ.ນາງຊວນລີ້ບອກນັກຂ່າວວ່າ, ຢາກກອບກູ້ເສືອໂຄ່ງຈີນ,ກ່ອນອື່ນຕ້ອງຝຶກຫັນເສືອໃນສວນສັດໃຫ້ມີຄວາມສາມາດດຳລົງຊີວິດຢູ່ໃນປ່າຄືນໃຫມ່.ສ່ວນເສືອປ່າໂຕຫນຶ່ງຕ້ອງການບໍລິເວນເຄື່ອນໄຫວ 15 ຫາ 1000 ກິໂລຕາແມັດ,ແຜ່ນດິນໃຫຍ່ປານນີ້ແມ່ນຫາຍາກຢູ່ພາຍໃນປະເທດຈີນ.ເພື່ອສະຫນັບສະຫນູນພາລະກິດຂອງນາງຊວນລີ້,ທ່ານເບຼໄດ້ລົງທຶນ 4 ລ້ານດອນລາ,ຊື້ທີ່ດິນ 300 ກວ່າກິໂລຕາແມັດຢູ່ອາຟຼີກາ,ໃຊ້ເປັນແຫລ່ງແຜ່ພັນແລະຝຶກຫັດເສືອໂຄງຈີນ.ປະຈຸບັນ, ເສືອໂຄ່ງຈີນສາມໂຕທີ່ມາຈາກສວນສັດຈີນນັ້ນກຳລັງຮັບການຝຶກຫັດຢູ່ແຫ່ງນັ້ນ.
ທ່ານເບຼ ສາມີຂອງນາງຊວນລີ້ບອກນັກຂ່າວ,ທຳອິດ,ທ່ານກໍ່ບໍ່ເຫັນດີໃຫ້ນາງເຮັດເລື່ອງນີ້,ແຕ່ດຽວນີ້ ເພິ່ນຮູ້ສຶກພາກພູມໃຈນຳພັນລະຍາຂອງຕົນ.ທ່ານເວົ້າວ່າ:
ຂ້າພະເຈົ້າເຫັນວ່າຄວາມພະຍາຍາມຂອງເພິ່ນເຊີດຊູກຳລັງໃຈຄົນທີ່ສຸດ,ນີ້ແມ່ນເລື່ອງທີ່ເພິ່ນເອົາໃຈໃສ່ທີ່ສຸດ, ເພິ່ນກໍ່ໄດ້ເຮັດວຽກເພື່ອເລື່ອງນີ້ຢ່າງບໍ່ຮູ້ອິດຮູ້ເຫມື່ອຍ.ເພິ່ນມີຄວາມຫມັ້ນໃຈຢ່າງເຕັມປ່ຽມຕໍ່ເຄງການນີ້,ເພາະວ່າເພິ່ນຫວັງເຮັດວຽກໃດຫນຶ່ງເພື່ອສິ່ງແວດລ້ອມທຳມະຊາດ,ຍິ່ງສຳຄັນກວ່ານັ້ນແມ່ນເພິ່ນຢາກປະກອບສ່ວນຂອງຕົນເພື່ອຈີນ.ຂ້າພະເຈົ້າສຸດທີ່ເຄົາລົບເພິ່ນທີ່ໄດ້ພະຍາຍາມເພື່ອສະພາບແວດລ້ອມທຳມະຊາດການຢູ່ລອດຂອງເສືອໂຄ່ງຈີນ.
ຄວາມພະຍາຍາມແລະການອຸທິດຂອງນາງຊວນລີ້ກໍ່ໄດ້ຮັບການຢືນຢັນແລະຮັບຮອງຈາກລັດຖະບານຈີນ.ຕໍ່ເລື່ອງນີ້,ທ່ານລູ້ຈູນ ຂອງສູນຄົ້ນຄວ້າແລະພັດທະນາສັດປ່າຂອງກົມປ່າໄມ້ແຫ່ງຊາດຈີນເວົ້າວ່າ:
ຜ່ານຈາກການຮ່ວມມືລະຫວ່າງພວກຂ້າພະເຈົ້າກັບນາງຊວນລີ້,ການເຄື່ອນໄຫວກອບກູ້ເສືອພາກໃຕ້ຈີນຢູ່ພາຍໃນປະເທດໃນປັດຈຸບັນໄດ້ຮັບຄວາມເອົາໃຈໃສ່ຢ່າງຫລວງຫລາຍ,ນີ້ຈະມີບົດບາດຊຸກຍູ້ອັນໃຫຍ່ຫລວງຕໍ່ວຽກງານຂອງພວກຂ້າພະເຈົ້າໃນບາດກ້າວຕໍ່ໄປ.ນີ້ກໍ່ເປັນການທົດລອງອັນຕັ້ງຫນ້າຕໍ່ການກອບກູ້ສັດທີ່ມໍ່ຈະສູນພັນ.
1 2
|
|
|
