|
ຄະນະຜູ່ແທນຮົງກົງທີ່ນຳພາໂດຍທ່ານເຈິ່ງອິ່ນຊວນ ຜູ່ວ່າການເຂດບໍລິຫານພິເສດຮົງກົງຈະຢ້ຽມຢາມເຂດກວາງຊີເຜົ່າຈວ້າງປົກຄອງຕົນເອງທີ່ຕັ້ງຢູ່ພາກຕາເວັນຕົກສຽງໃຕ້ຂອງຈີນໃນໄວໆນີ້,ເຂດກວາງຊີຢູ່ຂເດຕິດກັບອາຊຽນໃນເຂດການຄ້າເສລີຈີນອາຊຽນໄດ້ຮັບຄວາມສົນໃຈສູງຈາກຊາວຮົງກົງຢ່າງບໍ່ເຄີຍມີມາກ່ອນ.
ທ່ານເຈິ່ງອິ່ນຊວນ ຜູ່ວ່າການເຂດບໍລິຫານພິເສດຮົງກົງຈະນຳພາເຈົ້າຫນ້າທີ່ອົງການປົກຄອງເຂດພິເສດຮົງກົງແລະບຸກຄົນຜູ່ມີຊື່ສຽງໃນວົງການອຸດສາຫະກຳການຄ້າຮົງກົງ,ລວມທັງຫມົດ 80 ຄົນໄປຢ້ຽມຢາມເຂດກວາງຊີ.
ຕາມຊາບວ່າດ ກ່ຽວກັບທ່ານເຈິ່ງອິ່ນຊວນຢ້ຽມຢາມເຂດກວາງຊີເທື່ອນີ້, ຢູ່ໃນວົງການການຄ້າຮົງກົງໄດ້ເກີດມີການປະຕິກິລິຍາຮຸນແຮງກວ່າຫມູ່,ສີ່ສະພາການຄ້າໃຫຍ່ຂອງຮົງກົງໄດ້ແຕ່ງຜູ່ແທນເຂົ້າຮ່ວມຄະນະຜູ່ແທນດັ່ງກ່າວ.ຄະນະຜູ່ແທນດັ່ງກ່າວປະກອບດ້ວຍ 80 ຄົນ,ໄດ້ມີຄົນສະເຫນີຊື່ເຕັມຫມົດແລ້ວ,ຍັງມີອີກ 20 ກວ່າຄົນຢູ່ໃນບັນຊີສຳຮອງ.
ເປັນຫຍັງທ່ານເຈິ່ງອິ່ນຊວນຢ້ຽມຢາມກວາງຊີໄດ້ຮັບຄວາມສົນໃຈຫລາຍປານນີ້ຈາກວົງການການຄ້າຮົງກົງ.ໃນເວລາໃຫ້ສຳພາດຕໍ່ນັກຂ່າວວິທະຍຸ CRI ທາງໂທລະສັບ,ທ່ານຖາງຢົງຈູນ ຫົວຫນ້າວິທະຍາຄານການຄ້າມະຫາວິທະຍາໄລກວາງຊີເວົ້າວ່າ,ໃນ 20 ປີຂອງການໄຂປະຕູສູ່ພາຍນອກ, ຂະແຫນງການຜະລິດຂອງຮົງກົງຫັນມາສູ່ເຂດສາມຫລ່ຽມປາກແມ່ນ້ຳຈູ່ ຈ່ຽງທີ່ໃກ້ກັບຮົງກົງ,ໄດ້ຮັບປະສິດທິຜົນທາງດ້ານການລົງທຶນຢ່າງມະຫາ ສານ, ຂະແຫນງການບໍລິການຂອງຮົງກົງກໍ່ໄດ້ພັດທະນາຢ່າງໃຫຍ່ຫລວງ.ແຕ່ໃນໄລຍະທີ່ການຮ່ວມມືໃນເຂດປານແມ່ນ້ຳຈູ່ຈ່ຽງຂະຫຍາຍຕົວຢ່າງວ່ອງໄວ,ຮົງກົງກໍ່ປະເຊີນກັບໂອກາດແລະສິ່ງທ້າທາຍອັນໃຫມ່, ຕ້ອງການຊອກຫາຊ່ອງຫວ່າງຮ່ວມມືອັນໃຫມ່.ສະນັ້ນ, ເຂດກວາງຊີທີ່ໃກ້ກັບຮົງກົງ, ທັງອວ່າຍຫນ້າໄປສູ່ຕະຫລາດອາຊຽນນັ້ນກໍ່ກາຍເປັນການເລືອກເອົາອັນດັບຫນຶ່ງຂອງຮົງກົງ.ທ່ານເວົ້າວ່າ:
ຍ້ອນວ່າຮູບແບບການຮ່ວມມືລະຫວ່າງຮົງກົງກັບກວາງຕຸ້ງໃນກ່ອນຫນ້ານີ້ຂ້ອນຂ້າງສຳເລັດຜົນ.ກ້າວຕໍ່ໄປ ຜ່ານການຮ໋ວມມືກັບກວາງຊີ,ຮົງກົງຈະເປີດກວ້າງເຂດແຄວ້ນຂອງຮູບແບບການຮ່ວມມືດັ່ງກ່າວ,ແລະຂະຫຍາຍໄປຮອດອາຊຽນ.
1 2
|
