|
|
 |
| (GMT+08:00)
2006-06-05 09:36:46
|
 |
|
ຕະຫລາດອາຊຽນດຶງດູດທຶນຮົງກົງເຂົ້າສູ່ເຂດກວາງຊີຈີນ
cri
Author: sayvanny
ທີ່ຈິງແລ້ວ, ພາຍຫລັງງານເອັກສໂປຈີນອາຊຽນໄດ້ຈັດຂຶ້ນຢູ່ເຂດກວາງຊີແລ້ວ,ໂອກາດການທຸລະກິດທີ່ເຊື່ອມໄວ້ຢູ່ເຂດກວາງຊີນັ້ນໄດ້ຫລາຍກວ່າໃນເມື່ອກ່ອນ.
ຂໍ້ມູນສະຖິຕິສະແດງໃຫ້ເຫັນວ່າ, ໃຕ້ເບື້ອງຫລັງທີ່ສ້າງສາເຂດການຄ້າເສລີຈີນອາຊຽນ,ທຶນຮົງກົງພວມເຂົ້າສູ່ເຂດກວາງຊີເປັນຈຳນວນຫລວງຫລາຍ.ນັບມາຮອດທ້າຍປີ 2005 ຮົງກົງໄດ້ລົງທຶນຕັ້ງວິສາຫະກິດສາມຊະນິດຢູ່ເຂດກວາງຊີລວມ 5782 ແຫ່ງ, ຍອດມູນຄ່າການລົງທຶນຕົວຈິງ 37,7 ຕື້ໂດລາສະຫະລັດ, ກວມ 45% ໃນຍອດມູນຄ່າທຶນຕ່າງປະເທດທີ່ເຂດກວາງຊີນຳໃຊ້.ຂົງເຂດການລົງທຶນຕົ້ນຕໍມີຂະແຫນງການປຸງແຕ່ງ ຂະແຫນງການເຄຫະແລະຕາດິນ,ຂະແຫນງການກໍ່ສ້າງແລະການທ່ອງທ່ຽວເປັນຕົ້ນໃນບັນດາປະເທດແລະເຂດແຄວ້ນທີ່ລົງທຶນຢູ່ເຂດກວາງຊີນັ້ນ,ຈຳນວນໂຄງການ ມູນຄ່າພາຍນອກໃນຂໍ້ຜູກພັນແລະມູນຄ່າທຶນພາຍນອກທີ່ນຳໃຊ້ຕົວຈິງຂອງຮົງກົງລ້ວນແຕ່ເປັນທີຫນຶ່ງ.
ຍອດມູນຄ່າການຄ້າລະຫວ່າງຮົງກົງກັບກວາງຊີກໍ່ເພີ່ມຂຶ້ນຄູ່ປີ.ປີ 2004,ຍອດມູນຄ່າການຄ້າຂາອອກຂາເຂົ້າລະຫວ່າງກວາງຊີກັບຮົງກົງບັນລຸ 310 ລ້ານໂດລາສະຫະລັດ;ປີ 2005 ໄດ້ຮັກສາທ່ວງທ່າຂະຫຍາຍຕົວອັນດີງາມ,ຍອດມູນຄ່າການຄ້າຂາເຂົ້າຂາອອກບັນລຸ 330 ລ້ານໂດລາສະຫະລັດ, ກວມ 10,5% ໃນຍອດມູນຄ່າສິນຄ້າຂາອອກຂອງເຂດກວາງຊີ.ຮົງກົງໄດ້ກາຍເປັນບ່ອນສົ່ງຕໍ່ສິນຄ້າ ແຫລ່ງທຶນພາຍນອກໃຫຍ່ກວ່າຫມູ່ແລະຈຸດ ຫມາຍປາຍທາງໃຫຍ່ກວ່າຫມູ່ໃນການລົງທຶນຢູ່ນອກແດນຂອງເຂດກວາງຊີ.
ທ່ານສາສະດາຈານຖາງຢົງຈຸນວິເຄາະວ່າ:ກວາງຊີຕິດກັບເຂດຮ່ວມມືເສດຖະກິດສາມຫລ່ຽມປາກແມ່ນ້ຳຈູ່ຈ່ຽງ,ແມ່ນແຂວງຫນຶ່ງທີ່ປະຕິບັດນະໂຍບາຍພັດທະນາພາກຕາເວັນຕົກຢ່າງຂະຫນາດໃຫຍ່ຂອງຈີນ,ເຂດນີ້ຕິດກັບປະເທດອາຊຽນທາງນ້ຳແລະທາງບົກ,ສຳຄັນກວ່າຫມູ່ແມ່ນ, ເຂດກວາງຊີແມ່ນຊຸມສຳຄັນທີ່ຈີນຕິດກັບເຂດການຄ້າເສລີຈີນອາຊຽນ.ຮົງກົງສະແຫວງ ຫາການຮ່ວມມືກັບກວາງຊີ,ແນ່ນອນແມ່ນນຍ້ອນກວາງຊີເປັນຕົວສະແດງສຳຄັນໃນເຂດການຄ້າເສລີຈີນອາຊຽນ.
ທ່ານຖາງຢົງຈຸນເຫັນວ່າ, ສັງເກດຈາກດ້ານຍຸດທະສາດແລ້ວເຫັນວ່າ, ວິສາຫະກິດຮົງກົງລົງທຶນຢູ່ກວາງຊີບໍ່ແມ່ນຍ້ອນນະໂຍບາຍພິເສດຕ່າງໆນາໆທີ່ເຂດກວາງຊີສະຫນອງ,ຫາກແມ່ນຍ້ອນການຈັດວາງດ້ານຍຸດທະສາດຂອງວິສາຫະກິດ.ລົງທຶນຢູ່ກວາງຊີ,ຕະຫລາດອາຊຽນທີ່ກວ້າງຂວາງຈະມີແຮງດຶງດູດພວກເຂົາເຈົ້າ.ກວາງຊີກໍ່ແມ່ນຊ່ອງທາງທີ່ຮົງກົງກັບບັນດາປະເທດອາຊຽນພັດທະນາເສດຖະກິດການຄ້າໂດຍກົງ.ທ່ານຖາງຢົງຈຸນເວົ້າວ່າ:
ການພັດທະນາເສດຖະກິດການຄ້າຂອງຮົງກົງແລະອາຊຽນຕ້ອງການດຳເນີນໄປພາຍໃນຂອບເຂດການຄ້າເສລີຈີນອາຊຽນ,ງານເອັກສໂປຈີນອາຊຽນທີ່ຈັດຂຶ້ນຢູ່ນະຄອນນານນິງ ເທດສະບານເຂດກວາງຊີໃນປັດຈຸບັນນີ້ບໍ່ແມ່ນງານເອັກສໂປທຳມະດາ,ທີ່ຈິງແລ້ວແມ່ນເປັນນະໂຍບາຍໄລຍະຕົ້ນຂອງເຂດການຄ້າເສລີຈີນອາຊຽນ.ໂດຍອາໃສການຮ່ວມມືລະຫວ່າງກວາງຊີກັບອາຊຽນ,ຮົງກົງຈະໄດ້ຮັບວັດຖຸດິບອຸດສາຫະກຳແລະແຮງງານຖືກຂອງເຂດອາຊຽນ,ພ້ອມກັນນັ້ນກໍ່ສາມາດຍົກກຳລັງການຜະລິດແລະລະດັບເຕັກນິກຂອງປະເທດດ້ອຍພັດທະນາຢູ່ອາຊຽນໃຫ້ສູງຂຶ້ນ,ແລ້ວບັນລຸການໄດ້ຜົນປະໂຫຍດທັງສອງຝ່າຍ.
1 2
|
|
|
