|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງທ່ານເລັ່ງຊົ່ງ ນະວົງໄຊທີ່ຢູ່ບ້ານພູປ່າມັນ ເມືອງຮົ່ມ ແຂວງວຽງຈັນ.ໃນຈົດໝາຍຂອງທ່ານຂຽນວ່າ,ຫວ່າງມໍ່ໆນີ້,ທ່ານໄດ້ຮູ້ຂ່າວກ່ຽວກັບຈີນໄດ້ປຽບດຸນການຄ້າກັບອາເມລິກາ,ແລະໄດ້ປະກອບຄວາມຄິດຄວາມເຫັນຂອງຕົນແລະວິເຄາະເລື່ອງນີ້.ໃນລາຍການເພື່ອນມິດຜູ້ຟັງພາກນີ້,ພວກເຮົາຈະຄັດເອົາບາງຕອນໃນຈົດໝາຍຂອງທ່ານເລັ່ງຊົ່ງ ນະວົງໄຊມາອ່ານສູ່ທ່ານຟັງ,ແລະຂໍແນະນຳສະພາບການຄ້າລະຫວ່າງຈີນກັບອາເມລິກາໃນໄລຍະປະຈຸບັນ.
ໃນຈົດໝາຍ,ທ່ານເລັ່ງຊົ່ງ ນະວົງໄຊຂຽນວ່າ: ໃນມໍ່ໆມານີ້,ຂ້າພະເຈົ້າໄດ້ຊາບຂ່າວກ່ຽວກັບປະເທດຈີນສາມາດໄດ້ປຽບດຸນການຄ້າກັບອາເມລິກາສ້າງຄວາມບໍ່ພໍໃຈຕໍ່ຊື່ມວນຊົນອາເມລິກາ,ແຕ່ກົງກັນຂ້າມ,ນີ້ແມ່ນຂ່າວທີ່ກະຕືລືລົ້ນສ້າງຄວາມພໍໃຈໄປໃນທົ່ວອາຊີ,ແມ່ນຂີດໝາຍອັນສຳຄັນສະແດງເຖິງຄວາມຍິ່ງໃຫຍ່ເຂັ້ມແຂງຂອງອາຊີໂດຍລວມ,ໂດຍສະເພາະແມ່ນຊາວຈີນ. ຂ້າພະເຈົ້າຄິດວ່ານັບແຕ່ມື້ນີ້ເປັນຕົ້ນໄປຈີນຈະໄດ້ປຽບທາງການຄ້າກັບອາເມລິກາຕະຫຼອດໄປໂດຍອາເມລິກາບໍ່ມີທາງຢັບຢັ້ງໄດ້ເລີຍ ຖ້າຫາກໂລກຍັງເປີດການຄ້າເສລີຄືປະຈຸບັນ,ເຫດຜົນກໍ່ມີຢູ່ວ່າ:
1.ອາເມລິກາເປັນປະເທດທີ່ຈະເລີນທາງດ້ານເສດຖະກິດ,ປະຊາກອນສ່ວນຫຼາຍແມ່ນມີຊີວິດການເປັນຢູ່ທີ່ດີເຊິ່ງເຂົາເຈົ້າບໍ່ຍອມທີ່ຈະເປັນຄົນຮັບໃຊ້ຂອງຄົນຈີນ,ສະນັ້ນ,ວຽກກ່ຽວກັບການບໍລິການແມ່ນອາເມລິກາບໍ່ມີທາງເຂົ້າຕະຫຼາດຈີນໄດ້.
2.ເນື່ອງຈາກປະຊາກອນອາເມລິກາມີຊີວິການເປັນຢູ່ທີ່ດີ,ສະນັ້ນຄ່າຈ້າງແຮງງານຕ້ອງແພງ,ຈຶ່ງເຮັດໃຫ້ເອກະຊົນຂອງອາເມລິກາຫັນມາຈ້າງແຮງງານຕ່າງປະເທດ,ເພາະຄ່າຈ້າງຖືກກວ່າ.
3.ສ່ວນທຸລະກິດຂອງລັດຖະບານອາເມລິກາຫຼືຂອງເອກະຊົນອາເມລິກາທີ່ຈ້າງແຮງງານພາຍໃນປະເທດນັ້ນຕ້ອງໄດ້ຈ້າງແພງກວ່າ,ສະນັ້ນ,ເມື່ອຂາຍສິນຄ້າຫືຼໃຫ້ແຂກມາໃຊ້ບໍລິການນັ້ນຕ້ອງລາຄາແພງອີກ,ຕົວຢ່າງ:ສາຍການບິນປັກກິ່ງ-ອາເມລິກາຫຼືສາຍການບິນອື່ນໆທີ່ມີທັງຍົນອາເມລິກາແລະຍົນຈີນນັ້ນ.ບໍ່ວ່າຄົນຈີນຫຼືຄົນຕ່າງປະເທດກໍ່ຕ້ອງໃຊ້ບໍລິການສາຍການບິນຈີນຫຼາຍກວ່າ,ເພາະວ່າລາຄາຖືກກວ່າ,ເນື່ອງຈາກຕົ້ນທຶນຈ້າງແຮງງານທີ່ບໍລິການໃນຍົນນັ້ນຖືກກວ່າ,ຖ້າອາເມລິກາຈະຫຼຸດລາຄາປີ້ຍົນໃຫ້ຢູ່ໃນລະດັບປີ້ຍົນຈີນນັ້ນ,ກໍ່ຈະມີກຳໄລໜ້ອຍຫຼືບາງເທື່ອບໍ່ມີກຳໄລກໍ່ເປັນໄດ້,ເນື່ອງຈາກຈ້າງແຮງງານໃນຍົນແພງກວ່າ,ສະນັ້ນ,ຈຸດນີ້ອາເມລິກາກໍ່ໂຈະຕະຫຼາດຈີນບໍ່ໄດ້ແລະບໍ່ສາມາດແຂ່ງກັບຈີນໄດ້.
4.ສິນຄ້າປະເພດອຸປະໂພກບໍລິໂພກແມ່ນຊາວຈີນມີນິດໄສນິຍົມຂອງຊາດຕົນຫຼາຍກວ່າຂອງຕ່າງປະເທດ,ເພາະວ່າລາຄາຖືກກວ່າ,ເຊິ່ງເຮັດໃຫ້ເງິນຕາບໍ່ຮົ່ວໄຫຼອາເມລິກາກໍ່ບໍ່ສາມາດໂຈະຕະຫຼາດ.
5.ຈີນຈະຊື້ສິນຄ້າຈາກຕ່າງປະເທດກໍ່ຕໍ່ເມື່ອຢູ່ຈີນບໍ່ມີຫຼືມີຈຳນວນຈຳກັດ,ເຊັ່ນ,ວັດຖຸດິບປະເພດຕ່າງໆ,ເພື່ອປ້ອນໂຮງງານແລະນ້ຳມັນເຊື້ອໄຟເປັນສ່ວນໃຫຍ່,ແຕ່ສິນຄ້າທີ່ຈີນຕ້ອງການນັ້ນ,ອາເມລິກາພັດບໍ່ມີ.
ຂອບໃຈທ່ານເລັ່ງຊົ່ງ ນະວົງໄຊທີ່ຂຽນຈົດໝາຍມາປະກອບຄຳຄິດຄຳເຫັນຂອງຕົນ,ຕໍ່ໄປພວກເຮົາຂໍເລົ່າສະພາບບາງຢ່າງກ່ຽວກັບການຄ້າຈີນອາເມລິກາສູ່ທ່ານຟັງ.
ປີ 2005,ຈີນໄດ້ປຽບດຸນການຄ້າກັບອາເມລິກາເຖິງ 114 ຕື້ 197 ລ້ານໂດລາສະຫະລັດ.
ສະມາຊິກລັດຖະສະພາບາງຄົນຂອງອາເມລິກາຕິຕຽນວ່ານະໂຍບາຍການຄ້າຕໍ່ຈີນຂອງລັດຖະບານບຸສໄດ້ລົ້ມແຫຼວທັງນັ້ນ.ໃຕ້ກຳລັງໜີບດັ່ງກ່າວ, ຫ້ອງການຕົວແທນການຄ້າອາເມລິກາໄດ້ປະກາດບົດລາຍງານທີ່ພາດຫົວເລື່ອງວ່າ:"ການພົວພັນການຄ້າອາເມລິກາຈີນ:ເຂົ້າສູ່ໄລຍະໃໝ່ທີ່ມີໜ້າທີ່ຮັບຜິດຊອບຫຼາຍກວ່າເກົ່າແລະການປະຕິບັດກົດໝາຍ",ໂດຍຂຽນວ່າ,ໄດ້ຮອດເວລາສັບຊ້ອນນະໂຍບາຍການຄ້າຕໍ່ຈີນ ໃໝ່ແລ້ວ.
ໃນຂະນະດຽວກັນນີ້,ກໍມີຂ່າວແຈ້ງວ່າ,ອາເມລິກາຈະສ້າງອົງການຈຳເພາະອົງການໜຶ່ງ,ເພື່ອຕິດຕາມກວດກາສະພາບທີ່ຈີນເຄົາລົບຂໍ້ມາດຕາການຄ້າສາກົນ.ຕາມໄດ້ຊາບ,ອາເມລິກາແມ່ນຕັ້ງຫ້ອງການປະຕິບັດງານທີ່ແນໃສ່ປະເທດທີ່ກຳນົດພິເສດເປັນຄັ້ງທຳອິດ.
ແຕ່ທີ່ຈິງແລ້ວ,ດຸນການຄ້າໄດ້ປຽບກໍ່ໄດ້ນຳເອົາກຳລັງໜີບອັນມະຫາສານມາໃຫ້ຈີນ.
1 2
|
