|
ໜຶ່ງ,ກໍ່ຄືກັບທ່ານອີ້ສຽວຈູນ ຮອງລັດຖະມົນຕີກະຊວງການຄ້າຈີນເວົ້ານັ້ນວ່າ,ຂະແໜງການຜະລິດຂອງອາເມລິກາໄດ້ຍ້າຍມາຫາຈີນຢ່າງຫຼວງຫຼາຍ,ເຮັດໃຫ້ການຄ້າອາເມລິກາກັບຈີນຂາເຂົ້າຫຼາຍກວ່າຂາອອກຂ້ອນຂ້າງຫຼາຍ."ປີ 2005,ຍອດມູນຄ່າການຄ້າຂາອອກຂອງຈີນມີ 58% ມາຈາກວິສາຫະກິດທຶນ ຕ່າງປະເທດ,ມູນຄ່າສຸດທິດຸນການຄ້າໄດ້ປຽບຂອງວິສາຫະກິດທຶນຕ່າງປະເທດມີ 84 ຕື້ 400 ລ້ານໂດລາສະຫະລັດ,ກວມຍອດມູນຄ່າ ດຸນການຄ້າໄດ້ປຽບຂອງຈີນ 83%,ຖ້າຫັກພາກສ່ວນນີ້ອອກແລ້ວ,ມູນຄ່າດຸນການຄ້າໄດ້ປຽບຂອງຈີນມີແຕ່ 17 ຕື້ 500 ລ້ານໂດລາສະຫະລັດເທົ່ານັ້ນ."
ສອງ,ຈີນໄດ້ເສຍຄ່າຕອບແທນຢ່າງໃຫຍ່ຫຼວງເພື່ອຫຼຸດຄວາມຜິດໂຕນກັນໃຫ້ໜ້ອຍລົງ.ເພື່ອຫຼຸດດຸນການຄ້າໄດ້ປຽບກັບອາເມລິກາໃຫ້ໜ້ອຍລົງ,ຈີນໄດ້ນຳເຂົ້າສິນຄ້າຈາກອາເມລິກາເພິ່ມຂຶ້ນຢ່າງບໍ່ຢຸດຢັ້ງ.
ປີ2005,ມູນຄ່າສຸດທິຂອງດຸນການຄ້າໄດ້ປຽບຂອງວິສາຫະກິດທຶນຕ່າງປະເທດກວມ 83% ຂອງຍອດມູນຄ່າດຸນການຄ້າໄດ້ປຽບຂອງຈີນ,ໃນນັ້ນ,ສ່ວນຫຼາຍແມ່ນຍ້ອນວິສາຫະກິດທຶນຕ່າງປະເທດມີສິດທິພົນລະເມືອງໃນດ້ານພາສີອາກອນເປັນຕົ້ນ.ຖ້າບໍ່ມີສິດທິພົນລະເມືອງຊະນິດນີ້,ມູນຄ່າດຸນການຄ້າໄດ້ປຽບກໍຈະຫຼຸດໜ້ອຍລົງຢ່າງຫຼວງຫຼາຍແນ່ນອນ.ເພາະວ່າ,ໃນຜົນກຳໄລສ່ວນໜຶ່ງທີ່ຫຼາຍສົມຄວນຂອງທຶນຕ່າງປະເທດ,ກໍ່ໄດ້ກວມທັງ"ຜົນກຳໄລພິເສດ"ທີ່ໄດ້ຮັບຍ້ອນສິດທິພົນລະເມືອງພິເສດໃນດ້ານພາສີອາກອນເປັນຕົ້ນ.
ເພື່ອຫຼຸດດຸນການຄ້າໄດ້ປຽບກັບອາເມລິກາ,ຈີນໄດ້ຖືການເພີ່ມການນຳເຂົ້າຈາກອາເມລິກາເປັນມາດຕະການລຳດັບໜຶ່ງ.ຖ້າຫັກບົດບາດຂອງທຶນຕ່າງປະເທດໃນມູນຄ່າດຸນການຄ້າໄດ້ປຽບຂອງຈີນແລ້ວ,ປີ 2005,ມູນຄ່າດຸນການຄ້າໄດ້ປຽບຂອງຈີນກໍມີແຕ່ 17 ຕື້ 500 ລ້ານໂດລາສະຫະລັດ.ແຕ່ວ່າ,ໃນປີ 2005ພຽງແຕ່ການຊື້ຍົນໂບອິງລາຍດຽວ,ຈີນໄດ້ເສຍເງິນ 4 ຕື້ໂດລາສະຫະລັດ,ເງິນຕາຕ່າງປະເທດທີ່ຕ້ອງການນັ້ນ,ທໍ່ກັບມູນຄ່າຈີນສົ່ງອອກແພ່ນແພ56 ຕື້ຜືນ.
ອີງຕາມການວິເຄາະດັ່ງກ່າວ,ທີ່ຈິງແລ້ວ,ປັດໄຈຕົ້ນຕໍທີ່ກະທົບຕໍ່ດຸນການຄ້ານັ້ນແມ່ນບັນຫາອົງປະກອບແລະບັນຫາກຳລັງແຂ່ງຂັນຂອງອຸດສາຫະກຳຈີນ. ໃນຫຼາຍປີມານີ້,ກຳລັງແຂ່ງຂັນຂອງອຸດສາຫະກຳຈີນໄດ້ຍົກສູງຂຶ້ນຢ່າງວ່ອງໄວ.ແຕ່ເຂົ້າຮ່ວມອົງການການຄ້າໂລກມານີ້,ວິສາຫະກິດຈີນໄດ້ເລັ່ງລັດປະດິດສ້າງເຕັກນິກໃໝ່,ຍົກຄຸນນະພາບຜະລິດຕະພັນໃຫ້ສູງຂຶ້ນ,ຕັ້ງໜ້າຮັບມືກັບການທ້າທາຍ,ຄວາມສາມາດບຸກເບີກຕະຫຼາດສາກົນໄດ້ແຂງແຮງຂຶ້ນຫຼາຍ,ຄວາມສາມາດສອດຄ່ອງກັບຕະຫຼາດສາກົນກໍ່ໄດ້ສູງຂຶ້ນຕາມກັນ.ແຕ່ບັນຫາທີ່ອົງປະກອບອຸດສາຫະກຳໃນບາງຂົງເຂດບໍ່ສົມເຫດສົມຜົນນັ້ນຍັງຄົງມີຢູ່.
ຕໍ່ໄປພາຍໜ້າ,ຈີນຈະເລັ່ງລັດປ່ຽນແປງຮູບການເຕີບໂຕຂອງການຄ້າ,ປັບປຸງອົງປະກອບການຄ້າກັບຕ່າງປະເທດໃຫ້ດີຂຶ້ນ.ໃນດ້ານຂາອອກ,ຈະເອົາສິນຄ້າຍີ່ຫໍ້ດັງຂອງຕົນເອງ,ສິດຊັບສິນທາງປັນຍາຂອງຕົນເອງແລະການທຸລະກິດຈຳໜ່າຍເອົາເອງນັ້ນເປັນຕົ້ນຕໍ,ສະໜັບສະໜູນການສົ່ງອອກຜະລິດຕະພັນໄຮເຕັກ,ຜະລິດຕະພັນກົນຈັກແລະໄຟຟ້າຂອງຕົນເອງແລະຜະລິດຕະພັນແບບແຮງງານສຸມທີ່ມີມູນຄ່າເພິ່ມສູງ,ໃນດ້ານຂາເຂົ້າ,ສະໜັບສະໜູນການນຳເຂົ້າສິນຄ້າເຕັກນິກສູງແລະໃໝ່,ອຸປະກອນສຳຄັນແລະສິນຄ້າທີ່ຈີນຂາດເຂີນ,ສົ່ງເສີມໃຫ້ວິສາຫະກິດການຄ້າຂາຍຍ່ອຍທີ່ມີເງື່ອນໄຂຈັດຊື້ແລະຈຳໜ່າຍສິນຄ້າໂດຍກົງຢູ່ຕ່າງປະເທດ.
1 2
|
