|
ການແຈກຢາຍຂອງນ້ຳຕົກຂອງຈີນໃນແຕ່ລະປີມີຈຸດພິເສດທີ່ຈາກເຂດແຄມທະເລ ພາກຕາເວັນອອກສຽງໃຕ້ສູ່ເຂດໃນ ພາກຕາເວັນຕົກສຽງເໜືອປະລິມານຝົນໄດ້ຄ່ອຍໆຫຼຸດໜ້ອຍລົງ.ດ້ານໜຶ່ງ,ພາກຕາເວັນອອກສຽງໃຕ້ຂອງຈີນມໍ່ກັບທະເລ,ສ່ວນເຂດຕາເວັນຕົກສຽງເໜືອຂອງຈີນນັ້ນແມ່ນຕັ້ງຢູ່ເຂດໃນຂອງທະວີບເອີລົບອາຊີ,ຫ່າງຈາກທະເລໄກແສນໄກ,ອີກດ້ານໜຶ່ງ,ຝົນທີ່ມານຳລົມລະດູຮ້ອນນັ້ນໄດ້ຖືກພູສູງຫຼາຍໆໜ່ວຍຕ້ານທານໄວ້,ຍ້ອນແນວນີ້, ນ້ຳຝົນຈາກເຂດແຄມທະເລ ພາກຕາເວັນອອກສຽງໃຕ້ໄປສູ່ເຂດໃນ ພາກຕາເວັນຕົກສຽງເໜືອຈິ່ງໄດ້ຫຼຸດໜ້ອຍລົງເປັນກ້າວໆ.
ລະດູຝົນຢູ່ແຫ່ງຕ່າງໆຂອງຈີນບໍ່ສະໝ່ຳສະເໝີ,ຢູ່ເຂດສ່ວນຫຼາຍທົ່ວປະເທດຈີນຝົນຕົກແຕ່ເດືອນພຶດສະພາຫາເດືອນຕຸລາ.ປະລິມານ້ຳຝົນໃນໄລຍະນີ້ກວມ80%ຂອງໝົດປີ.ຢູ່ພາກໃຕ້ຈີນລະດູຝົນມາກ່ອນແຕ່ໄປຊ້າ,ແຕ່ ພາກເໜືອຈີນລະດູຝົນຊ້ຳພັດມາຊ້າໄປໄວ.ບ່ອນທີ່ມີຝົນຕົກຫຼາຍກວ່າໝູ່ຂອງຈີນແມ່ນູໂຫຊ່າວລຽວທີ່ແຂວງໃຕ້ຫວັນ,ປະລິມານນ້ຳຝົນສະເລ່ຍຕໍ່ປີມີ6588ມີລີແມັດ.ສ່ວນບ່ອນທີ່ມີຝົນຕົກໜ້ອຍກວ່າໝູ່ຂອງຈີນແມ່ນໂທເຄີ້ຊຸ້ນທີ່ຢູ່ໃນເຂດອ່າງຖູຫຼູຟ່ານ,ປະລິມານນ້ຳຝົນສະເລ່ຍຕໍ່ປີມີພຽງແຕ່5,9ມີລີແມັດເທົ່ານັ້ນ.
ດິນຟ້າອາກາດມີຫຼາຍຊະນິດແລະດິນຟ້າອາກາດລົມລະດູການທີ່ມີລັກສະນະແຜ່ນດິນໃຫຍ່ແມ່ນຈຸດພິເສດສອງຂໍ້ຂອງດິນຟ້າອາກາດຈີນ.ທິດເໜືອຂອງຈີນແມ່ນທະວີບເອີລົບອາຊີ ເຊິ່ງເປັນຜືນແຜ່ນດິນອັນກວ້າງໃຫຍ່ໄພສານກວ່າໝູ່ຂອງໂລກ,ທິດໃຕ້ແມ່ນມະຫາສະໜຸດປາຊີຟິກ ເຊິ່ງເປັນມະຫາສະໝຸດໃຫຍ່ກວ່າໝູ່ຂອງໂລກ,ເປັນເຂດດິນຟ້າອາກາດລົມລະດູການທີ່ມີຊື່ສຽງໃນໂລກ.ຈຸດພິເສດຂອງດິນຟ້າອາກາດລົມລະດູການແມ່ນ:ໃນລະດູໜາວ, ລົມມາຈາກທິດເໜືອ,ອາກາດທັງໜາວແລະທັງແຫ້ງແລ້ງ,ໃນລະດູຮ້ອນລົມມາຈາກທິດໃຕ້,ອາກາດທັງອຸ່ນທັງຊຸ່ມ.
ໃນລະດູໜາວ,ອາກາດໜາວຈາກເຂດຊີເບຣີແລະໂມງໂກລີທີ່ຢູ່ທິດເໜືອຂອງຈີນພັດມາແຜ່ນດິນໃຫຍ່ຈີນ,ແລ້ວໄປເຂດແຄມທະເລຕາເວັນອອກສຽງໃຕ້ຂອງຈີນ,ແຕ່ລະປີມີກະແສລົມໜາວ5-6ເທື່ອ,ດັ່ງນັ້ນ,ເຂດສ່ວນໃຫຍ່ຂອງຈີນທັງໜາວທັງແຫ້ງແລ້ງ,ແມ່ນປະເທດຂ້ອນຂ້າງໜາວເມື່ອທຽບກັບປະເທດໃນເສັ້ນຂະໜາມດຽວກັນ.ຕົວຢ່າງ,ເສັ້ນຂະໜານຂອງເມືອງຮູ່ມາ ແຂວງເຮລຸງຈຽງຂອງຈີນກັບລອນດອນອັງກິດຢາກທໍ່ໆກັນ,ອຸນຫະພູມລະເລ່ຍໃນເດືອນມັງກອນ,ຢູ່ລອນດອນແມ່ນ3,7ອົງສາ,ນຸ່ງເສື້ອແລນໂຕໜຶ່ງກໍ່ໄດ້ແລ້ວ,ແຕ່ຢູ່ຮ່ເມືອງູມາພັດແມ່ນລົບ27,8ອົງສາ,ໜາວທີ່ສຸດ.
ໃນລະດູຮ້ອນ,ລົມພັດຈາກມະຫາສະໝຸດປາຊິຟິກແລະມະຫາສະໝຸດອິນເດຍທີ່ກວ້າງສຸດສາຍຕາໄດ້ນຳເອົາຝົນມາຕົກຢູ່ຈີນ,ສະນັ້ນ,ຢູ່ເຂດສ່ວນຫຼາຍຂອງຈີນນ້ຳຝົນໂຮມສູນຕົກໃນລະດູຮ້ອນ,ໂດຍສະເພາະໃນເດືອນກໍລະກົດແລະເດືອນສິງຫາ.ສະນັ້ນ,ເຂດຕາເວັນອອກສຽງໃຕ້ຂອງຈີນແມ່ນເຂດທີ່ມີນ້ຳຝົນຂ້ອນຂ້າງຫຼາຍເມື່ອທຽບກັບເຂດໃນເສັ້ນຂະໜານດຽວກັນ.ຢູ່ເຂດຕາເວັນຕົກສຽງເໜືອຂອງຈີນ,ຍ້ອນວ່າມີພູຜາປ່າດົງຕ່າງໆຕ້ານທານໄວ້,ລົມລະດູຮ້ອນພັດບໍ່ຮອດ,ສະນັ້ນ,ກໍ່ມີຝົນຕົກໜ້ອຍ.
ຈຸດດີເດັ່ນຕົ້ນຕໍຂອງດິນຟ້າອາກາດຈີນແມ່ນ:ດິນຟ້າອາກາດມີຫຼາກຫຼາຍ,ມີຜົນດີຕໍ່ການເຕີບໂຕຂອງພືດແລະທັນຍາຫານ,ໄດ້ສະໜອງຊັບພະຍາກອນສັດແລະພືດອັນອຸດົມສົມບູນໃຫ້ແກ່ຈີນ,ເຂດດິນຟ້າອາກາດລົມລະດູການຂອງຈີນກວ້າງຂວາງຫຼາຍ,ລະດູຝົນແລະລະດູຮ້ອນໃນໄລຍະດຽວກັນ,ມີຜົນດີຕໍ່ການເຕີບໃຫຍ່ແລະການສຸກງອມຂອງທັນຍາຫານ,ຕົ້ນໄມ້ແລະທົ່ງຫຍ້າທີ່ລ້ຽງສັດ.ສ່ວນຂໍ້ບົກຜ່ອງຕົ້ນຕໍຂອງດິນຟ້າກາອາດຈີນແມ່ນ:ຖືກຜົນສະທ້ອນຈາກລົມລະດູການ,ນ້ຳຝົນຢູ່ແຫ່ງຕ່າງໆໃນແຕ່ລະປີປ່ຽນແປງຫຼາຍ,ມັກທີ່ເກີດໄພນ້ຳຖ້ວມຫຼືໄພແຫ້ງແລ້ງ,ກະແສລົມໜາວແລະລົມໃຕ້ຝຸ່ນ,ເປັນໄພຮ້າຍຕໍ່ການເກັບກ່ຽວຂອງທັນຍາຫານ.
ແຂວງຢຸນນານຂອງຈີນມໍ່ກັບອາຊີອາຄະເນ,ເຂດສ່ວນຫຼາຍຢູ່ເຂດມໍ່ແຖບຮ້ອນ.ຈຸດພິເສດອັນເດັ່ນຊັດອັນໜຶ່ງຂອງດິນຟ້າອາກາດຢຸນນານແມ່ນ"ບໍ່ແມ່ນ4ລະດູພັດແມ່ນ2ລະດູ ຄື,ມີແຕ່ລະດູແລ້ງກັບລະດູຝົນ",ແຕ່ເດືອນພຶດສະພາຫາເດືອນຕຸລາເປັນລະດູຝົນ,ນ້ຳຝົນຫຼາຍ."ໃນມື້ໜຶ່ງມີ4ລະດູ"ນີ້ແມ່ນຈຸດພິເສດຂອງອິນຟ້າອາກາດຢູ່ຫຼາຍທ້ອງຖິ່ນແຂວງຢຸນນານ,ເມື່ອຍ່າງຢູ່ຕາມທ້ອງຖະໜົມ,ກໍຈະໄດ້ເຫັນຜູ່ຄົນທັງຫຼາຍນຸ່ງເສື້ອຂອງລະດູໃດກໍມີ,ເພາະວ່າໃນມື້ໜຶ່ງອາກາດປ່ຽນແປງຫຼາຍເທື່ອ,ນີ້ກໍ່ແມ່ນໜຶ່ງໃນ18ເລື່ອງປະຫຼາດຂອງຢຸນນານ,ກໍ່ຄື"ນຸ່ງສົ້ງເສື້ອ4ລະດູນຳກັນ".ຄຸນມີງແມ່ນເມືອງເອກແຂວງຢຸນນານ,ໃນລະດູໜາວແຕ່ອາກາດອົບອຸ່ນ,ອຸນຫະພູມຕ່ຳສຸດສະເລ່ຍແລ້ວຢູ່ລະຫວ່າງ7,8ອົງສາ,ໃນລະດູຮ້ອນ,ອຸນຫະພູມສູງສຸດສະເລ່ຍແລ້ວຢູ່ລະຫວ່າງ20ອົງສາ,ອຸນຫະພູມສູງສຸດບໍ່ສູງກວ່າ32ອົງສາ.ຢູ່ເມືອງຄຸນມີງ,ລະດູໜາວບໍ່ໜາວ,ລະດູຮ້ອນບໍ່ຮ້ອນ,ລະດູໃບໄມ້ປົ່ງແລະລະດູໃບໄມ້ຫຼົ່ນຕິດກັນ,ດອກໄມ້ບານຕະຫຼອດປີ,ດັ່ງນັ້ນ,ຈິ່ງເອີ້ນເປັນ"ເມືອງລະດູໃບໄມ້ປົ່ງ".
ທ່ານຜູ້ຟັງທີ່ເຄົາລົບ,ຍິນດີຕ້ອນຮັບທ່ານສືບຕໍ່ຝາກຈົດໝາຍມາຍັງພວກເຮົາສະເໜີຄຳຖາມຫຼືປະກອບຄວາມຄິດຄວາມເຫັນຂອງທ່ານ.ສຸດທ້າຍນີ້,ພວກເຮົາມາຟັງເພງມ່ວນໆເພງໜຶ່ງນຳກັນ,ເພງນີ້ຊື່ວ່າ"ຊີ່ວທ່ຽນປູ້ຮຸຍລາຍ",ແປວ່າ"ລະດູໃບໄມ້ຫຼົ່ນບໍ່ກັບມາ"ອີກດີ.
1 2
|
