|
|
 |
| (GMT+08:00)
2006-06-13 18:18:19
|
 |
|
ທ່ານຮວງຈັນກັບດົນຕີປະກອບຮູບເງົາແລະເລື່ອງໂທລະພາບຂອງທ່ານ
cri
Author: mo
ຕໍ່ໄປເຊີນຟັງເພງliu guang fei wu ກະແສເວລາໄຫຼຜ່ານປານສາດ ແສງ,ເຊິ່ງທ່ານຮວງຈັນແຕ່ງເພື່ອປະກອບໃນຮູບເງົາເລື່ອງ" qing she" ນາງງູຂຽວ ຂອງທ່ານສີເຄີ້. ເພງນີ້ໄດ້ສະແດງໃຫ້ເຫັນອາລົມຈິດທີ່ຕ່າງກັບຄະຕິໂລກ. ເນື້ອເພງມີຢູ່ວ່າ: ລະດູໃບໄມ້ຫຼົ່ນ, ເຄິ່ງເຢັນເຄິ່ງອຸ່ນ, ເມກລອຍຢູ່ຂ້າງເຈົ້າ, ນັ່ງເບິ່ງກາລະເວລາໄຫຼຜ່ານປານສາດແສງ, ໃບໄມ້ແດງປິວເປື້ອງ ຢູ່ໃນສາຍລົມ, ພາໃຫ້ໃຈອ່ອນໂຍນ. ເຄິ່ງງ້ວງເຄິ່ງຕື່ນ, ມາປານຫິມະບິນຍ່າວໆ, ບິນມາໃສ່ໜ້າເຢັນສະບາຍ, ພາໃຫ້ເກີດຄວາມລະມ່ອມລະໄມ.
ທ່ານຮວງຈັນໄດ້ຈາກພວກເຮົາໄປແລ້ວ, ແຕ່ດົນຕີຂອງທ່ານຍັງຄົງສະແດງໃຫ້ເຫັນຄວາມອາໄລອາວອນຂອງທ່ານຕໍ່ໂລກນີ້. ແຟນເພງທັງຫຼາຍເວົ້າວ່າ, ຟັງດົນຕີຂອງທ່ານຮວງຈັນເທື່ອໃດ, ກໍເໝືອນກັບໄດ້ໂອ້ລົມທາງຈິດໃຈກັບທ່ານ. ທ່ານຮວງຈັນເປັນຄົນເປີດອົກ ມັກກົງໄປກົງມາ, ໃນຕະຫຼອດຊີວິດຂອງທ່ານ, ນອກຈາກມີເນື້ອເພງທີ່ມ່ວນປານກາບກອນຈົ່ງໄວ້ໃຫ້ພວກເຮົາແລ້ວ, ຍັງມີສຽງຫົວອັນຊື່ນບານຂອງທ່ານ. ທ່ານມີເພງໜຶ່ງຊື່ວ່າ"xiao shi jie" ໂລກນ້ອຍໆ, ໄດ້ວາດພາບການຫົວດັ່ງນີ້ວ່າ: "ທຸກຄົນຄວນຫົວເລື້ອຍໆ, ຢ່າໃຫ້ນ້ຳຕາໄຫຼອາບແກ້ມ, ມີຄວາມຫວັງຢູ່ທຸກເວລາ, ຢ່າຕື່ນເຕັ້ນ. ໃນໝູ່ຄົນເຮົາ, ຄວນຊ່ອຍເຫຼືອກັນ, ຄວນຮູ້ວ່າ, ໂລກມະນຸດເຮົາ, ນ້ອຍແຕ່ໜ້າຮັກ." ພາຍຫຼັງມາ, ທ່ານຮວງຈັນຍັງໄດ້ແຕ່ງເພງອີກເພງໜຶ່ງ, ກໍເວົ້າເລື່ອງຫົວຄືກັນ. ເຊີນຟັງນຳກັນ, ເພງ"cang hai yi sheng xiao" ສຽງຫົວໃນມະຫາສະໝຸດ.
ທີ່ທ່ານພວມຟັງຢູ່ນີ້ແມ່ນເພງ"cang hai yi sheng xiao" ສຽງຫົວໃນມະຫາສະໝຸດ ແມ່ນເພງສິລະປີນທັງສາມຄືທ່ານຮວງຈັນ ທ່ານສີເຄີ້ແລະທ່ານໂລຕ້າຢິ້ວຮ້ອງຮ່ວມກັນແຕ່ງເພື່ອປະກອບໃນຮູບເງົາເລື່ອງ"xiao ao jiang hu" ຫົວເຍີ້ຍວົງພະເນຈອນ. ແມ່ນບົດເພງຕົວແທນຂອງທ່ານຮວງຈັນທີ່ໄດ້ຮັບຄວາມນິຍົມທີ່ສຸດ. ເພງນີ້ມ່ວນ ທຳມະຊາດ, ສະຫງ່າຜ່າເຜີຍ, ສະແດງຄວາມມັກພະເນຈອນຂອງນັກດາບທີ່ຮັກຄວາມເປັນທຳ, ເນື້ອເພງໄດ້ສະແດງໃຫ້ເຫັນຈິດອາລົມແລະນິດໃສໃຈຄໍອັນຈິງແທ້ແລະຄວາມອົງອາດກ້າຫານຂອງນັກດາບທັງຫຼາຍ.
ຢູ່ຮົງກົງ, ທ່ານຮວງຈັນແມ່ນຜູ້ມີເອກະລັກພິເສດກວ່າໝູ່. ທ່ານມັກເຮັດຕາມລົດນິຍົມຂອງຕົນ, ບໍ່ຖືກຄວາມເຫັນໃດໆຜູກມັດ, ມີຄວາມກ້າຫານ, ທັງມີນ້ຳໃຈອ່ອນໂຍນ. ທ່ານຊຳນານແຕ່ງກາບກອນປະເພດຕ່າງໆ, ມີບົດຍາກໆທີ່ມີຄວາມໝາຍເລິກເຊິ່ງ, ແຕ່ກໍມີບົດເຂົ້າໃຈງ່າຍໆທີ່ໃຜໆກໍອ່ານໄດ້, ໄດ້ຊຸກຍູ້ໃຫ້ດົນຕີສະໄໝນິຍົມຂະຫຍາຍເຖິງຂັ້ນສຸດຍອດ, ກາຍເປັນຕົວແທນຂອງວັດທະນະທຳສະໄໝນິຍົມຂອງຮົງກົງ. ຕໍ່ໄປເຊີນຟັງເພງ"tie xue dan xin" ນ້ຳໃຈຊື່ສັດແຂງດັ່ງເພັດ ເພງປະກອບໂທລະພາບເລື່ອງ"she diao ying xiong zhuan" ວິລະຊົນຍິງຮຸ້ງ.
ປີ 1983, ໂທລະພາບເລື່ອງ"she diao ying xiong zhuan" ວິລະຊົນຍິງຮຸ້ງ ຊາວຈີນນິຍົມກັນທີ່ສຸດ, ທ່ານຮວງຈັນໄດ້ແຕ່ງເພງປະກອບເລື່ອງດັ່ງກ່າວທີ່ໃຫ້ຊື່ວ່າ"tie xue dan xin" ນ້ຳໃຈຊື່ສັດແຂງດັ່ງເພັດ. ເພງນີ້ສະແດງໃຫ້ເຫັນຄວາມມັກພະເນຈອນຢ່າງເສລີຂອງນັກດາບທີ່ຂີ່ມ້າແລ່ນຕາມທົ່ງຫຍ້າແລະທະເລຊາຍທີ່ກ້ວາງສຸດສາຍຕາ, ບໍ່ຢ້ານລົມຫິມະພັດໃສ່ໜ້າ", ເຮັດໃຫ້ຄົນທັງຫຼາຍຝັກໄຝ່ຫາຊີວິດແລະຄວາມຮັກບົນທົ່ງຫຍ້ານອກດ່ານ.
ມ້ວນທ້າຍລາຍການມື້ນີ້, ເຊີນຟັງເພງ"shi zi shan xia" ຢູ່ຕີນພູລາຊະສີ ເຊິ່ງທ່ານຮວງຈັນເປັນຜູ້ແຕ່ງເນື້ອຮ້ອງ, ທ່ານກູ້ເຈ່ຍຮຸ່ຍແຕ່ງທຳນອງເພງ, ແລະຂັບຮ້ອງໂດຍທ່ານໂລເວີນ.
ເອົາລະ ທ່ານຜູ້ຟັງທີ່ເຄົາລົບ, ລາຍການຢ່ອນອາລົມໃນວັນເສົາພາກນີ້ຂໍຈົບລົງທໍ່ນີ້, ຂອບໃຈທ່ານທີ່ຮັບຟັງ, ສະບາຍດີ.
1 2
|
|
|
