|
ພໍ່, ສະບາຍດີວັນພໍ່!(ສຽງ)
cri
Author: huachunmei
ເພງ"ຕ້າຕີ້" "ທໍລະນີ" ແມ່ນເພງເກົ່າເພງໜຶ່ງ. ແຕ່ໃນວັນພິເສດ ຄື, ມື້ນີ້, ປຽບພໍ່ເປັນທຳລະນີທີ່ມິດງຽບບໍ່ມັກປາກແຕ່ໃຈກວ້າງຂວາງອາດຈະເໝາະສົມທີ່ສຸດ. ເຊີນຟັງເພງນີ້ນຳກັນ!
ທ່ານຜູ່ຟັງທີ່ຮັກແພງ, ຢູ່ຈີນ, ຄຳເອີ້ນວ່າ"ພໍ່"ກໍໝາຍເຖິງເສົາຄ້ຳຂອງຄອບຄົວ, ຈະແບກຫາບໜ້າທີ່ຮັບຜິດຊອບຕໍ່ຄອບຄົວຫຼາຍກວ່າ. ເພງ "ປາປາເຕີຊາວເຊຍ" "ເກີບເຟືອງຂອງພໍ່" ໄດ້ພັນລະນາຄວາມອິດເມື່ອຍຂອງພໍ່. ເພງນີ້ມີເນື້ອຮ້ອງວ່າ, "ເກີບເຟືອງແມ່ນເຮືອ, ພໍ່ແມ່ນຜ້າໃບ. ເທິງເຮືອບັນທຸກເຕັມໄປດ້ວຍຄຳເຕືອນຂອງຍ່າ, ນຳເອົາຄວາມຝັກໄຝ່ໃນຍາມຍັງໜຸ່ມ, ອອກເດີນທາງດ້ວຍຄວາມຫວັງເຕັມປ່ຽມ. ມີແມ່ຊ່ອຍພາຍເຮືອ, ຊັກຜ້າໃບຂຶ້ນດ້ວຍຄວາມຮັກເລິກເຊິ່ງ, ບຸກຜ່າຫົວຟອງອີກຫຼາຍຄັ້ງ. ເກີບເຟືອງແມ່ນເຮືອ, ພໍ່ແມ່ນຜ້າໃບ. ບ້ານເກີດເມືອງນອນທາງໄກພວມຮຽກຮ້ອງ, ເຮືອທີ່ແລ່ນເມື່ອຍແລ້ວຈົ່ງມາທຽບທ່າໄວໆ…"
ທ່ານຜູ່ຟັງທີ່ຮັກແພງ, ວັນພໍ່ປີນີ້ພໍດີແມ່ນຢູ່ໃນເວລາທີ່ງານແຂ່ງຂັນ ບານເຕະຊີງຂັນໂລກປີ 2006 ທີ່ຈັດຂຶ້ນຢູ່ເຢຍລະມັນ, ເຊື່ອວ່າມີຜູ່ເປັນພໍ່ຫຼວງຫຼາຍມັກເບິ່ງ. ເພງ "Time Of Our Lives" ແມ່ນເພງປະຈຳງານແຂ່ງຂັນບານເຕະຊີງຂັນໂລກຄັ້ງນີ້, ພວກເຮົາຂໍມອບເພງນີ້ໃຫ້ຜູ່ເປັນພໍ່ທັງຫຼາຍທີ່ມັກກິລາບານເຕະ, ໃນຂະນະທີ່ເບິ່ງບານນັ້ນກໍຕ້ອງເອົາໃຈໃສ່ພັກຜ່ອນ ລະວັງຮັກສາສຸຂະພາບແແດ່ເດີ້.
ທ່ານຜູ່ຟັງທີ່ຮັກແພງ, ມ້ວນທ້າຍລາຍການມື້ນີ້ ເຊີນຟັງເພງ" ຟູ້ຊິ້ນ " ແປວ່າ"ພໍ່". ເນື້ອເພງມີຢູ່ວ່າ, "ໃນຍາມຍັງນ້ອຍ, ລູກມັກນັ່ງຢູ່ເທິງຍບ່າໄຫຼ່ຂອງພໍ່. ພໍ່ແມ່ນຂັ້ນໃດໄຕ່ຂຶ້ນຟ້າ, ພໍ່ແມ່ນຄວາມທີ່ແກ່ລົດ. ລູກບໍ່ລືມພໍ່ລ້ຽງລູກດ້ວຍເຂົ້າແດງແກງຈືດ, ບໍ່ລືມພໍ່ຫາຍໃຈໃຫຍ່ນັ່ງກິນເຫຼົ່າຜູ່ດຽວ. ເມື່ອໃຫຍ່ແລ້ວ, ເດັກເທິງພູຜູ່ໃດກໍຢາກໄປຫາທາງທຳມາຫາກິນຢູ່ທາງນອກ. ເມື່ອຄຶດຮອດລູກແລ້ວ, ພໍ່ກໍຂຽນຈົດໝາຍມາສັ່ງລູກ, ເມື່ອຄຶດຮອດລູກ, ພໍ່ກໍສູບກອກຢູ່ບໍ່ປາກ, ແຫງນມອງເບິ່ງທ້ອງຟ້າທີ່ເຕັມໄປດ້ວຍໝູ່ດາວ. ໃຜກໍວ່າ, ລ້ຽງລູກເພື່ອມີຜູ່ເບິ່ງແຍງໃນຍາມເຖົ້າ, ແຕ່ລູກພັດໄປແດນໄກ. ມີຄົນເວົ້າວ່າ, ລ້ຽງລູກເພື່ອໃຫ້ລູກເບິ່ງແຍງໃນຍາມເຖົ້າ, ແຕ່ພໍ່ຈະທຸກຈະເມື່ອຍປານໃດກໍບໍ່ເຄີຍອອກປາກເວົ້າ. ລູກມີແຕ່ຮ້ອງເພງນີ້ຟາຍນ້ຳຕາ, ຂໍໃຫ້ພໍ່ແມ່ທຸກໆຄົນໃນໂລກຈົ່ງສະບາຍດີໃນໄວຊະລາ…"
ທ່ານຜູ່ຟັງທີ່ເຄົາລົບ, ຄຽງຄູ່ກັບເພງ"ພໍ່"ມໍ່ຈະຈົບລົງ, ລາຍການມື້ນີ້ກໍ່ຈະສ້ຽງສຸດລົງພຽງທໍ່ນີ້. ຂອບໃຈທ່ານທີ່ຮັບຟັງ, ພົບກັນໃຫມ່ໃນລາຍການຫນ້າ,ສະບາຍດີ.
1 2
|
|
