|
|
 |
| (GMT+08:00)
2006-06-15 11:21:04
|
 |
|
ເອກະລັກຕ່າງໝູ່ຂອງຖະໜົນເສີງຮວງມ້ຽວເກົ່າຢູ່ເມືອງຊຽງໄຮ້
cri
Author: da
ດຽວນີ້ ຢູ່ຊຽງໄຮ້,ເຂົ້າໜົມປະເພນີທີ່ມີລົດຊາດອ້ອຍຕ້ອຍຫຼາຍຊະນິດພຽງແຕ່ຢູ່ໃນ"ເສີງຮວງມ້ຽວເກົ່າ"ຈິ່ງມີໃຫ້ກິນ.ເວົ້າສຳລັບຊາວຊຽງໄຮ້ແລ້ວ,ເຂົ້າໜົມປະເພນີເຊັ່ນເຂົ້າໜົມນ້ອຍ,ເຕົ້າຮູ້ເໝັນເປັນຕົ້ນ,ບໍ່ພຽງແຕ່ພາໃຫ້ແຂກໄດ້ສະເຫວີຍແຕ່ລົດຊາດທໍ່ນັ້ນ.ທ້າວຫຼີງໝິນຄົນຊຽງໄຮ້ອ້ອຍຕ້ອຍເວົ້າວ່າ,ເພິ່ນມາກິນເຂົ້າໜົມປະເພນີຢູ່"ເສີງຮວງມ້ຽວເກົ່າ"ແມ່ນເພື່ອຫວນຄືນອະດີດ.ເພິ່ນເວົ້າວ່າ:
"ມາກິນເຂົ້າໜົມຢູ່"ເສີງຮວງມ້ຽວເກົ່າ"ເຮັດໃຫ້ຄົນເໝືອນດັ່ງໄດ້ກັບຄືນໄປຮອດອະດີດ,ແຫ່ງນີ້ເຮັດໃຫ້ຄົນມີຄວາມຮູ້ສຶກຕ່າງກັນກັບຕົວເມືອງໃນປະຈຸບັນ.ເພາະວ່າຢູ່ແຫ່ງອື່ນຂອງເມືອງຊຽງໄຮ້ບໍ່ມີເຂົ້າໜົມຫວານແລະເຕົ້າຮູ້ເໝັນຂາຍ,ມີແຕ່ມາກິນຢູ່"ເສີງຮວງມ້ຽວເກົ່າ". ເຂົ້າໜົມຂອງ"ເສີງຮວງມ້ຽວເກົ່າ"ເໝືອນດັ່ງສັນຍະລັກອັນໜຶ່ງຂອງເມືອງຊຽງໄຮ້ ."
ພາຍຫຼັງຊີມເຂົ້າໜົມຢູ່ຖະໜົນເສີງຮວງມ້ຽວເກົ່ານີ້ແລ້ວ,ທ່ານຍັງສາມາດໄປເລາະທ່ຽວຖະໜົນເກົ່າເສັ້ນນີ້ທີ່ມີຮ້ານຄ້າຕັ້ງຊ້ອງໆກັນຢ່າງຫຼວງຫຼາຍ.ຖະໜົນທີ່ປູດ້ວຍແຜ່ນຫີນສີຂຽວເສັ້ນນີ້ ກວ້າງພຽງ 3 ແມັດກວ່າ,ຮ້ານຄ້າຢູ່ສອງຢາກຖະໜົນ ສ່ວນຫຼາຍແມ່ນຕຶກສີແດງສອງຊັ້ນ,ໄດ້ແຂວນປ້າຍຊະນິດຕ່າງໆເຊັ່ນ"ລາຊາຫວີໄມ້" "ວີ" "ຊາ"ເປັນຕົ້ນ,ປະຈັກຕາຫຼາຍ.ຮ້ານຄ້າເຫຼົ່ານີ້ມີຂອບປ່ອງຢ້ຽມທີ່ຄວັດຮູບໃສ່,ຫຼັງຄາງໍຂຶ້ນ,ສະແດງໃຫ້ເຫັນສີສັນລົດຊາດຈີນອັນເຂັ້ມຂຸ້ນ.
"ເສີງຮວງມ້ຽວເກົ່າ"ແມ່ນບ່ອນຄຶກຄັກ.ແຕ່ຢູ່ທ່າມກາງຄວາມນັນແຊວພັດມີສວນອຸທິຍານແບບບູຮານທີ່ມິດງຽບສວຍງາມແຫ່ງໜຶ່ງ,ນີ້ກໍແມ່ນສວນ"ອີ້ຢວນ"ທີ່ຖືກເອີ້ນເປັນ"ປ່າໄມ້ໃນຕົວເມືອງ".ນັບມາຮອດປະຈຸບັນ ສວນ"ອີ້ຢວນ"ມີປະຫວັດ 400 ກວ່າປີແລ້ວ,ຕາມເລົ່າລືກັນວ່າ ມັນແມ່ນສວນດອກໄມ້ທີ່ເຈົ້າໜ້າທີ່ຜູ້ໜຶ່ງສ້າງໄວ້ໃຫ້ພໍ່ພັກຜ່ອນໃນຍາມເຖົ້າແກ່ຊະລາ.
ສວນ"ອີ້ຢວນ"ກວມເນື້ອທີ່ 2 ເຮັກຕາ,ມີສິ່ງກໍ່ສ້າງຮູບແບບຕ່າງໆ 20 ກວ່າຫຼັງ,ໃນສວນມີຕຶກແລະສາລາຕັ້ງໄຂວ່ກັນ,ກ້ອນຫີນຕັ້ງຊ້ອງໆກັນ,ຕົ້ນໄມ້ຂຽວອຸ່ມທຸ່ມ.ໃນສວນອີ້ຢວນ ສິ່ງທີ່ມີຊື່ສຽງທີ່ສຸດແມ່ນພູທຽມທີ່ສ້າງດ້ວຍຫີນສີເຫຼືອງຫຼາຍພັນໂຕນ,ສູງປະມານ 14 ແມັດ,ແມ່ນພູທຽມທີ່ເກົ່າແກ່ກວ່າໝູ່ ປານີດກວ່າໝູ່ແລະໃຫຍ່ກວ່າໝູ່ທີ່ມີຢູ່ໃນປະຈຸບັນຂອງເຂດພາກໃຕ້ແມ່ນ້ຳຢາງເຊຂອງຈີນ.
ໃນສວນອຸທິຍານເກົ່າແກ່ແຫ່ງນີ້,ຕົ້ນໄມ້ແຕ່ລະຕົ້ນລ້ວນແຕ່ມີປະຫວັດສາດ,ສິ່ງກໍ່ສ້າງແຕ່ລະແຫ່ງລ້ວນແຕ່ມີນິທານຂອງຕົນ,ຈົນກະທັ້ງຜູ້ເຮັດອະນາໄມໃນສວນກໍສາມາດເລົ່າພື້ນສືບຕອນໜຶ່ງສູ່ຟັງ.ລຸງຈູ່ ພະນັກງານເຮັດອະນາໄມໃນສວນອີ້ຢວນມາຫຼາຍປີແລ້ວ,ເພິ່ນເອົາຮາວໄມ້ໄຜ່ເອົາກີບດອກໄມ້ຢູ່ໃນສະນ້ຳ,ທັງເລົ່າປະຫວັດສາດຂອງຕຶກສີແດງສອງຊັ້ນຢູ່ຕໍ່ສະນ້ຳໃຫ້ນັກຂ່າວຟັງວ່າ:
"ຢູ່ໜ້າຕຶກຫຼັງນີ້ມີດອກໄມ້ຫຼາຍ,ສະນັ້ນຈຶ່ງຕັ້ງຊື່ເປັນ"ວ້ານຮວ່າໂຫຼວ"ແປວ່າ"ຕຶກດອກໄມ້ຫຼາຍ".ຢູ່ໜ້າ"ວ້ານຮວ່າໂຫຼວ"ມີຕົ້ນໄມ້ສອງຕົ້ນ,ຕົ້ນໜຶ່ງແມ່ນຕົ້ນແປະກ້ວຍ,ອີກຕົ້ນໜຶ່ງແມ່ນຕົ້ນຈຳປີຈີນ,ແຕ່ກ່ອນ ຕົ້ນແປະກ້ວຍມີຕົ້ນຜູ່ກັບຕົ້ນແມ່,ແຕ່ຕົ້ນແມ່ຖືກຟ້າຜ່າຕາຍແລ້ວ,ພາຍຫຼັງຈຶ່ງປູກຕົ້ນຈຳປີຈີນໃສ່."
ຢູ່ສວນອຸທິຍານອີ້ຢວນ,ທ່ານສາມາດຊອກໄດ້ທີ່ນັ່ງສະບາຍ,ນັ່ງເບິ່ງເງົາ ໄມ້ໄຜ່ສີຂຽວທີ່ພິມໃສ່ຝາສີຂາວ,ຊົມເບິ່ງຝາແລະຫຼັງຄາເຮືອນທີ່ຄວັດຮູບນົກຂຽນຫຼືມັງກອນໃສ່,ເບິ່ງຕົ້ນໄມ້ໃຫຍ່ທີ່ເຈົ້າຂອງສວນປູກໄວ້ເມື່ອຫຼາຍຮ້ອຍປີກ່ອນ,ເບິ່ງເຄື່ອງຄວັດໄມ້ຫຼືດິນຈີ່ທີ່ສວຍງາມປານີດ.ຢູ່ແຫ່ງນີ້,ເລື່ອງທີ່ມ່ວນກວ່າໝູ່ແມ່ນເກືອປາ,ດົມກິ່ນຫອມຂອງຕົ້ນຫວາຍຮ້ອຍປີ,ຊົມເບິ່ງປາໄນສີແດງຫຼືສີລາຍຍາດຂອງກິນ,ເບິ່ງນ້ຳໃນສວນຄ່ອຍໆໄຫຼໄປທາງໄກ,ຢູ່ໃນໃຈທ່ານຈະຮູ້ສຶກສະບາຍແລະສະຫງົບຢ່າງບອກບໍ່ຖືກ.
1 2
|
|
|
