|
ທ່ານພູສີລັດແລະທ່ານຄຳເພັດແມ່ນພະນັກງານເຕັກນິກຂອງສະຖານີໂທລະພາບແຫ່ງຊາດລາວ,ກໍແມ່ນຜູ້ຟັງວິທະຍຸCRIພວກເຮົາ.ຫວ່າງມໍ່ໆນີ້,ພວກເພິ່ນໄດ້ເຂົ້າຮ່ວມຊຸດອົບຮົມເຕັກນິກສື່ມວນຊົນອາຊຽນໂດຍແມ່ນຝ່າຍຈີນຈັດຂຶ້ນ,ໄດ້ມາທັດສະນະສຶກສາຢູ່ນະຄອນປັກກິ່ງແລະນະຄອນຊີ່ງຕາວຂອງຈີນ ເຊິ່ງເປັນ2ຕົວເມືອງທີ່ຈະຈັດລາຍການແຂ່ງຂັນຂອງງານກິລາໂອລິມປິກປີ2008ນັ້ນເປັນເວລາ2ອາທິດ,ໃນໄລຍະນີ້,ພວກເພິ່ນກໍ່ໄດ້ໄປທ່ຽວປູຊະນີຍະສະຖານທີ່ມີຊື່ສຽງຂອງຈີນ,ຊອກຮູ້ຮີດຄອງປະເພນີແລະວັດທະນະທຳຂອງຈີນ,ແລະໄດ້ເຫັນທະເລເປັນເທື່ອທຳອິດຢູ່ເມືອງຊີ່ງຕາວ.ໃນໄລຍະນີ້,ນັກຂ່າວCRIພວກເຮົາໄດ້ສຳພາດພວກເພິ່ນ,ຕໍ່ໄປເຊີນຟັງບົດສຳພາດທີ່ກ່ຽວຂ້ອງ.
ໃນຫຼາຍມື້ກ່ອນທີ່ຢູ່ຈີນ,ຢູ່ຊຸດອົບຮົມເຕັກນິກສື່ມວນຊົນອາຊຽນ,ທ່ານພູສີລັດແລະທ່ານຄຳເພັດພ້ອມດ້ວຍຜູ້ປະຕິບັດງານຊື່ມວນຊົນຂອງປະເທດອື່ນໆອາຊຽນໄດ້ຮັບການອົບຮົມໃນດ້ານເຕັກນິກດີຈີຕອນ,ເຕັກນິກເວັບໄຊແລະເຕັກນິກນຳສົ່ງເປັນຕົ້ນ,ແລະໄດ້ໄປຢ້ຽມຢາມສະຖານີໂທລະພາບສູນກາງຈີນຄືCCTVແລະວິທະຍຸສາກົນແຫ່ງປະເທດຈີນ,ໃນໄລຍະນີ້ຍັງໄດ້ໄປທ່ຽວພະລາຊະວັງບູຮານແລະກຳແພງຍັກ.ໃນເວລາເວົ້າເຖິງພາບປະທັບໃຈຕໍ່ຈີນ,ທ່ານພູສີລັດເວົ້າວ່າ,
(ສຽງ)
ໃນໄລຍະການເດີນທາງ2ອາທິດຢູ່ຈີນ,ທ່ານພູສີລັດແລະທ່ານຄຳເພັດຍັງມີຄວາມຮູ້ສຶກອັນເລິກເຊິ່ງວ່າ,ຊາວຈີນເປັນຄົນທີ່ມີໄມຕີຈິດແລະດູດດື່ມ.ພວກເພິ່ນເວົ້າວ່າຜູ່ຮັບຜິດຊອບຊຸດອົບຮົມຊຸດນີ້ເປັນຄົນສະໜິດສະໜົມຕໍ່ຜູ້ອື່ນ,ນັກຮຽນຂອງບັນດາປະເທດອາຊຽນກໍ່ມັກເພິ່ນຫຼາຍ,ພວກເຂົາເຈົ້າເວົ້າວ່າ,
(ສຽງ)
ປັດຈຸບັນ,ວຽກງານກະກຽມຂອງງານກິລາໂອລິມປິກປັກກິ່ງພວມຂະຫຍາຍໄປໜ້າຢ່າງຂຸ້ນຂ້ຽວຢູ່.ຢູ່ປັກກິ່ງ,ທ່ານພູສີລັດແລະທ່ານຄຳເພັດໄດ້ມີຄວາມຮູ້ສຶກຕໍ່ບັນຍາກາດໂອລິມປິກປັກກິ່ງ.ທ່ານພູສີລັດເວົ້າວ່າ,
(ສຽງ)
ໃນເວລາຂີ່ລົດ,ທ່ານພູສີລັດແລະທ່ານຄຳເພັດຍັງໄດ້ເຫັນສະພາບການກໍ່ສ້າງຂອງກິດຈະການສະໜາມກິລາແຫ່ງຊາດຈີນ,ເຊິ່ງແມ່ນສະໜາມກິລາຫຼັກຂອງງານກິລາໂອລິມປິກປັກກິ່ງປີ2008.ພວກເພິ່ນຮູ້ສຶກວ່າງານກິລາໂອລິມປິກນັບມື້ນັບໃກ້ກັບປັກກິ່ງແລ້ວ.
1 2
|
